CM故事區

摘星

序 第二回 第三回 第四回 第五回 第六回 第七回 第八回 第九回 第十回

摘星~~序~~

時間 : 二零零一年五月某日黃昏
地點 : 曼徹斯特市市郊河堤
人物 : 一對青年男女

女 : 呀~~你咁早到既~~
男 : 我慣左早少少到~~況且係我約你出黎嘛~~
女 : 哦~~係喎~~你叫我出黎做咩呀~~
男 : um....其實....其實....
女 : 做咩呀?
男 : 其實....我今日叫你出黎....係想講....我....我好鍾意你呀....
女 : 哦~~就係咁~~??
男 : 係....係呀....你一D都唔驚訝??
女 : 哦~~哈哈~~因為一年都總有十個八個男仔咁同我講嘛~~慣左lu~~哈哈~~
男 : 哦....
女 : 點呀~~你仲有冇野要同我講架??
男 : um....我知道我可能襯你唔起....你可能心入面笑緊我唔自量....但係....我真係好喜歡你....我知道你有好多追求者....佢地俾到你既野我唔一定俾到你....但係我會盡力滿足你....令你開心....希望你會接受我啦....
女 : 真係我想要咩都盡量俾我??
男 : 係....我會盡我能力....
女 : 好丫~~我想要一粒星星....
男 : 下?星....星星?....天上果D?
女 : 哈哈~~你自己諗下啦~~呀~~開始夜喇~~我要返屋企lu~~
男 : 呀....我送你返去....好唔好呀?
女 : 好呀~~

以上既一對青年男女,男既叫傑斯仔(暱親 : 傑),二十歲,女既叫Circle,十八歲,佢地因為就讀於同一所中學,所以相識.雖然佢地讀埋同一間中學,但係身份地位簡直懸殊,傑斯仔只係一個好普通既後生仔,但係Circle佢卻係超級富豪既獨女,樣子清麗脫俗,所以拜倒佢石榴裙下之人多到數都數唔晒,有富家公子,有男明星,真係咩人都有.雖然Circle係富家女,但係佢份人毫無架子,平易近人,所以傑斯仔亦都被佢深深吸引,o係識左佢半年之後既今日,終於決定豁出去.
以上既場面亦都因為咁而發生.

當晚
一通電話

YY : 點呀~~係咪衰左呢?哈哈
傑 : 我衰左你好開心咩....仲笑....

補充 : YY係傑斯仔既好朋友兼女同學~~

YY : Sorry囉~~咁究竟點o者?
傑 : 唉....我都唔知算唔算衰左....
YY : 咩叫唔知呀....佢點同你講呀?
傑 : 佢話想要一粒星星....
YY : 星星??天空果D??哈哈~~咁擺明衰左啦~~
傑 : 佢無話係天空果D....佢叫我自己諗下....
YY : 好明顯我覺得依個係藉口喎~~
傑 : 我覺得唔似....唉....好心煩呀....
YY : 唔好咁煩啦~~開電視睇下~~曼聯有比賽喎~~傑斯,碧咸依D球星你唔係好鍾意架咩??
傑 : 無心機呀....球星又點喎....我要既係星星呀....咦....球星....有喇~~
YY : Hum??做咩呀??傻左呀??
傑 : 我知星星邊度有喇~~
YY : 下??你真係傻左呀??
傑 : 你就傻~~我要成為一顆最閃亮既星星~~o係球場閃閃發亮~~

(待續)

摘星(二)~~選拔~~

二零零一年六月

YY : 點呀你~~仲未搵到呀??
傑 : 唉....係呀....真係講就易做就難....
YY : 一早話左你啦~~開頭仲雄心萬丈~~仲話要打俾人話俾人知你D大計添~~好彩我阻止你咋~~如果唔係~~你知啦~~講左做唔到~~好瘀架~~
傑 : 得喇得喇....知你叻喇....唉....估唔到想做球員都咁難....無啦啦點會有人肯俾我加盟丫....唉....
YY : 哈哈~~咁你就要求下我喇~~
傑 : 求你??你有辦法??快D講~~
YY : 辦法唔多唔少都有D既~~不過我有D肚餓添~~好想食PIZZA呀~~
傑 : 你....
YY : 你知啦~~肚餓就咩都唔記得架喇~~
傑 : OKOK....我投降....如果你個方法有效既~~我請你去食~~
YY : Yeah~~其實好簡單之嘛~~記唔記得以前校隊個陳Sir呀~~讚過你好有潛質果個呢~~佢講過你有條件成為球星架~~
傑 : 我記得呀~~咁又點呀~~唔通同人講我阿Sir讚過我~~咁人地就俾我加入呀~~??
YY : 哈哈~~睇黎你D消息都幾Out喎~~
傑 : 咩呀~~
YY : 果個陳Sir呢~~佢而家o係曼聯做Coach呀~~
傑 : 下?咁勁?咁又點喎~~行去奧脫福搵佢咩~~
YY : 哈哈~~咁你真係要多謝我喇~~我琴日o係街見到佢~~同佢傾左一陣~~講過下你好想做球員~~佢叫我同你講依個星期六朝早十點奧脫福有一個內部選拔~~揀d有潛質既後生仔打預備組~~佢叫你去試下~~
傑 : 你講真架?
YY : 呃你做乜~~點呀~~依個方法有效掛~~好肚餓呀~~行得未呀~~
傑 : 唔~~好多謝你呀YY~~不過....我今日淨係帶左廿蚊出黎咋~~
YY : 你....

星期六

傑 : 陳Sir~~好耐冇見喇~~估唔到你真係咁掂~~o係曼聯做Coach咁巴閉~~身為你以前既學生我都感到光榮呀~~
陳Sir : 得喇得喇~~刷我鞋都冇用~~你真係咁想加入既一陣就好好表現下你自己喇~~一陣費爵爺親自揀卒~~靠你自己喇~~
傑 : 下?費爵爺都黎埋....咁大鑊呀....
陳Sir : 你自己執生喇~~你而家行去場邊報到先啦~~我已經講低左架喇~~你行埋去講你個名就得架喇~~
傑 : 哦~~

場邊
當傑斯仔行到埋去~~佢見到有個女仔o係度埋頭苦幹~~

傑 : 咦~~果個女仔好似工作人員喎~~嘩~~好Kawaii bor~~

傑 : 唏~~唔該~~係咪依度報到呀?
女 : 係呀~~咩名?
傑 : 陳Sir叫我黎架~~我叫....
女 : 傑斯仔嘛~~
傑 : 係呀~~咦~~你點知架?
女 : 嘻嘻~~因為我叻囉~~
傑 : 哈哈~~我諗似係陳Sir講低左你聽o者~~
女 : 咦~~蠢唔晒喎~~哈哈~~
傑 : 哈哈~~梗係啦梗係啦~~多謝讚賞~~
女 : 唔駛客氣~~唏~~依件波衫係你既~~你係紅組十一號~~坐低等叫名啦~~加油喔~~
傑 : 唔該晒~~估唔你唔止人靚~~連心地都咁好bor~~
女 : 嘻嘻^^~~口花花~~坐低等叫名啦~~
傑 : 好~~

傑 : 11號....左翼....傑斯....陳sir真有我心~~俾件紅色十一號我~~

測試~~

陳Sir : 大家埋黎先~~聽住一陣去測試d咩~~首先會測試短距離衝刺~~跑一百米~~多過十三秒既~~Sorry~~曼聯唔係咁o岩你~~之後跑千五~~如果俾人OverLap一個圈既~~都係要被Out~~
除左依d~~仲有一系列控球射球盤球測試~~之後休息十五分鐘~~再打分組賽~~時間三十分鐘全場~~有冇問題??

100米

女 : weiwei~~傑斯仔~~一陣我幫你計時喎~~跑快d呀~~
傑 : 無問題~~一陣你遲少少start~~早dd停錶~~咁我會跑得快好多架~~哈哈~~
女 : 你就想~~嘻~~
傑 : 我都係講下之嘛~~係bor~~都仲未知你叫咩名喎~~
女 : 你想知呀??好呀~~一陣你跑第一~~咁我就話你知啦~~嘻~~
傑 : 嘩~~咁難呀~~
女 : 係呀~~好喇~~開始喇~~我過去準備喇~~記住跑第一呀~~^^

(待續)

摘星(三)~~選拔(續)

女 : 嘩~~你真係跑第一!!
傑 : 係呀~~為左想知你咩名~~唯有搏命跑啦~~哈哈~~
女 : 嘻~~口花花~~
傑 : 我成績幾多呀??
女 : 好快呀~~十秒八三~~
傑 : 哦~~可能依排少左練~~慢左少少~~
女 : 嘩~~咁都叫慢呀??
傑 : 係呀~~我Best Result係十秒六七~~
女 : wow~~
傑 : 拿~~願賭服輸bor~~快d講講~~
女 : 好啦~~我叫頌妍呀~~個名係咪好好聽呢~~嘻嘻~~
傑 : 哦~~果然人如其名~~哈哈~~
頌妍 : 口花花^^

1500米

頌妍 : 成績係四分五十四~~
傑 : 哦~~都算係咁~~長跑係我弱項~~唔俾人overlap都算係咁~~
頌妍 : 唉~~早知頭先用1500米黎賭啦~~
傑 : 咩喎~~而家俾個名我知好委屈你咁bor~~
頌妍 : 少少啦~~
傑 : 突然覺得好無奈=_="
頌妍 : 嘻嘻~~玩下之嘛~~

之後一連串技術測試~~都ok~~全部都入到Top5~~

休息十五分鐘~~

陳Sir : 係咪呀~~我一早話你有潛質架啦~~
傑 : 言之尚早bor~~仲有30分鐘既分組賽~~依場分組賽先係戲肉呀~~
陳Sir : 咁你一陣醒醒定定喇~~講d野你聽~~頭先費爵爺好留意你呀~~

頌妍 : weiwei~~
傑 : ........(聽唔到)
頌妍 : 嘩~~(超大聲)
傑 : 嘩~~嚇死人咩~~
頌妍 : 鬼叫你唔應人扮cool呀~~哼.\ /.
傑 : 下~~Sorry囉~~諗緊野嘛~~
頌妍 : 諗d咩咁入神呀~~
傑 : 無呀~~培養緊個情緒去比賽~~
頌妍 : 哦~~古古怪怪咁~~

分組賽

陳Sir : 好喇~~而家分組賽~~上下半場各十五分鐘~~中場休息五分鐘~~費爵爺而家o係VIP 房睇緊你地比賽架~~大家醒醒定定呀~~

上半場

咇~~Kick Off~~

休息時間

「呯」一聲巨響~~隨之然係一個垃圾筒既倒下
頌妍 : 嘩~~傑斯仔你傻左呀~~費爵爺睇住架~~你踢垃圾筒??你唔想入選呀??
傑 : 踢唔踢都入唔到架啦~~你有眼見啦~~
頌妍 : 唉~~咁又係~~

突然間有個黑影從後接近~~

?? : 其實依種情況一早預左架啦~~
傑 : 唉~~陳Sir~~我都知會咁~~但估唔到真係咁誇張~~成場波好似冇掂過波咁~~佢地一係唔交~~一交就俾d五五波你追~~再唔係就交埋去d死位~~果個八號仲離譜~~打右中場打到去我果邊~~下下爭波踢~~自由人都冇佢咁自由~~

由於依場係內部選拔~~除左傑斯仔之外~~全部人都係高級組既成員~~大家都相熟~~而且傑斯仔頭先o係之前既測試太過鋒芒畢露~~已經引起佢地眼紅~~

陳Sir : 唔駛咁灰喎~~仲有十五分鐘~~盡量做好你本份啦~~
我過去準備下先~~你自己都做好心理準備啦~~拜拜
傑 : 唔...

頌妍 : 唔好咁啦~~做好自己本份咪得囉~~有技術就唔怕冇人賞識~~加油喔~~
傑 : 唔~~雖然識左你只係一陣~~但你咁支持我~~好多謝你呀~~唔知點解每次聽到你講"加油喔"~~就覺得好有力量~~哈~~
頌妍 : 又口花花^^~~不過識講笑即係無事啦~~好喇~~夠鐘喇~~你快d出去啦~~記住做好本份呀~~

下半場

傑 : (為左Circle~~我一定要入選)

咇~~好喇~~下半場紅組開波~~左攻右~~

3mins : 紅組3號係中場截得來球~~咦~~左邊十一號空晒~~但係佢冇交喎~~佢大腳斬上去~~藍組二號輕易球鎚瓦解~~有左邊唔交斬上去~~捨易取難~~
5mins : 藍組十號組織攻勢~~佢o係中場推過兩個~~傳左俾右邊空晒既七號~~七號底線傳中~~紅組二號同藍組九號頂~~Goal~~0 : 1
7mins : 藍組依然控球在腳~~佢地o係後場磋波~~紅組冇人上前壓迫~~咦~~唔係喎~~有個十一號仔衝緊上黎~~但係一個人又點夠人地三個磋~~好似俾人磋馬騮咁~~但係佢冇放棄喎~~雖然傻左d~~但勝在夠搏~~咦~~真係俾佢迫到藍組四號甩腳~~紅組十號前場截到個波~~佢o係中路快放~~而家單刀~~右邊既十一號空晒~~佢選擇射~~Keeper擋橫左~~

傑 : (係機會喇~~)

Goal~~紅組十一號仔門前掃入~~

頌妍 : 嘩~~阿傑好波呀~~
陳Sir : 佢真係幾有潛質~~我真係有眼光~~
頌妍 : 懶叻~~

紅組十號 : o靚仔~~唔好以為自己好勁呀~~唔係我你邊有得執雞~~你慳d啦~~今日入選既一定係我~~
傑 : ......(費事睬佢~~)

14mins 藍組右路發動攻勢~~七號推過左紅組八號~~同六號仔做過撞牆沉底~~傳中~~俾紅組十一號仔回防解圍~~Corner Kick~~
15mins 角球斬出~~近柱俾人解圍~~個波彈左出禁區外~~落左落紅組十一號腳下~~

傑 : (終於可以控到個波喇~~今日既黃金機會~~!!)

紅組十一號佢o係自己後場策動攻勢~~佢開始加速~~o係中場推過左五號~~但係六號飛鏟埋黎~~佢避過左~~一路推~~如入無人止境~~藍組冇人敢貿貿然"標"佢波~~到左左禁區K角位~~佢作勢一射~~呃過左三號~~然後推落左邊窄位~~但係Keeper己經封左近柱~~佢挑起左個波~~Keeper跳盡都拍唔到~~Goal !!~~

咇~咇~咇~~~~紅組2:1險勝

「啪,啪,啪」傳來一個人既掌聲

(待續)

摘星(四)~~開操前~~

「啪,啪,啪」傳來一個人既掌聲
?? : 射得好~~
回頭一望~~竟然係費爵爺~~

傑 : 費..費爵士你好~~
費 : 我鍾意人地叫我Boss架~~
傑 : 係既....Boss....Boss??!!
陳Sir : 傻仔~~你入選喇~~
傑 : 我....我有冇聽錯呀??我發緊夢??
頌妍 : 梗係冇啦~~發夢邊會見到我依d咁靚既靚女喎~~嘻~~
傑 : 咁又係~~我發親夢都係見到Circle(自言自語)
頌妍 : hum??你講咩呀~~咁細聲~~古古惑惑咁~~
傑 : 無無無~~(扯開話題先)係喎~~咁入左選之後點呀??
費 : 阿陳Sir一陣會同你講架喇~~你而家上寫字樓同我簽左份約先啦~~
傑 : 係!!

寫字樓

費 : 我希望你可以同我地簽一份七年既約~~
傑 : 七年??咁長既??對我咁有信心??
費 : 我地對你有信心喎~~況且只係一千磅周薪~~我驚你遲d扭計加薪咋~~
傑 : 點會呢~~我多謝都黎唔切講~~
費 : 咁你快d簽啦~~簽完出去搵陳Sir~~佢會話你知依度d野~~

陳Sir : 阿傑~~我地依度既預備組係我負責既~~練習會o係隔離既練習場~~一個week操五日~~每日操兩課~~朝早九點同下午四點~~每課兩個鐘~~每當曼聯o係超聯有比賽既前一日~~我地都會同對手既預備組比賽~~比賽前一日會休息~~明未??
傑 : 明晒~~咁我幾時開始跟操??
陳Sir : 我地預備組會o係七月開操~~你記得至好呀~~
傑 : 好~~
陳Sir : 係至好講~~喂~~頌妍~~走喇~~
傑 : 係喎~~陳Sir你同頌妍咩關係呀~~
陳Sir : 下~~佢係我個妹嘛~~喂喂喂~~你唔好亂黎喎~~我最錫我個妹架~~你去摘你既星星啦~~唔好咁多心~~
傑 : 嘩~~你..你點知架??!!
陳Sir : 哈哈~~你話呢~~
傑 : 又係YY依個八婆仔....

當晚
又係電話

YY : 傑斯仔你唔好咁多心啦~~又撩女仔~~
傑 : 唉~~想多心都唔得啦~~D八婆仔亂咁唱我~~邊有機會丫~~
YY : 哈哈~~為你好架~~
傑 : 駛唔駛多謝你??
YY : 有D人爭我野都仲未俾~~仲話多謝我~~心領啦~~
傑 : Sorry囉~~我出糧請返你補數~~
YY : 算你啦~~呀~~唔知D人打左俾Circle未呢~~
傑 : 係喎~~ByeBye~~
DoDoDo~~
YY : 駛唔駛收得咁快=_="

Circle : Hello~~
傑 : Hi~~係我呀~~傑呀~~
Circle : 哦~~仲咩打俾我咁好呀~~
傑 : 冇呀~~我打黎想同你講~~我入左曼預備組呀~~
Circle : 哦~~勁喎~~恭喜呀~~
傑 : 記唔記得我個承諾呀??
Circle : 呀~~um~~記得呀~~星星嘛~~嘻嘻~~
傑 : 無錯~~我一定會為你摘下一顆星星~~

六月中既一個清晨~~
曼市內一個公園既跑步徑~~
?? : 嘩
傑 : 嘩~~又係你??!!
又係頌妍=_="
頌妍 : 嘻嘻~~surprise??
傑 : 次次出現都咁嚇人~~遲早俾你嚇死~~
頌妍 : 唔會架~~嚇嚇下就慣架喇~~哈哈~~
傑 : 如果嚇好多次都唔死~~一定會慣~~
頌妍 : 咩喎~~都唔知幾多人想俾我嚇~~你咁唔珍惜架~~
傑 : 當我無福消受~~=_="
頌妍 : 哼~~
傑 : 係喎~~咁早你做咩會o係度既??~~
頌妍 : 依個公園你買左架??哼~~
傑 : (女仔真係難服侍)無既~~我見你咁fit~~都唔似要keep fit既人~~所以少少奇怪o者~~
頌妍 : 嘻~~又口花花啦^^~~無呀~~我朝朝都見到有個傻佬o係我樓下跑~~嘈住我訓~~咪落黎望下囉~~
傑 : 傻佬=_="
頌妍 : 嘻嘻~~係喎~~你做咩朝朝落黎跑步呀~~想黎撞我呀??嘻嘻~~
傑 : 我都唔知你住依頭....
頌妍 : 係咩~~哈哈~~
傑 : 我見就開操~~咪跑步谷下體能囉~~
頌妍 : 哦~~好敬業樂業喎~~
傑 : 梗係啦~~點呀~~陪唔陪我跑下咁呀??
頌妍 : 好呀~~

十五mins後

傑 : 吁~~吁~~吁~~等..等埋我啦....吁~~吁~~
頌妍 : 咁無用架~~又話谷體能~~連個女仔都跑唔贏~~
傑 : 你....你....都好跑得喎....
頌妍 : 梗係啦~~我係校隊黎架~~專跑長跑既~~無人話你聽咩??
傑 : 無啦啦點會有人同我講bor....好累呀~~搵間餐廳坐下啦好嘛??
頌妍 : 好啦好啦~~見你就死咁~~放過你啦~~

餐廳內
傑 : A餐凍檸茶唔該~~
頌妍 : 兩份丫
伙記 : 得~~好快到~~
頌妍 : 係呢~~聽講呢~~你要摘星喎~~嘻嘻~~
傑 : 連陳Sir都咁多事=_="
頌妍 : 嘻嘻~~唔關佢事架~~講黎聽下丫~~
傑 : 唔關佢事咁仲有邊個喎~~唔好啦~~你都聽過啦~~放過我啦~~
頌妍 : e~~快d講啦~~我想聽足本呀~~你唔講既一陣跑多三十分鐘先好走呀~~
傑 : 嘩....唉....講囉....

估唔到頌妍係一個咁好既聆聽者~~o係我講既時候完全冇發問~~仲好留心~~留心到連糖都未落既檸荼都俾佢飲左半杯~~

頌妍 : 嘩~~好痴情呀~~
傑 : 諷刺我??
頌妍 : 唔係呀~~如果有個男仔咁同我講~~我一定會好感動架~~
傑 : 唉~~可惜我唔覺得佢好感動~~
頌妍 : 女仔要有矜持嘛~~唔通要o係你面前喊出黎先叫感動咩~~
傑 : 希望真係咁啦~~呀~~不如埋單走咯~~我想去買Boot呀~~
頌妍 : 好呀~~我又去~~
傑 : 你又去??
頌妍 : 係呀~~唔得咩??你又買埋條街呀??哼~~
傑 : 嘩~~唔係唔係~~點敢喎~~就算買左條街都要送俾我地頌妍小姐啦~~
頌妍 : 嘻嘻~~

之後我同頌妍兩個左行右行~~佢一時要睇衫~~一時要睇手鏈~~都唔知邊個陪邊個~~=_="

頌妍 : 嘩~~依條鏈好靚呀~~
傑 : 係喎~~又真係幾靚~~
頌妍睇中既係一條水晶手鏈~~
頌妍 : 唔知要幾錢呢~~
傑 : 入去問下囉~~

傑 : 唔該~~我想問下出面條水晶手鏈幾錢呀??
Sales : 果條鏈出自名藝術家手筆~~雕工精細~~最o岩男仔送俾女朋友~~而家仲有八折~~折實只係一百六十磅~~
傑 : 嘩~~
頌妍 : 我地都係諗下先~~
Sales : 無問題~~歡迎下次光臨~~

傑 : 一百六十磅....駛唔駛咁貴呀....
頌妍 : 咪係~~不過真係好靚~~好想買~~
傑 : 叫你男朋友送俾你嘛~~
頌妍 : 無啦啦邊度搵個男朋友出黎??
傑 : 唔係掛~~咁靚女應該大把人追bor~~
頌妍 : 嘻~~有人追唔一定有男朋友架喎~~我都唔鍾意佢地~~
傑 : 咁挑剔~~
頌妍 : 咩喎~~揀男友喎~~買菜咩~~梗要搵個至好架啦~~
傑 : 咁又係~~

之後又再左行右行~~行到成六點~~

傑 : 唔得喇~~我頂唔順呀~~行左成九個鐘喇~~早知今朝跑三十分鐘~~我諗輕鬆好多~~
頌妍 : 你都唔知係唔係男仔黎既~~有個咁靚既女仔陪你行街街~~你都辛苦到要死咁~~
傑 : (似係我陪你行多d喎 )
傑 : 咁練完跑好累架~~
頌妍 : 唉~~放過你啦~~聽日七點呀~~準時樓下見呀~~
傑 : 下??你又跑??
頌妍 : 係呀~~依排放假冇咩運動~~要Keep下~~
傑 : 唉~~我真係命苦(細細聲)

之後到七月前~~日日都俾頌妍折磨~~每一日起碼跑三十分鐘~~有時仲俾佢捉左去陪佢買野~~不過因為日日都跑咁耐~~真係覺得體能好左~~起碼喘氣都少左~~

摘星(五)~~預備組的日子~~

七日一日六點半

傑 : 今日可唔可以跑少d呀頌妍教練~~
頌妍 : 無問題~~跑少三分鐘夠少未?
傑 : 嘩~~三分鐘咁多呀~~
頌妍 : 嫌多呀??咁一分鐘囉~~
傑 : 今日開操喇~~放過我啦~~我唔想第一日就手軟腳軟呀~~
頌妍 : 唉~~而家d後生仔真係~~好啦~~跑十分鐘咁好未呀~~
傑 : 嘩~~太好喇~~

六點四十五分

頌妍 : 一陣食完早餐你好返去換衫出門喇~~
傑 : 咁急??九點先開操喎~~
頌妍 : 係九點先開操~~但係我同阿哥要早d返去打點下d野先~~
傑 : 哦~~但係~~咁關我咩事呢??
頌妍 : 無架~~我地爭個人搬下野咁~~咪搵你頂住先囉~~
傑 : 我係球員唔係工人喎~~
頌妍 : 唔係連靚女開到聲都托手爭呀~~黎啦~~好啦~~
傑 : 唉....好囉....
頌妍 : 咁八點鐘依度門口等呀~~唔好遲呀~~

八點十五分
練習場內

傑 : 早咁多返黎~~你地諗住剷起d草皮再舖過呀??
陳Sir : 咪傻啦~~九個字已經唔係好夠用~~快d幫手執野啦~~
傑 : 唉....

原來佢地真係好多野搞~~成九點先整完~~最慘係我~~無啦啦俾人捉左黎~~=_="

九點

陳Sir : 好喇~~人齊喇~~今日第一日練習~~練返d體能先~~一陣做十分鐘熱身~~之後由頌妍帶住~~跑三千~~俾人OverLap果d~~同我做二十下Push Up~~

嘩~~第一日就搞d咁既野~~仲要係頌妍帶~~好危喎~~

頌妍 : 咦~~阿傑你唔舒服呀??面都青晒既??
傑 : 跑三千喎~~我好驚呀~~你就住我呀~~
頌妍 : 俾d信心自己啦~~你練左咁耐跑~~
傑 : Try My Best~~

二十幾鐘後~~

頌妍 : 係咪呀~~都話要有信心架啦~~
傑 : 係喎~~估唔到原來我都跑到~~仲要得我一個跟到你~~
頌妍 : 不枉我朝朝鍛鍊你呀~~

之後既個半鐘~~都係做d體能訓練~~咁就操左一課喇~~

十二點半~~
更夜室外~~

嘩~~沖完涼成個人爽晒~~咦~~頌妍同邊個咁好傾呀~~等我過去八下先~~

頌妍 : Sorry呀~~我約左人呀~~
?? : 唔係嘛~~我次次約親你你都話約左人~~推左佢囉~~
頌妍 : 唔係咁好既~~下次先囉~~
?? : 邊個黎架~~一陣我同你一齊去~~見唔到果個人我唔心息~~

(聽唔清楚佢地講咩添~~行埋去先)

傑 : 頌妍~~做咩呀??
頌妍 : 呀~~咪就係佢囉~~
傑 : 我??
頌妍 : 係呀~~你約左我食Lunch嘛~~
傑 : 下~~呀~~係呀~~你行得未呀??
頌妍 : 得喇~~拜拜Bryan~~

快餐店

傑 : 頌妍小姐~~請問我幾時約左你呢??
頌妍 : 無呀~~我由你眼神中見到你好想約我~~咪俾個機會你囉~~
傑 : 好無奈~~
頌妍 : 咩喎~~當報答我鍛鍊你~~當幫下朋友都得掛~~
傑 : 得得得~~

之後~~都唔駛講啦~~都係俾人捉左去周圍行~~頌妍佢睇黎真係好鍾意條水晶手鏈~~次次都望成個字先走~~仲要我係拉佢走~~我真係驚佢遲早會打劫依間舖~~

行到四點~~第二課

第二課同第一課好唔同~~原來下午果課係練戰術同打分組賽~~
原來即使係曼聯預備組~~D人都唔係好強o者~~

六點

頌妍 : wei~~傑斯仔~~走得未呀~~
傑 : 嘩~~又想去邊度行呀~~
頌妍 : 你頭先俾個波省到傻左呀??你d舊同學約埋一齊食飯~~叫埋阿哥嘛~~
傑 : 咦~~好似係喎~~但係~~同你有關係呢~~
頌妍 : 係冇關係架~~但係我去又同你有關係咩~~

依個o靚妹好識頂嘴=_="

七點
酒樓

頌妍佢真係好煩~~佢拉住我要我逐個人介紹佢識~~個個都誤會佢係我女朋友~~解釋到口都乾埋~~真係好想搵張Label貼o係佢件衫~~寫住"陳Sir之妹"~~之後到YY喇~~

傑 : 頌妍~~依個就係....
頌妍 : YY姐姐~~
YY : 頌妍妹妹~~
傑 : 咦~~你地識既??
YY : 哈哈~~我果日撞到陳Sir~~頌妍都o係度嘛~~
傑 : 哦~~咦~~原來係YY你個八婆仔~~哼~~
頌妍 : 嘻嘻~~係醒喎~~
YY : ??
頌妍 : 佢D星星呀~~嘻嘻~~
YY : 哦~~哈哈~~咁果日同陳Sir講開~~無理由要頌妍行開嘛~~
傑 : 哼~~基本上你都無理由同陳Sir講喎~~
YY : 哈哈~~多d人知~~多d人幫你嘛~~

以後都係唔好俾YY依個八婆仔知我咁多野=_="

就係咁就過左七月第一日~~之後果幾個月都係咁上下過~~都係練下波打下友賽~~空閒時間唔係俾頌妍捉左去行~~就係俾YY捉左去~~再唔係就兩個一齊捉我去~~俾兩個女仔纏住係咪應該開心架??但係我唔覺喎~~另一方面~~Circle果邊都冇咩進展~~都係間中打下俾佢問下近況咁~~有時真係少少灰心~~不過我一定會努力~~

摘星(六)~~邀約~~

十二月中旬

YY : 喂~~阿傑~~
傑 : 咩事呢~~
YY : 你聽日生日喎~~有咩搞呀~~
傑 : 無呀~~都係咁啦~~
YY : 你咁蠢架~~約Circle嘛~~
傑 : 呀~~係喎~~拜拜~~
DoDoDo~~
YY : 而家D後生仔真心急=_="

Circle : Hello~~
傑 : Circle呀?我係阿傑呀....
Circle : 係係~~依排點呀你~~
傑 : 都係咁啦~~係呀~~我呢....聽日生日呀....我想約你食餐飯....唔知你得唔得閒呢??
Circle : 哦~~生日快樂喎~~聽日呀~~等我睇下先~~咦~~得呀~~我聽日好得閒~~
傑 : um~~咁你想去邊度呀??
Circle : 哈哈~~聽日好似係你生日喎~~你話事啦~~
傑 : um~~咁我聽晚練完波再打俾你丫~~好嘛??
Circle : 好呀~~
傑 : 咁聽日見丫~~早抖~~
Circle : Good Night

YY : 估唔到真係俾你約到佢喎~~
傑 : 駛咩講~~
YY : 懶叻~~咁我聽日晏晝搵你食飯啦~~OK??
傑 : 好~~

翌日~~

下午一點

YY : 生日快樂呀~~
傑 : 多謝~~
頌妍 : 咦~~今日阿傑你生日呀??生日快樂呀~~
傑 : 唉~~心都淡呀~~仲話FD喎~~
頌妍 : 咩喎~~你都冇講我知你生日~~咁你又知我幾時生日咩~~
傑 : (果然係係辯駁既專家)我投降~~
頌妍 : 係咪呢~~你仲好意思話我~~記住喇~~本小姐五月二十號生日~~
YY : 好喇好喇~~玩夠喇~~阿傑~~依份就係你既生日禮物喇~~我整左好耐架~~
頌妍 : 嘩~~個蛋糕好靚呀
傑 : 多謝呀~~

六點十分~~

傑 : 喂~~唔該搵Circle丫~~
Circle : 我係呀~~你係咪阿傑呀~~??
傑 : 係呀~~我想睇下你幾點行得~~
Circle : Sorry ar~~我屋企突然有事呀~~我今日唔出得黎呀~~Sorry~~
傑 : 哦~~算啦~~你都唔想既~~下次再約你啦~~
Circle : 好呀~~Sorry ar~~你玩得開心d啦~~生日快樂呀~~

頌妍 : 嘩~~
傑 : 唔....係係....
頌妍 : 喂喂~~做咩咁既樣呀??
傑 : 唉....
頌妍 : 你唔係約左Circle咩??咁既樣....莫非??!!
傑 : 係呀....佢屋企有事....
頌妍 : 哦~~唔好咁啦~~至多我陪下你喇~~
傑 : 唉....多謝喇....我唔想又要"你陪我"行幾個鐘....
頌妍 : 咩喎~~唔好咁啦~~至多俾你話晒事喇~~
傑 : 係你至好講....
頌妍 : 得啦~~行啦~~

頌妍真係講得出做得到~~真係我話晒事~~我特登帶佢去d佢無興趣既地方~~模型店呀~~機舖呀~~果d~~雖然佢悶到目光呆滯~~但係真係跟住我周圍行~~一句怨言都冇~~搞到我都有d內咎~~行行下又到果間飾物舖~~

頌妍 : 嘩~~真係好靚呀~~
傑 :等我一陣~~我行開一陣~~你睇住先~~
頌妍 : 哦~~

五分鐘後~~

傑 : 嘩~~
頌妍 : 嘩~~嚇死人咩~~
傑 : 我見你睇果條鏈睇到傻左咁~~叫你都唔應~~
頌妍 : 咩喎~~條鏈真係好靚呀~~不過好貴....嘩~~好靚呀~~
傑 : 拿~~送俾你喇~~
頌妍 : 送俾我??無啦啦做咩送條鏈俾我呀~~
傑 : 見你陪我行左咁耐~~咪買d野俾你囉~~唔要可以俾返我~~
頌妍 : 呶~~送左俾我想拎返~~難喇~~不過咁貴重....
傑 : 唔緊要啦~~當係補返你今年既生日囉~~百六磅我都俾得起既~~
頌妍 : 你生日反而送野俾我....等陣~~

佢o係個袋度唔知搵咩~~

頌妍 : 拿~~你份生日禮物呀~~
傑 : Hum??我既??
頌妍 : 係呀~~唔要呀??
傑 : 要要要~~但係你知我今日生日咩~~
頌妍 : 哈哈~~我點會唔知呢~~
傑 : 又係YY??~~=_="
頌妍 : 唔知呢~~嘻嘻~~你唔拆黎睇下~~??
傑 : 好呀~~嘩~~條項巾好靚呀~~邊度買架??
頌妍 : 嘻嘻~~我自己織架~~
傑 : 睇唔出你笨手笨腳咁~~都識織野喎~~哈哈~~
頌妍 : 呶呶呶~~
傑 : 哈哈~~多謝晒呀~~係Bor~~你今日晏晝唔俾我既??
頌妍 : 今日晏晝係咁俾人話我冇心肝~~唔記得人地生日~~咁咪唔送囉~~哼~~
傑 : 哈哈~~Sorry囉~~夜喇~~我送你返去丫~~
頌妍 : 好呀~~

傑 : 拜拜~~聽日見丫~~
頌妍 : 拜拜~~多謝呀~~^^
傑 : 傻啦~~我多謝你就真~~你上到樓打俾我丫~~我等你上左去先走~~
頌妍 : ok~~拜拜喇~~

摘星(七)~~升格~~

之後又過左一個月~~

陳Sir : 喂~~阿傑~~
傑 : 係~~咩事~~
陳Sir : 有一個好消息同一個壞消息~~你想聽邊個呀~~
傑 : 下~~壞先啦~~
陳Sir : 科東尼佢傷左~~提早收咧呀~~
傑 : 嘩~~咁嚴重呀~~但係好似唔關我事喎~~
陳Sir : 關架~~因為佢傷左~~費Sir升你上曼聯~~你聽日九點去奧脫福報到啦~~
傑 : 下~~我又發夢呀??
陳Sir : 邊得黎咁多夢你發丫~~係呀~~有d野想問你~~
傑 : 咩事呢~~
陳Sir : 你知唔知頌妍依排同邊個一齊呀~~我前幾日見佢戴住一條好靚既手鏈~~應該都唔平~~問佢~~佢又話普通朋友送~~係呢~~你知唔知邊個黎架~~
傑 : 唔知喎~~放心啦~~頌妍咁醒目~~唔會俾人呃既~~而且送得咁厚禮~~都應該係個好人~~係呀~~我有事走先~~唔講住喇~~拜拜~~
陳Sir : 駛唔駛走得咁快呀~~=_="

原來曼聯同曼聯既預備組既練習分別唔係好大~~只係質同量上有所分別~~不過依度d人好似親切d~~

傑斯 : 喂~~阿傑~~
傑 : 係係~~
傑斯 : 點呀~~慣唔慣呀~~
傑 : 都ok既~~都仲頂得順~~
碧咸 : 慢慢就慣架喇~~
傑 : 有心有心~~
約基 : 係呀~~今晚去唔去bar咁呀~~
傑 : 下~~唔好掛~~
傑斯 : 你咪帶壞人啦~~人地有女朋友仔架~~
傑 : 下?邊度有呀~~
史高斯 : 仲扮傻~~你預備組果個女朋友仔呀~~
傑 : 嘩~~唔係呀~~唔好亂講~~我同佢唔係好熟架咋~~
碧咸 : 得喇得喇~~唔駛怕醜喎~~面都紅埋~~哈哈~~
傑 : =_="

o係依段時期~~間中我都會o係後備名單之中~~但係出場機會少之又少~~多數只會o係大局己定既時候換入~~但係踢唔到三兩腳就會聽到咇~~咇~~咇~~~~

三月上旬

費爵爺 : 今日既操練就到此為止~~大家聽日準時返黎呀~~
眾 : 係~~

碧咸 : 一陣去邊度食飯呀??
白蘭斯 : 咦~~你唔駛去慰妻咩??
接著既係一陣轟笑聲~~
碧咸 : =_="~~咩喎~~連傑斯仔都去~~我梗去啦~~
史高斯 : 係喎~~傑斯仔你又唔駛去慰妻咩~~
又係一陣轟笑聲~~
傑 : 又燒到我果度=_="~~碧咸哥你玩我呀~~
傑斯 : 好喇~~玩夠喇~~行啦~~咦~~出面好多人~~

原來係一個參觀奧脫福既旅行團~~

女A : 碧咸呀~~好靚仔呀~~
女B : 傑斯呀~~幫我簽個名丫~~
女C : 史高斯~~同我影張相丫~~

個個都俾人圍住~~除左我~~

傑 : D Fans真係熱情~~唔知我幾時先有Fans呢~~
?? : 傑斯仔~~幫我簽個名丫~~
一把熟悉既聲音~~
傑 : 唔好玩我啦~~頌妍~~
頌妍 : 咩喎~~我見你俾人冷落左~~咪抵諗d搵你簽個名囉~~
傑 : =_="
頌妍 : 咩喎~~快D簽啦~~
傑 : 我又唔係球星~~簽黎做咩~~
頌妍 : 而家唔係o者~~遲d就係架喇~~
傑 : 你望下果邊~~傑斯佢真係好好波~~難怪連Boss都話佢係無價~~要o係佢手上贏個正選位~~真係好難好難~~
頌妍 : 唔好咁灰啦~~俾d信心自己呀~~加油喔~~
傑 : 唔~~
頌妍 : 快d簽啦~~手軟喇~~
傑 : 好啦~~

真係簽左~~

頌妍 : Yeah~~
傑 : 頌妍....好多謝你呀....
頌妍 : 你傻左呀~~應該我多謝你先o岩喎~~
傑 : 唔係呀....你成日都俾到支持我....我真係好多謝你....
碧咸 : 喂~~行得未呀~~
華朗 : 咦~~依個女仔係?
頌妍 : 我叫頌妍呀~~你地好~~
史高斯 : 哦~~唔怪得咁熟面口啦~~原來係就係傑斯仔成日提果個頌妍~~
傑 : 我幾時有成日提呀~~=_="
碧咸 : 冇成日提都間中提啦~~哈哈~~
頌妍 : 係咩~~佢梗係講我壞話啦~~
史高斯 : 唔係呀~~佢成日讚你靚架~~
傑 : 我....
碧咸 : 仲有呀~~佢一提起你果陣仲成日傻笑架~~
頌妍 : 係咩??嘻嘻^^
傑斯 : 睇下你地~~玩到傑斯仔塊面紅晒喇~~雖然事實o者~~都唔好講出去嘛~~哈哈~~
連傑斯都一齊玩我=_="
傑 : 我....
碧咸 : 仲我咩丫~~去食飯lu~~頌妍一齊去好唔好呀~~??
頌妍 : 好呀~~但係唔好食咁貴喎~~我冇咩錢架咋~~
史高斯 : 放心啦~~你唔夠既~~傑斯仔會請你架喇~~哈哈~~
傑 : ........

摘星(八)~~踏上星途~~

三月中旬
曼聯對列斯

上半場

4 mins : 華朗廿五碼遠射斜出
7 mins : 碧咸右路傳中,雲尼斯杜萊頭鎚攻門,馬田橫身撲出底線
8 mins : 碧咸開出角球,李奧費甸南頭鎚解圍
15 mins : 列斯中場一輪組織,基維爾左邊K角位試射,巴夫斯雙手接實
21 mins : 傑斯左路高速落底,推過加利基利,底線出波,活基治快史高斯一步解圍
30 mins : 曼聯o係廿五碼外逼得一個罰球,碧咸試射高出
34 mins : 加利利維爾回傳巴夫斯,巴夫斯遲遲未肯解圍,維杜卡逼甩巴夫斯腳下皮球,一射入網 Goal 0:1
38 mins : 雲尼斯杜萊接應碧咸四十碼外長傳窩利射入,被判越位
45 mins : 維杜卡禁區內被勾跌,球證示意比賽繼續

中場休息

費Sir : 上半場其實大家打得唔錯,只係個別球員唔係太認真,希望下半場大家打得好d~~
眾 : 係

下半場

旁述甲 : 好喇~~下半場就快開始~~我地睇下曼點反撲先~~
旁述乙 : 其實上半場曼聯基本上壓住列斯黎打~~但係始終埋門一腳差d~~另一方面巴夫斯又繼續玩野~~終於玩出火喇~~好喇~~睇返場內先~~球證哨子聲一響~~下半場開始~~

10 mins
旁述甲 : 唔經唔覺下半場已經打左十分鐘~~曼聯依然係佔盡優勢~~但係紿終把握唔到~~睇下依個波又搞成點先~~史高斯o係中場同華朗做左個one-two~~轉交右路既碧咸,碧咸大腳斬左去左邊~~傑斯腳面一控~~控得好靚~~面對住加利基利~~一個假腳兩個假腳~~推右走左加速過左加利基利,但係活基治已經逼到埋黎喇~~佢一鏟~~

咇咇!!~~

旁述甲 : 依一腳出事喇~~一個鞋底咁鏟落去~~睇黎傑斯既傷勢都應該唔輕~~軍醫拎左擔架出黎喇~~傑斯要抬出場治理~~
旁述乙 : 依一腳過火左d喎~~咁鏟落黎都有既~~應該俾返面黃牌佢啦~~係喇~~球證出示左一面黃牌俾活基治~~

場邊

軍醫 : Boss~~Ryan 佢唔可以再踢架喇~~我地要送佢去醫院檢查下~~
費Sir : 你地快d送佢去檢查~~搵人同我叫阿傑過黎~~

傑 : Boss~~傑斯佢好似好傷呀~~我可唔可以跟埋去醫院呀??
費Sir : 梗係唔得啦~~你去埋醫院咁邊個出場比賽呀~~仲有成三十幾分鐘呀~~踢少一個呀??
傑 : 下~~我出場??
費Sir : 你唔踢唔通我踢呀~~快d除左件風褸佢啦~~

旁述甲 : 好喇~~曼聯果邊有調動喇~~傑斯果然唔踢得~~20號阿傑入替11號傑斯~~曼聯換入一個新仔~~未知效果如何~~

17 mins

旁述乙 : 曼聯死球~~巴夫斯大腳踢左去前半場~~堅尼頭鎚一批~~批左俾史高斯~~史高斯左腳傳交碧咸~~
碧咸去唔到~~唯有回後俾加利仔~~加利仔後場轉邊~~轉左俾佢細佬菲臘仔~~菲臘利維爾交左去左邊既阿傑~~阿傑腳面一控~~

出界~~

28 mins
旁述甲 : 下半場打到而家依然係曼聯既世界~~雲尼斯杜萊中前場面對李奧費甸南~~一個插花一個假腳依然係擺脫唔到李奧費甸南既緊迫~~佢交返去後面俾史高斯~~史高斯轉交右邊既碧咸~~碧咸右路近底線出波~~雲尼斯杜萊頭鎚點後~~左邊禁區空晒~~阿傑衝前一射~~

Goal~~~~~~~Kick~~

旁述乙 : 曼聯似乎換錯人喎~~換入一個咁既新仔~~想唔輸都難~~

場邊跑道

?? : 阿傑~~
傑 : ........
?? : 傑斯仔(超大聲)~~
傑 : 係....邊個??

阿傑回頭一望~~係頌妍~~

頌妍 : 阿傑你做咩呀~~今日踢成咁既??
傑 : ........
頌妍 : 平時既你唔係咁架喎~~
傑 : 突然間換我入場....我都未有心理準備....到而家都仲有d震....
頌妍 : 唔駛咁驚喎~~你當平時練波咁踢啦~~俾d信心自己啦~~Circle等緊你架~~

39 mins

旁述甲 : 打到而家仲淨六分鐘~~曼聯開始全軍進攻喇~~換入埋蘇斯克查睇下又會點~~

旁述乙 : 好喇~~講返場比賽~~布朗後場大踢向前~~華朗腳背一彈~~個波彈左去左邊~~基維爾快菲臘仔一步~~佢帶住個波推過左半場~~但係俾人o係後面偷甩左個波~~原來係阿傑黎既~~佢開始策動攻勢~~佢先同堅尼做左一個單擋同 one-two~~再推過埋加利基利~~避過埋活基治既飛鏟~~左腳底線前一出~~
雲尼斯杜萊近柱一頂~~Goal~~!!

44 mins

旁述乙 : 雖然曼聯而經追和左~~但係佢地並冇放軟手腳~~繼續施壓~~左邊逼得一個角球~~碧咸今次開短~~開左俾阿傑~~佢假腳一cup~~cup過左史密夫~~推返埋大位右腳一curve~~馬田單手擋出~~但係個波落左o係蘇斯克查度~~佢一射~~Goal~~

咇~咇~咇~~

旁述甲 : 依場賽事都算得上戲劇性~~臨完場前先至反超前~~後備換入既阿傑都應記一功~~

翌日

奧脫福球場

碧咸 : 阿傑你今次威啦~~上晒報紙~~仲要大頭添~~
傑 : 唔係嘛~~得果一格仔都叫大頭??
史高斯 : 算架~~咁佢淨係影你個頭~~仲影到鬼咁大~~仲唔叫大頭呀~~哈哈~~
眾 : 哈哈~~
傑 : ....
華朗 : 係喎~~傑斯佢傷成點呀~~
傑 : 我琴晚去過睇佢~~佢要養傷三個禮拜~~
碧咸 : 嘩~~又三個禮拜~~咦~~咁咪趕唔切作客阿仙奴??

下午六點半

傑 : 拜拜喇咁多位~~

傑 : (琴日到而家都唔見頌妍既??)

?? : 嘩!!~~
傑 : 次次都係依招~~有d悶喎=_="
頌妍 : 咩喎~~咁我次次都見到你都係度唔知諗咩~~咪諗住嚇下你囉~~
傑 : 嚇得多~~都麻木左喇~~
頌妍 : 哼~~話時話~~諗咩諗得咁入神呢~~諗緊你個Circle呀??嘻嘻~~
傑 : 唔係喎~~諗緊你呀~~
頌妍 : 諗緊我??諗我咩呀~~
傑 : 無呀~~琴日比賽完到今日都唔見你~~陳Sir今日又冇返~~想問下佢都唔得~~咪諗下你去左邊囉~~
頌妍 : 掛住我呀??嘻嘻~~
傑 : 我諗緊唔知你係咪俾人捉左~~係就真係好喇~~
頌妍 : 哼~~
傑 : 講笑o者~~其實琴日比場果陣多得你果番說話~~我先可以打得定返d~~所以想搵你講聲多謝~~
頌妍 : 哦~~就係咁咋~~
傑 : 係呀~~唔知頌妍小姐賞唔賞面俾我請你食餐飯作為報答呢~~

晚上七點
餐廳內~~

傑 : 其實你琴日同今朝去左邊呀~~
頌妍 : 哦~~我去左返學呀~~
傑 : 返學??
頌妍 : 係呀~~我報左Child Care黎讀呀~~
傑 : 哦~~無啦啦做咩又去讀書既~~仲要讀d咁有愛心既科目~~
頌妍 : 咁o係曼聯依份工只係part-time黎之嘛~~我都唔會成世o係曼聯做架啦~~況且我一向都想讀Child Care架~~
傑 : 哦~~原來係咁~~
頌妍 : 無錯無錯~~
傑 : 唉~~
頌妍 : 無啦啦做咩唉呀??
傑 : 冇呀~~我諗你走左之後~~奧脫福既日子應該會枯燥好多~~
頌妍 : 嘻~~口花花~~
傑 : 真架~~冇人俾我整古~~一定會悶死我~~
頌妍 : ........
傑 : 講下笑o者~~咁你幾時會唔做呀~~
頌妍 : 起碼都要出年啦~~個course讀成年架~~
傑 : 哦~~咁你俾d心機喇~~
頌妍 : 你都係呀~~

四月初

某報甲 : 英格蘭左中場新希望 曼聯新星
某報乙 : 繼大破打比後 再助曼聯擊倒熱刺

奧脫福

史高斯 : 阿傑你就威啦~~今次真係大頭喇~~成版紙都係講你~~
碧咸 : 當年我地出道都冇你咁巴閉~~
華朗 : 上年我轉投曼聯都冇咁大篇報導~~
傑 : 唔好玩我啦~~依排球圈冇咩大新聞~~先至有咁多位去寫我o者~~
堅尼 : 阿傑你又唔駛咁謙既~~連埋對列斯既三場波~~你做左五個助攻兩個入球~~唔用咁大版寫你點得呀~~話晒都號稱"新傑斯"嘛~~
傑 : 其實邊關我事丫~~助攻呢~~就係雲尼斯杜萊同蘇斯克查把握得好o者~~至於入球~~咪就係你地交得好囉~~我求求其其一腳都撞入~~
史高斯 : 嘩~~唔係謙成咁呀~~不過點都好~~今晚依餐你既~~
傑 : =_="

四月中旬

阿仙奴對曼聯

(待續)

摘星(九)~~新星殞落~~

上回提要 : 阿傑藉著傑斯既受傷而獲得上陣機會~~火速成為球壇新星~~但係面前卻隱藏住一大危機~~

阿仙奴對曼聯

賽前兩日

鈴鈴~~電話響起單調而沉悶既鈴聲~~

傑 : Hello~~搵邊位~~
?? : 喂~~係咪阿傑呀??
傑 : YaYa~~你係??
?? : 我係Circle呀~~
傑 : 哦~~Circle??!!
Circle : 係呀~~做咩咁既聲既??你而家唔得閒呀??
傑 : 唔係唔係~~都唔知幾咁閒~~得閒到想搵d野做都搵唔到~~你而家打黎arm arm好~~
Circle : 哈哈~~係喎~~恭喜你呀~~我見到好多報紙都讚你呀~~
傑 : 佢地誇獎o者~~我踢得算係不過不失啦~~
Circle : 嘻嘻~~又唔駛咁謙~~我果個o係阿仙奴預備組既fd都話你好犀利~~想同你一較高下呀~~
傑 : 係呀~~哦~~
Circle : 呀~~係呀~~我想問下你後日得唔得閒呀~~??
傑 : Um~~後日~~呀~~(咦~~果日對阿仙奴!!)
Circle : 唔得閒呀??
傑 : 都唔係既~~都應該幾得閒~~有咩事呢??
Circle : 你知唔知果日係咩日子呀??
傑 : Um....(果日....呀....死啦....咩日子呀....)
Circle : 果日係我生日呀~~原來你唔記得架....
傑 : 傻啦~~我點會唔記得喎~~諗住開個玩笑o者~~我連生日禮物都買定架喇~~
Circle : 嘻嘻~~算你啦~~係呀~~果日呢~~我Daddy呢~~會幫我o係屋企搞個Party架~~大約六點到開始啦~~我諗都應該玩到十一,二點架~~
傑 : 哦~~其實呢~~果日我夜晚八點有場比賽~~不過我諗十點半到可以黎到架喇~~
Circle : 咁好啦~~你儘快黎啦~~係呀~~你幫我約埋YY好唔好呀~~
傑 : No Problem~~
Circle : 好啦~~我仲要打俾其他人呀~~我地後日見啦~~拜拜~~
傑 : See You ar~~

打俾YY先~~

YY : 哦~~d人真係冇心肝~~仲話鍾意人喎~~連人地生日都唔知~~
傑 : 咩喎~~依排忙左少少嘛~~記性差左少少~~好彩我兜得返~~
YY : 得喇~~係人都知你而排上位啦~~新星~~
傑 : =_="
YY : 係喎~~你果日好似有比賽架喎~~
傑 : 所以我講左我十點半到先到~~你等唔等埋我呀??
YY : 梗係等啦~~唔等埋你我咁早到咪悶死~~
傑 : OK啦~~我果日比賽完打俾你啦~~係呀~~我諗都係唔好俾頌妍知~~費事佢纏住話要跟住去~~
YY : 阿傑你真係幾Out喎~~頌妍佢聽日飛去利物浦~~一個月後先返呀~~
傑 : 係咩??冇人話我知既??佢去利物浦做咩呀~~
YY : 探親掛~~喂~~我有電話入呀~~你後日打俾我啦~~拜拜~~

比賽當日

賽前

費Sir : 今日作客高貝利~~我地目標唔駛太高~~和左已經足夠~~當然~~贏就最好啦~~
碧咸 : 當然無問題啦~~我地有英格蘭新星o係度嘛~~哈哈~~
眾 : 哈哈~~
傑 : =_="
費Sir : 唔好玩喇~~唔好俾壓力阿傑啦~~講返今日排陣先~~今日打4-5-1~~

GK : 巴夫斯
DR : 加利仔
DC : 白蘭斯
DC : 布朗
DL : 菲臘仔
ML : 阿傑
MC : 華朗
MC : 堅尼
MR : 碧咸
AMC : 史高斯
FC : 雲尼斯杜萊

費Sir : 至於阿仙奴~~佢地右後今日會出一個預備組既新仔~~叫阿輝~~據聞由於佢鬥心十分熾烈~~故外號太陽~~聽講佢o係意大利學藝多年~~阿傑你唔好輕敵呀~~
傑 : OK~~(今日對手好似較弱喎~~)
費Sir : 另外阿仙奴前線亦都有一個變動~~由於亨利受傷~~近況大勇既沙維奧雲將會拍住伯金攻堅~~大家要小心佢既速度~~

上半場

旁述甲 : 好喇~~今日依場榜首大戰即將開始~~球證哨子一響~~曼聯先開波~~雲尼斯杜萊開左俾史高斯~~史高斯回後俾布朗~~阿仙奴一開波而家有人向前場進逼~~布朗橫傳俾菲臘仔~~菲臘仔交左俾近況大勇既阿傑~~佢中場推過左韋拉~~面對住阿輝~~

傑 : (推過佢再傳中)

旁述甲 : 阿傑佢兩下假動作~~想話通佢坑渠~~點知阿輝後腳一勾~~扣住左個波

傑 : (激死~~爭少少力水)

旁述甲 : 阿輝大腳一清~~前場既沙維奧雲心口一控~~背住白蘭斯一下後腳通左佢大細~~面對住巴夫斯~~佢右腳一剔~~Goal~~!!

旁述乙 : 估唔到短短四分鐘~~阿仙奴咁快開紀錄~~一個反擊加一個漂亮既笠射~~咁就搞掂左~~

15 mins

旁述甲 : 曼聯後場組織攻勢~~白蘭斯交前俾華朗~~華朗腳面一拉~~交左去右路俾碧咸~~但係碧咸受制於A.高爾~~佢焗住交後~~交返俾加利仔~~加利仔交返中路~~堅尼控得來球~~佢望到左路阿傑走位~~大腳一交~~但係中途斷左纜~~俾阿輝截左~~佢交左俾韋拉~~韋拉推過中場~~交左俾伯金~~伯金同雲邦賀斯一個One-Two~~過左堅尼~~伯金o係區邊一射~~高出~~

23 mins

旁述乙 : 巴夫斯大腳開出生球~~史高斯同阿當斯一齊跳頂~~個波落左去蘇金保到~~蘇金保交左個波俾A.高爾~~A.高爾向前交~~俾左皮利斯~~皮利斯帶住個波~~推過左碧咸~~佢大腳轉邊~~個波交左去右邊邊線~~o係邊線既阿輝用右腳一控~~左腳將個波交左俾沙維奧雲~~沙維奧雲第一時間彈返個波俾佢~~阿輝落到右路底線~~佢右腳作勢一出~~呃過左回防既阿傑~~佢cup返轉頭~~望一望中間~~再用左腳出波~~個波o係前柱俾布朗頂走左~~

35 mins

旁述甲 : 阿傑接應華朗既橫傳~~佢推前一步~~面對住今日表現好好既阿輝~~阿輝做出一D挑釁既既行為~~佢招手示意叫阿傑推過佢~~

阿輝 : Come On~~

傑 : (可惡)

旁述乙 : 阿傑真係推埋去~~佢唔理o係佢附近幫波既華朗同史高斯~~佢做左兩個假身~~但係阿輝依然緊纏著佢~~咦~~阿輝突然間好似有d失平衡喎~~

傑 : (係機會~~!!)

阿輝 : 太天真喇~~

旁述甲 : 原來依個只係誘敵之計~~佢趁著阿傑想加速推過佢果一剎那既甩腳~~用後腳勾返住個波~~再將個波大腳送前~~

阿輝 : 原來英格蘭新星就係咁架咋~~等我仲以為有幾巴閉~~

傑 : ....

阿輝 : 係呀~~如果我係你~~今晚我一定唔會去Circle個Party~~費事獻醜於人前啦~~

傑 : 你....你就係Circle講果個仙奴預備組既fd??!!

阿輝 : 無錯~~不過到左依場比賽之後~~我就係一顆令到新星黯然無光既太陽!!以你咁既本事想追Circle~~慳d啦~~

傑 : !!

38 mins

旁述甲 : 好喇~~曼聯方面好似有調動~~今日表現失準既阿傑被調離場~~換入左蘇斯克查~~睇黎華朗會移去左路~~睇下依個調又會唔會湊效喇~~

後備席

費Sir : 阿傑你今日搞咩呀~~踢波唔係個人表演架~~要講Team-Work架~~你做咩係要自己去~~完全唔顧大局~~

傑 : ....

費Sir : 仲有~~我開波之前已經提過你唔好輕敵~~但係好明顯你完成唔放人左眼內~~

傑 : ....

費Sir : 你今日既表演令我好失望~~返屋企反省下~~聽朝九點黎我Office~~

傑 : 係....

之後場比賽~~曼聯始終受制於阿仙奴既嚴密防守~~而且更加陂阿仙奴一個突擊~~沙維奧雲推過埋巴夫斯~~一射入網~~曼聯輸 2:0

十點
Circle屋企門口

傑 : YY....我都係唔入去喇....你幫我俾份禮物Circle啦....
YY : 下~~唔好玩啦~~你等今日都等左好耐啦~~
傑 : 唔喇....你幫我俾佢啦....我真係唔想入去....
YY : 阿傑~~唔好咁啦~~輸波o者~~No Big Deal~~
傑 : 唔....你幫我同佢講句生日快樂啦....拜拜....
YY : 喂~~駛唔駛跑得咁呀=_="

Circle屋內

YY : Circcle生日快槳呀~~
Circle : 多謝呀~~咦~~阿傑呢~~佢唔係同你一齊黎咩??
YY : 哦....佢有D事呀....今日黎唔到....佢叫我幫佢同你講聲生日快槳呀....依份禮物係佢叫我幫佢交俾你架~~
Circle : 係呀....哦....
?? : 佢梗係唔會黎啦~~佢今日輸得咁慘~~
Circle : 阿輝你講咩呀~~
輝 : 曼聯今日輸左俾阿仙奴~~佢成場波都受制於我~~上半場都未完就被調離場~~你仲點敢黎獻醜喎~~
Circle : 唔....阿傑真係傻....
輝 : 唔好理佢啦~~我地去跳舞啦~~

傑斯仔家中

傑 : (我真係太天真....以為做球星咁易....仲話想追Circle....我諗我都係放棄吧啦.....)

翌日

報章甲 : 新星殞落 曼聯慘負0:2
報章乙 : 高貝利太陽下 新星黯然失色

寫字樓

費Sir : 阿傑你都知傑斯已經康復啦~~
傑 : 唔....
費Sir : 另一方面~~我地亦都簽左Rivaldool~~
傑 : 唔....
費Sir : 所以呢~~球會方面想將你調返落預備組先~~有冇問題??
傑 : 無....

摘星(十)~~真愛~~

預備組練習場

A : 嘩~~估唔到佢咁快就跌返落黎~~
B : 鬼咩~~上一場對阿仙奴打得咁差~~
C : 睇佢個樣成隻死狗咁喎~~

陳Sir : 好喇~~大家靜一靜~~我地今日會做多d體能既練習~~大家去跑圈先~~阿傑~~你過黎先~~我有d野要同你傾~~

陳Sir : 其實唔駛理佢地d閒言閒語架~~自己俾d心機練習~~今次唔得咪等下個機會囉~~
傑 : 唔....

當一個人冇左目標~~仲點會有鬥心~~

三數日後

陳Sir : 阿傑~~你做咩呀~~日日都好似唔夠訓咁~~練習又求求其其~~你係咪想俾人掟走呀~~
傑 : 唔....
陳Sir : 問親你都淨係識得唔~~你究竟想點架~~
傑 : 唔....
陳Sir : ....

當日中午

碧咸 : 咦~~陳Sir你仲咩個樣咁架~~俾人激親呀??
陳Sir : 咩俾人激親呀~~係俾人激死呀~~
史高斯 : 邊個咁大膽呀~~夠膽激親我地德高望重既陳Sir??
陳Sir : 阿傑囉~~早知唔帶佢入黎奧脫福~~
傑斯 : 阿傑??佢做咩呀~~
陳Sir : 佢日日都死狗咁返黎~~練習又求求其其~~
約基 : 我聽人講呢~~早幾日有人見過佢o係間Pub度飲酒飲到兩三點呀~~又有人見佢一個人o係河堤度發吽豆~~成個自閉仔咁呀
堅尼 : 聽咩人講丫~~o係間pub度見到佢果個人係你咋卦~~
眾 : 哈哈~~
傑斯 : 唔好講笑先~~如果真係佢~~咁搞落去唔係辦法喎~~
陳Sir : 咁點算呀~~
碧咸 : 有喇~~搵頌妍勸下佢啦~~
陳Sir : 頌妍??做咩搵佢呀??
史高斯 : 陳Sir你唔係咁Out呀~~佢地兩個一齊好耐啦~~
陳Sir : 唔係呀~~佢同頌妍一齊我唔知??
傑斯 : 係唔係一齊我就唔知~~不過頌妍應該幫到佢~~話時話~~好似好耐冇見過頌妍~~
陳Sir : 頌妍佢飛左去利物浦~~冇咁快返~~
傑斯 : 打個電話俾佢先啦~~阿傑再係咁~~遲早出事~~

當日晚上七點

曼徹斯特市市郊河堤

傑 : (河堤呀河堤....當日你帶俾我一個滿懷幸福既希望....今日卻換來一個苦痛既失望)
傑 : (諗返起當日天真既承諾....連自己都覺得可笑....)
傑 : (Circle....Sorry....我唔能夠遵守我既承諾....我只係一個弱者....並唔能夠為你帶來幸福....)

正當阿傑一個人o係度自言自語既時候~~佢完全冇發現~~o係佢後面有一個人正慢慢步向佢身後~~

?? : 阿傑....
傑 : 唔....
回頭一望~~
傑 : hum....頌妍??!!
頌妍 : 係呀....
傑 : 你....你點會o係度架....
頌妍 : 我聽講你出左事....所以返黎睇下你....
傑 : 哦....梗係又係YY依個八婆仔....我無野架....而家仲好啦....唔駛咁辛苦....
頌妍 : 阿傑....其實唔係YY話我知架....係阿哥佢今日打俾我....
傑 : 估唔到連陳Sir都咁多事....我真係冇野喎....唔駛擔心我....而家d日子都唔知幾咁舒服幾咁悠閒....
頌妍 : 阿傑你唔好咁啦....少少挫折o者....唔好搞到自己咁Down啦....知唔知有好多人好擔心你架....
傑 : 我真係冇咩....而家幾好丫....無憂無慮....咩重擔都好似冇晒咁....
頌妍 : 阿傑....你仲記唔記得點解你要踢波架....你講過要為Circle而努力架....
傑 : 努力....努力黎有咩用喎....我根本配佢唔起!!
頌妍 : 阿傑....你點可以就咁就放棄架....
傑 : 我一心入黎踢波....只係想可以拉近我同Circle之間既距離~~但係Circle佢根本唔會鍾意我....就算我點努力....到最後都係要放棄....不如早d放棄好過啦....

"啪"~~清爽既一聲代表住一記耳光~~

傑 : 頌妍....
頌妍 : 你點可以咁樣放棄自己架....知唔知你咁樣會令好多人擔心你架....嗚....
傑 : 頌妍....唔好喊啦....頌妍....
頌妍 : 阿傑....其實一直以黎....我都好鍾意你架....
傑 : !!
頌妍 : 我知道o係你心入面....一直只係得Circle....所以我一直冇講出黎....但到左依一刻....我唔可以唔講....阿傑....我知你唔一定會鍾意我....但就當係為左我....你繼續去完成自己既夢想....當係為左我....繼續去實現你既承諾啦....
傑 : 頌妍....

依一刻~~我真係唔知講咩好~~可以做既~~只係緊緊咁攬住頌妍~~

回想起黎~~每一次當我失意時~~俾到支持我既係頌妍~~每一次當我唔開心~~安慰我既亦都係頌妍~~每一日陪我嘻嘻哈哈既亦都係佢~~有佢o係度~~我會感覺到一陣溫暖既感覺~~當佢唔o係我身邊~~我又會覺得寂寞~~o係不知不覺間~~頌妍彷彿已成為我生活中既一部份~~一個重要既部份~~相對地~~我同Circle卻從未切切實實咁相處過~~我對Circle既愛~~可能只係一種盲目既崇拜~~

傑 : 頌妍....
頌妍 : 唔....
傑 : 雖然唔知我做唔做到....但係為左你....我會盡力去試....為左你....我會再次振作....
頌妍 : 傑....
傑 : 希望當我踏上頒獎台既時候....陪伴我身旁既....係你....

翌日

預備組練習場

陳Sir : 阿傑你個衰仔~~你幾時同頌妍一齊架??做咩唔話我知??有冇得到我批准呀??唔駛問條手鏈都係你送架啦~~
傑 : 呀~~哈哈~~
陳Sir : 你呀~~唔好搞到佢冇心機讀書呀~~
傑 : 咦~~陳Sir~~你望下果邊~~
陳Sir : 咩呀~~呀~~你個衰仔咪走呀~~

四月下旬

陳Sir : Boss~~阿傑依排狀態大勇~~近幾場友誼賽佢做左七個助攻同一個入球~~
費Sir : 唔~~不過我驚佢又好似對阿仙奴咁咋~~
陳Sir : Um~~我諗唔會喇~~佢依排無論心智定技術~~都成熟左好多~~仲好有大將之風~~
費Sir : 咁呀~~反正歐冠盃Rivaldool出唔到~~傑斯又有d輕傷~~你叫佢一陣去我Office啦~~

Office

費Sir : 阿傑~~聽講你依排o係預備組表現得好好喎~~
傑 : 哦~~依d我份內事o者~~
費Sir : 唔~~咁好啦~~你聽日過返黎奧脫福練波啦~~
傑 : 係~~