|
摘星
摘星(十一)~~足總盃決賽~~ 原著結局篇
完美結局篇 摘星完美結局篇~~後記~~
摘星(十一)~~足總盃決賽~~
決賽前三小時
酒店內
費Sir : 由於聯賽方面我地失分太多~~基本上贏聯賽錦標已經有d渺茫~~所以我地今年只係淨係歐聯同埋依個足總盃~~大家都知今日既對手係我地既死敵阿仙奴~~依場比賽佢地仲有李維特同雲遜傷愈復出~~比起上一次我地作客高貝利實力更強~~大家要出多兩分力~~打醒十二分精神~~
眾 : 係~~
比賽
旁述甲 : 歡迎大家黎到卡迪菲千禧球場~~今日依然係我為大家做旁述既~~未開波之前先講解下雙方既陣容~~
曼聯 :
GK : 巴夫斯
DL : 菲臘利維爾
DC : 朗尼莊臣
DC : 布朗
DR : 加利利維爾
ML : Rivaldool
MC : 華朗
MC : 堅尼
MR : 碧咸
FC : 蘇斯克查
FC : 雲尼斯杜萊
SUB : 傑,史高斯,白蘭斯,Carroll,科蘭
阿仙奴
GK : 李察胡禮
DL : 艾殊利高爾
DC : 蘇金保
DC : 雲遜
DR : 阿輝
ML : 李維特
MC : 雲邦賀斯
MC : 韋拉
MR : 皮利斯
FC : 亨利
FC : 沙維奧雲
SUB : 阿當斯,龍格保,施文,柏金,稻本潤一
旁述乙 : 依場比賽雙方都排出4-4-2~~以近況黎睇就應該以阿仙奴秤高少少~~聯賽方面佢地都已經十拿九穩~~士氣高昂~~相反曼聯上一仗主場被米杜士堡擊敗~~士氣唔多唔少都受到D影響~~好喇~~講返場波先~~雙方都已經入左場喇~~球證對一對錶~~球賽即將展開~~
上半場賽果 0 : 1
休息室
費Sir : 上半場我地輸 0 : 1~~大家有冇發現上半場我地有d咩問題~~
華朗 : 基本上我地上半場可以控制到球賽~~但係始終拉唔散阿仙奴條防線~~我地應該試下用盡球場既寬度~~
碧咸 : 阿仙奴既雲邦賀斯同韋拉o係中場做掃蕩做得好好~~我地o係佢地半場度好難組織到攻勢~~
朗尼莊臣 : 阿仙奴d反擊好有效率~~皮利斯李維特亨利同沙維奧雲速度高~~我地輸果球就係輸俾沙維奧雲既速度~~
費Sir : 唔~~大家都知道問題出現係邊~~咁下半場兩翼要盡量引出對方後衛~~後衛們唔好咁易俾對方前鋒控到個波~~俾多d壓力佢地~~陣容方面暫時唔變住~~大家俾多d心機~~俾多d壓力阿仙奴~~
下半場
旁述甲 : 上半場阿仙奴憑住一個反擊~領先一比零~~我地睇下下半場又會打成點~~
5 mins : 碧咸右路傳中~~雲遜頭鎚解圍~~堅尼禁區邊窩利高出
9 mins : Rivaldool左路推進~~阿輝偷甩其腳下皮球~~交左俾韋拉~~韋拉大腳踢向左邊~~李維特左腳一控一推~~推過左加利仔~~左邊K角位怒射中柱出界~~
13 mins
費Sir : 阿傑你熱定身先~~
傑 : 係~~
15 mins
旁述甲 : 曼聯果邊有調動~~二十號阿傑入替七十七號Rivaldool~~咦~~雪藏多時既阿傑終於復出喇~~睇下佢又可唔可以協助曼聯力挽狂瀾先~~
旁述乙 : 但係我就唔係咁睇好佢喇~~當日佢就係o係對阿仙奴果場比賽踢得一無是處~~先至被雪藏~~今仗又係對返住阿仙奴~~又係面對住阿輝~~我都唔寄望佢會踢得好好~~
18 mins
旁述甲 : 打到而家~~依然係曼聯攻勢較多~~但係始終未能攻破阿仙奴緊密既防守~~睇下依個波又點先~~
旁述乙 : 曼聯左路得到一個界外球~~菲臘仔交左俾阿傑~~阿傑頭鎚一點~~點返俾菲臘仔~~菲臘仔左腳向前大斬~~個波飛左入阿仙奴禁區~~蘇金保同雲尼斯杜萊同時起跳~~一頂之下~~個波彈左落雲遜度~~華朗即刻逼埋去~~雲遜大腳解圍~~個波省中左華朗~~彈返入禁區~~蘇斯克查睇準個波第一時間抽射~~李察胡禮唔敢接~~雙鎚打出~~個波彈左去阿仙奴右禁區邊~~阿傑心口一控~~腳面一推~~落到左路底線~~阿傑左腳一出~~阿輝及時趕到~~Corner
Kick~~
阿輝 : 想出波~~冇咁易~~
傑 : ....
19 mins
旁述乙 : 曼聯左路角球~~碧咸右腳開出~~個波落左去遠柱~~蘇斯克查頂返埋十二碼點~~雲邦賀斯搶點成功~~將個波頂返出禁區~~皮利斯順勢將個波睇左去前半場~~可惜前半場一個阿仙奴既球員都冇~~布朗輕易控定個波~~再將個波分左去左邊俾菲臘仔~~菲臘仔望空前面~~引球推進~~推過左半場~~阿仙奴方面立即有人埋去攔截佢~~菲臘仔見有人埋黎Mark佢~~即刻交個波俾阿傑~~阿傑沿住左路推進~~又係面對住阿輝~~阿傑帶住個波想過佢~~但係始終過佢唔到~~仲俾阿輝偷篤甩左個波~~界外球~~
輝 : 唔好晒氣啦~~你過我唔到架~~
傑 : ....
27 mins
旁述乙 : 依然係曼聯既攻勢~~雲尼斯杜萊後場截到個波~~佢將個波交左俾後面既華朗~~自己再跑上前場~~華朗睇準碧咸前面空晒~~將個波交左俾碧咸~~碧咸推到阿仙奴右禁區K角位~~A.高爾第一時間逼埋去~~唔俾佢咁輕易出波~~碧咸見有人逼埋黎~~第一時間回後俾上黎幫波既加利仔~~加利仔將個波彈左俾禁區邊既蘇斯克查~~蘇斯克查漏過~~個波落左去十二碼點~~雲尼斯杜萊衝前起腳~~雲遜第一時間逼埋去將個波刪出界外~~
32 mins
旁述甲 : 阿仙奴依邊換人~~雲邦賀斯被調離場~~稻本潤一入替~~
33 mins
旁述甲 : 曼聯後場自由球~~布朗開短俾左菲臘仔~~菲臘仔交前俾左堅尼~~堅尼中場扭過左稻本潤一~~再將個波交橫俾阿傑~~阿傑又係面對住阿輝~~阿輝成場波好似吊靴鬼咁緊纏住阿傑~~阿傑再次推埋去阿輝到~~但係始終都係過唔到阿輝~~佢唯有交返後~~
阿輝 : 踢埋今場波~~你都係疊埋心水再落預備組啦~~哈哈~~
傑 : ....
曼聯後備席
史高斯 : 阿傑今日又踢成咁.....
費Sir : 陳Sir你點睇~~
陳Sir : 你地留意下阿傑既眼神~~我知佢等緊既係一個機會~~
摘星(十二)~~一個機會[摘星原著結局篇,上篇]~~
47 mins
旁述乙 : 球賽進入補時階段喇~~依個應該係曼聯最後既一個攻勢~~蘇斯克查中前場控住個波~~佢將個波交左俾雲尼斯杜萊後自己入楔~~雲尼斯杜萊想第一時間彈返俾佢~~但係俾人從後逼甩左個波~~個波輾轉間落左o係左路既傑斯仔腳下~~佢再次向阿輝挑戰~~
阿輝 : 好鬥心~~黎啦~~Come On~~
旁述乙 : 阿傑o係加速推進途中突然之間急停~~佢用左腳踩住個波做左一個180度既轉身~~背向住阿輝~~阿輝俾佢依下動作搞到有d遲疑~~阿傑用腳尖剔高左個波~~一腳將個波踢過頭~~再立即以超高速轉身追落底線~~底線前將個波控住~~阿輝回身飛剷~~阿傑用左腳將個波勾住~~避過左依下飛剷~~
阿傑 : 當一個人太過有自信既時候~~就係佢暴露最大弱點既時候~~
阿輝 : !!
旁述甲 : 阿傑好乖巧咁避過左依一下飛剷~~再巧妙地推過埋蘇金保~~左邊狹窄角度面對住李察胡禮~~佢一下假腳呃過埋李察胡禮~~推返埋大位面對住空龍~~但係阿傑突然間失去平衡~~雲遜第一時間殺到~~阿傑勉強用右腳將個波交返向後~~但係佢要為依一腳負出代價~~華朗離門六碼面對空龍起腳~~Goal~~1:1
旁述乙 : 雖然曼聯追和左~~但係無人走去慶祝~~所有曼聯球員都走埋去睇下阿傑既傷勢~~我地黎睇返慢鏡~~o係阿傑將個波篤俾華朗果陣~~雲遜收唔切制~~一腳踢左落阿傑右腳小腿~~
曼聯後備席
軍醫 : 阿傑雖然唔係好傷~~但係最好唔好俾佢再落場~~
費Sir : 唔~~史高斯~~熱身準備踢加時~~
之後既比賽雙方兩無紀錄~~亙射十二碼曼聯輸5:4~~
旁述甲 : 阿仙奴依邊d球員好興奮~~相反地曼聯d球員明顯地好失落~~
旁述乙 : 梗係啦~~咁辛苦先追和一比一~~點知到最後都要輸~~
旁述甲 : 好喇~~雙方球員都出左場中準備領獎同影合照~~
阿輝 : 阿傑~~你今日踢得好好~~好波~~
阿傑 : 可惜到最後都係你地阿仙奴贏~~
阿輝 : 如果你唔係傷左~~加時可能俾你地贏埋~~
阿傑 : 傻啦~~我邊有咁大影響力~~
阿輝 : 補時階段你果球助攻~~簡直妙至毫顛~~我真係輸得心服口服~~難怪Circle一直都對你傾心~~
阿傑 : Circle??!!
阿輝 : Circle鍾意你~~你唔係唔知呀~~佢為左你已經推左幾張婚約~~仲同佢Daddy嘈過幾次~~話你知呀~~你一定要好好咁對佢呀~~唔係我唔放過你架~~
Circle....
賽後我地即刻搭飛機回到曼徹斯特市~~當我一返到屋企~~
鈴~~鈴~~
傑 : Hello~~
頌妍 : 估下我係邊個??
傑 : 一定唔會係我果個人見人愛既頌妍啦~~
頌妍 : 嘻~~算你啦~~阿傑你點呀~~頭先睇電視見你俾人踢到喎~~有冇事呀??
傑 : 都冇咩事~~抖返一兩日應該好返~~
頌妍 : 哦~~咁就好喇~~阿傑你今日踢得好好喎~~
傑 : OK啦~~可惜都係輸左~~
頌妍 : 唔緊要啦~~仲有機會~~仲有歐冠盃嘛~~唔理你呀~~我要你贏個金牌俾我架~~
傑 : 嘩~~有d難度喎~~
頌妍 : 你贏唔到既~~我唔睬你架~~
傑 : 唔係嘛....好啦好啦~~我盡力去踢啦~~
頌妍 : 咁就乖喇~~你應承左我架~~唔好忘記你既承諾呀~~
承諾....摘星....Circle....
頌妍 : Hello Hello??~~阿傑你做咩唔出聲呀??
傑 : 呀~~無事~~好啦~~我會履行我既承諾架喇~~話時話~~你幾時返黎呀~~好掛住你呀~~
頌妍 : 嘻嘻~~又口花花啦~~唔話你知住~~喂喂~~我要做功課喇~~聽日打俾你丫~~
傑 : 好啦~~唔好太過辛苦自己呀~~拜拜~~
頌妍 : 嘻~~你都好好抖下呀~~拜拜~~
寂靜的晚上~~亦是一個失眠的晚上~~
每當我合上雙眼~~腦海裡不期然就會浮現出一幕又一幕過去既情景~~河堤既承諾~~Circle既笑臉~~
而阿輝既一番話亦o係我耳邊不停咁響起~~難道我對Circle始終未能忘情??
五月中
歐冠盃決賽
曼聯對拜仁
賽前
費Sir : 今年歐冠盃決賽抽到o係我地奧脫福度踢~~擁有主場之利既我地一定要努力~~唔好再次令球迷失望~~大家加油~~
眾 : 係~~
旁述甲 : 今日奧脫福既上空一片晴朗~~係一個踢波既好天氣~~我地睇下今日雙方又會踢成點~~
佔有主場之利既我地o係球迷熱烈既支持下~~上半場果然佔盡優勢~~更憑住碧咸一個罰球領先一比零~~
中場休息
休息室
費Sir : 上半場大家踢得好好~~我都無咩可以講~~大家下半場要Keep住依個表現~~繼續努力~~
突然間有個工作人員走入左黎~~
工作人員 : 唔好意思~~Um~~出面有一男一女話要搵傑斯仔~~
費Sir : 阿傑~~咁你出去睇下啦~~唔好去咁耐~~不半場左邊仲要靠你架~~
休息室門外
傑 : 阿輝~~乜係你呀~~我仲以為係邊個~~咦....
有一個人從阿輝身後徐徐行出~~
傑 : Circle??!!
輝 : Circle話佢有d野要同你講~~咁我咪帶佢黎囉~~咦~~我有d口渴~~我去買野飲先~~
傑 : Circle....呀....好耐冇見喇....Sorry呀....上次你生日冇去到你個Party....
Circle : 唔緊要啦~~我都唔記得左lu~~係呀~~阿傑你頭先好犀利呀~~一個過幾個~~
傑 : 呀....都OK啦....希望今日可以贏到啦....Um....其實....你有d咩想同我講呀....
Circle : 呀....阿傑....你仲唔記得當日你同我o係河堤講過既野呀??
傑 : Um....記得....
Circle : 其實當日我只係諗住講下笑....但係估唔到你真係咁認真去做....
傑 : 呀....
Circle : 當我知道你為左我既一句戲言....而咁努力去實踐依個承諾....我真係覺得好感動....
傑 : 唔....
Circle : 阿傑....其實o係果日你同我講你鍾意我....果一刻其實我好開心....我好想應承你....但係我好驚你只係三分鐘熱度....但係當我知道你為左我而一直咁努力....我知道我唔可以再掩飾自己既感情....阿傑....其實我都好鍾意你....
傑 : Circle....
依一刻~~腦海中既投影機再次運作~~往事一幕幕重現~~當日河堤上既每一句說話~~摘星既承諾~~
一幕幕往事既重播令我有一股衝動好想攬住Circle~~好想接受Circle既依一份愛~~
但係當投影機繼續向前播放既時候~~出現既已經唔係Circle~~而係頌妍~~頌妍對我既鼓勵~~頌妍對我既安慰~~頌妍對我既無盡付出~~如果冇頌妍~~根本就唔會有今日既我~~
相比起Circle~~頌妍對我更加重要~~
當天的我為當天的你
河堤上許下摘星承諾
在承諾還未實現之際
我的心 卻早已變改
傑 : Sorry....Circle....我諗我唔可以同你o係埋一齊....
Circle : 點....點解....呀....你已經....唔再鍾意....我??
傑 : 其實....當初我鍾意你....只係憑住一份感覺.....一見鍾情果種感覺....我同你之間根本未曾真正相處過....我對你既愛....可能只係一份盲目既崇拜....
Circle : 但係....
傑 : 而且....我已經有了喜歡的人....一個我真正喜歡的人....
Circle : 傑....
傑 : Sorry....Circle....一切都係我既錯....
Circle : 唔....我明白....希望你地可以得到幸福....
Circle講完依句之後....就轉身向住出口跑左出去....而我....只能目送住眼泛淚光既Circle慢慢地從我眼前消失....
感覺上像是了結左件事....理應鬆一口氣....但係依一刻既我卻久久難以釋懷....心內更湧起一陣不祥既預感....
當我再次踏進球場~~準備迎戰下半場之際~~我卻發現~~原本藍藍的天空~~不知在何時已經變得黑沉沉~~使我心情變得更為沉重~~心入面既不祥預感顯得更為強烈....
歐冠盃決賽
全場場果
曼聯 1 : 2 拜仁
旁述甲 : 晢估唔到拜仁會o係下半場完場前連追兩球~~反超前至二比一~~依兩球除左為拜仁帶來今屆歐冠盃之外~~更為當年歐冠盃決賽慘負一比二之仗報卻一敗之辱~~
球員休息室
碧咸 : ....
史高斯 : ....
菲臘仔 : ....
平時滔滔不絕既大家~~依一刻都變得沉默~~o係休息室入面既每一個人~~彷彿都變成了啞巴~~每一個人都顯得垂頭喪氣~~再一次與錦標絕緣令大家連開口既氣力都失去~~
打破沉默既係頭先果位工作人員~~
工作人員 : Um~~唔該~~出面有一位小姐想搵傑斯仔~~
傑 : (Circle??)唔好意思....咁多位我出一出去....
正當我狐疑之際~~我o係休息室門外見到頌妍~~
傑 : 頌妍??你幾時返左黎架??
頌妍 : 今朝早落機架~~
傑 : 哦~~做咩返到黎唔打俾我呀~~
頌妍 : 無呀~~我驚令你分心嘛~~
傑 : 哦~~不過分唔分心都係咁....又輸左....
頌妍 : 唔緊要啦~~唔好咁灰咁啦~~
傑 : Sorry 呀頌妍....應承左你既野做唔到....
頌妍 : 傻啦~~踢波實有贏有輸~~最緊要你唔好灰心就得喇~~今次唔得咪下次囉~~反正銀牌都幾靚丫~~嘻~~
好一個體貼既頌妍~~頌妍既出現~~令我原本憂鬱既心情一掃而空~~
傑 : 頌妍....俾我攬下你得嘛....
頌妍 : E~~唔好啦~~你成身汗味~~
傑 : 好啦~~攬一陣咁多啦~~
對於我依個少少過份既要求~~體貼既頌妍當然唔會拒絕~~唔知點解~~每一次攬住頌妍都令我有一種心安既感覺~~好想一直一直都攬住頌妍~~享受住依種寧靜既感覺~~
可惜~~寧靜總會被打破....
正當我享受住依一刻寧靜既時候~~休息室通道兩旁既電視機響起左一陣特別新聞所用既配樂~~
新聞報導員 : 以下係一則特別新聞報導~~o係四十五分鐘前~~o係本市近奧脫福球場附近發生一宗嚴重車禍~~一名女途人疑因沒有遵照交通指示胡亂衝出馬路~~而被一輛高速行駛中既貨車撞到....
(待續)
摘星~~最終章~~[摘星原著結局篇,下篇]~~
上回提要 : o係曼聯對歐冠盃決賽之後~~一則電視新聞報導著一件交通意外....
新聞報導員 : 我地o係現場採訪左一名目擊者~~
目擊者 : 我原本o係度等緊綠燈過馬路~~點知突然間見到個女仔喊住咁衝左出馬路~~我拉都拉佢唔住~~跟住佢就俾架貨車撞到喇~~之後有一個男仔好似癲左咁衝埋去~~佢一路叫住個女仔~~一路叫人幫手叫白車~~果個男仔我記得好似o係阿仙奴踢波架~~我o係報紙見過佢架~~
聽到依度~~我心入面既不祥預感再度升起~~好希望係我估錯~~但....
事與願違....
新聞報導員 : o係車禍發生後三分鐘~~救護員已經抵達現場為傷者行急救~~傷者稍後被送到曼徹斯特市政府醫院進行搶救~~情況危殆~~據報~~傷者Circle~~為某球會主席之女....
傑 : Circle....
頌妍 : 個傷者....就係Circle??!!
傑 : 係....佢o係中場休息果陣黎搵過我....
頌妍 : 唔....
傑 : 頌妍....我想去睇下佢....
Circle....你唔可以有事架....
曼徹斯特市政府醫院
急救室外
傑 : 阿輝~~Circle佢點呀??
輝 : 你個衰人~~你仲敢黎??你同我走呀~~你再唔走~~你唔好怪我唔客氣呀~~
傑 : 阿輝....
"啪" 一記漂亮的右勾拳~~被打至倒地既係我....
頌妍 : 你做咩亂咁打人呀~~
輝 : 我亂咁打人??唔係佢~~Circle唔會俾車撞到~~唔係佢~~Circle而家唔會訓o係入面~~
傑 : ....
輝 : 你依個玩弄感情既騙子~~你同我走呀~~
正當阿輝想繼續郁手既時候~~
?? : 阿輝~~停手~~
輝 : 但係....
?? : 我叫你停就停啦~~
輝 : 係....
到依一刻~~我先察覺到Circle佢父母原來一早已經o係到~~頭先出聲勸阻阿輝既就係Circle 父親~~而Circle母親就坐在o係長椅上飲泣....
見到依個情景....突然之間....我覺得好內咎....
傑 : Uncle....
Circle 父親 : 唔....你就係阿傑??
傑 : 係....係呀....
Circle 父親 : 唔....有心喇....Circle知你咁關心佢....佢都應該好開心....
Circle父親既一番話....令我覺得更加內咎....
輝 : Uncle呀~~係佢害到Circle咁架~~你仲對佢咁客氣~~
Circle 父親 : 依件事只係意外~~冇人想發生~~要怪唔能怪Circle佢唔小心~~唔可以怪任何人~~
依一刻~~我寧願Circle父母對我拳打腳踢~~咁樣我個心可能仲好過d~~但係佢地一句怪責既說話都冇~~令我更為自責~~令我覺得我要為依件事負全責....
突然間~~手術室門外盞燈熄左~~代表著手術已經結束~~
輝 : 醫生~~Circle佢點呀~~
醫生 : arm arm渡過左危險時期~~但係仍然昏迷~~
輝 : 咁佢幾時會醒呀~~
醫生 : 由於傷者受到腦震盪~~再加上腦入面有瘀血~~所以幾時會醒依個仲係未知之數~~
Circle 父親 : 即係....Circle佢....佢會變成植物人??
醫生 : 唔排除依個可能性~~你地要做好心理準備~~
聽到依度~~大家心裡都一沉~~Circle母親更因忍唔住而放聲大哭~~
傑 : 醫生....我可唔可以入去睇下佢呀??
輝 : 你個衰人~~你已經搞到Circle變做植物人~~仲唔夠呀~~你同我走呀~~
o係阿輝力阻同Circle父母勸阻下....我只能夠同頌妍黯然地離開....
當我同頌妍離開醫院之時~~發現原來已經入夜~~拖著沉重步伐的我唯有陪同頌妍先行回家~~雖然o係路上頌妍一直安慰著我~~但係自責同內咎令我覺得好痛苦....
頌妍家樓下
頌妍 : 好啦....送到依度好喇....我自己上去啦....阿傑你早d返去休息啦....唔好諗咁多....
傑 : 頌妍....
頌妍 : 唔....
傑 : 頌妍....Circle之所以會俾車撞到....完全係因為我....係我既錯....係因為我背棄左當初既承諾....
頌妍 : 阿傑....
傑 : 佢之所以昏迷....亦都係我既錯....如果果一刻我有追出去....佢就唔會俾車撞到....
頌妍 : 阿傑....
傑 : 依件事....我要負起全部責任....
傑 : 所以....頌妍....我諗我地唔可以再o係埋一齊................
I Hope This Match Never End
When The Match End
The Memory Begin
(完)
摘星完美結局篇(上篇)~~
47 mins
旁述乙 : 球賽進入補時階段喇~~依個應該係曼聯最後既一個攻勢~~蘇斯克查中前場控住個波~~佢將個波交左俾雲尼斯杜萊後自己入楔~~雲尼斯杜萊想第一時間彈返俾佢~~但係俾人從後逼甩左個波~~個波輾轉間落左o係左路既傑斯仔腳下~~佢再次向阿輝挑戰~~
阿輝 : 好鬥心~~黎啦~~Come On~~
旁述乙 : 阿傑o係加速推進途中突然之間急停~~佢用左腳踩住個波做左一個180度既轉身~~背向住阿輝~~阿輝俾佢依下動作搞到有d遲疑~~阿傑用鞋尖剔高左個波~~一腳將個波踢過頭~~再立即以超高速轉身追落底線~~底線前將個波控住~~阿輝回身飛剷~~阿傑用左腳將個波勾住~~避過左依下飛剷~~
阿傑 : 當一個人太過有自信既時候~~就係佢暴露最大弱點既時候~~
阿輝 : !!
旁述甲 : 阿傑好乖巧咁避過左依一下飛剷~~再巧妙地推過埋蘇金保~~左邊狹窄角度面對住李察胡禮~~佢一下假腳呃過埋李察胡禮~~推返埋大位面對住空龍~~但係阿傑隻腳踢到草頭~~突然間失去平衡~~雲遜第一時間殺到~~阿傑勉強用右腳將個波交返向後~~但係佢要為依一腳負出代價~~華朗離門六碼面對空龍起腳~~Goal~~1:1
旁述乙 : 雖然曼聯追和左~~但係無人走去慶祝~~所有曼聯球員都走埋去睇下阿傑既傷勢~~我地黎睇返慢鏡~~o係阿傑將個波篤俾華朗果陣~~雲遜收唔切制~~一腳踢左落阿傑右腳小腿~~
曼聯後備席
軍醫 : 阿傑雖然唔係好傷~~但係最好唔好俾佢再落場~~
費Sir : 唔~~史高斯~~熱身準備踢加時~~
之後既比賽雙方兩無紀錄~~亙射十二碼曼聯輸5:4~~
旁述甲 : 阿仙奴依邊d球員好興奮~~相反地曼聯d球員明顯地好失落~~
旁述乙 : 梗係啦~~咁辛苦先追和一比一~~點知到最後都要輸~~
旁述甲 : 好喇~~雙方球員都出左場中準備領獎同影合照~~
阿輝 : 阿傑~~你今日踢得好好~~好波~~
阿傑 : 可惜到最後都係你地阿仙奴贏~~
阿輝 : 如果你唔係傷左~~加時可能俾你地贏埋~~
阿傑 : 傻啦~~我邊有咁大影響力~~
阿輝 : 補時階段你果球助攻~~簡直妙至毫顛~~我真係輸得心服口服~~難怪Circle一直都對你傾心~~
阿傑 : Circle??!!
阿輝 : Circle鍾意你~~你唔係唔知呀~~佢為左你已經推左幾張婚約~~仲同佢Daddy嘈過幾次~~話你知呀~~你一定要好好咁對佢呀~~唔係我唔放過你架~~
Circle....
賽後我地即刻搭飛機回到曼徹斯特市~~當我一返到屋企~~
鈴~~鈴~~
傑 : Hello~~
頌妍 : 估下我係邊個??
傑 : 一定唔會係我果個人見人愛既頌妍啦~~
頌妍 : 算你啦~~阿傑你點呀~~頭先睇電視見你俾人踢到喎~~有冇事呀??
傑 : 都冇咩事~~抖返一兩日應該好返~~
頌妍 : 哦~~咁就好喇~~阿傑你今日踢得好好喎~~
傑 : OK啦~~可惜都係輸左~~
頌妍 : 唔緊要啦~~仲有機會~~仲有歐冠盃嘛~~唔理你呀~~我要你贏個金牌俾我架~~
傑 : 嘩~~有d難度喎~~
頌妍 : 你贏唔到既~~我唔睬你架~~
傑 : 唔係嘛....好啦好啦~~我盡力去踢啦~~
頌妍 : 咁就乖喇~~你應承左我架~~唔好忘記你既承諾呀~~
承諾....摘星....Circle....
頌妍 : Hello Hello??~~阿傑你做咩唔出聲呀??
傑 : 呀~~無事~~好啦~~我會履行我既承諾架喇~~話時話~~你幾時返黎呀~~好掛住你呀~~
頌妍 : 嘻嘻~~又口花花啦~~唔話你知住~~喂喂~~我要做功課喇~~聽日打俾你丫~~
傑 : 好啦~~唔好太過辛苦自己呀~~拜拜~~
頌妍 : 嘻嘻~~拜拜~~
寂靜的晚上~~亦是一個失眠的晚上~~
每當我合上雙眼~~腦海裡不期然就會浮現出一幕又一幕過去既情景~~河堤既承諾~~Circle既笑臉~~
而阿輝既一番話亦在我耳邊不停地響起~~難道我對Circle始終未能忘情??
五月中
歐冠盃決賽
曼聯對拜仁
賽前
費Sir : 今年歐冠盃決賽抽到o係我地奧脫福度踢~~擁有主場之利既我地一定要努力~~大家加油~~
眾 : 係~~
旁述甲 : 今日奧脫福既上空一片晴朗~~係一個踢波既好天氣~~我地睇下今日雙方又會踢成點先~
佔有主場之利既我地o係球迷熱烈既支持下~~上半場果然佔盡優勢~~更憑住碧咸一個罰球領先一比零~~
中場休息
休息室
費Sir : 上半場大家都踢得好好~~我都無咩可以講~~但係由於上半場我地已經換左三個人~~所以大家下半場可能會辛苦少少~~希望大家努力d~~保持住領先優勢至完場~~贏返個冠軍返黎~~
眾 : 係~~
突然間有個工作人員走入左黎~~
工作人員 : 唔好意思~~Um~~出面有一男一女話要搵傑斯仔~~
費Sir : 阿傑~~咁你出去睇下啦~~唔好去咁耐~~不半場左邊仲要靠你架~~
休息室門外
傑 : 阿輝~~乜係你呀~~我仲以為係邊個~~咦....
有一個人從阿輝身後徐徐行出~~
傑 : Circle??!!
輝 : Circle話佢有d野要同你講~~咁我咪帶佢黎囉~~咦~~我有d口渴~~我去買野飲先~~
傑 : Circle....呀....好耐冇見喇....Sorry呀....上次你生日冇去到你個Party....
Circle : 唔緊要啦~~我都唔記得左lu~~係呀~~阿傑你頭先好犀利呀~~一個過幾個~~
傑 : 呀....都OK啦....希望今日可以贏到啦....Um....其實....你有d咩想同我講呀....
Circle : 呀....阿傑....你仲唔記得當日你同我o係河堤講過既野呀??
傑 : Um....記得....
Circle : 其實當日我只係諗住講下笑....但係估唔到你真係咁認真去做....
傑 : 呀....
Circle : 當我知道你為左我既一句戲言....而咁努力去實踐依個承諾....我真係覺得好感動....
傑 : 唔....
Circle : 阿傑....其實o係果日你同我講你鍾意我....果一刻其實我好開心....我好想應承你....但係我好驚你只係三分鐘熱度....但係當我知道你為左我而一直咁努力....我知道我唔可以再掩飾自己既感情....阿傑....其實我都好鍾意你....
傑 : Circle....
腦海中再次重播往日點點滴滴~~一幕又一幕既往事令我不期然咁攬住Circle~~o係依一刻我終於清楚明白到Circle對我既心意~~但係~~對於我自己既心意~~卻變得更為混亂....
但係突然之間....
?? : 阿傑....
出現既係頌妍....原來頭先果一幕佢已經清清楚楚地目睹....
傑 : 頌妍??
頌妍 : 阿傑....我憎死你呀!!
頌妍一講完依句話~~就即刻轉身跑左出去~~
憑住頌妍既一句話~~我終於明白自己既心意~~頌妍所講既依一句話~~彷如一把利刃般插入我心~~使我切切實實地體會到心如刀割既感覺~~依一種感覺令我變得清醒~~我知道我唔可以失去頌妍~~
傑 : 頌妍~~!!
我一邊大叫一邊如發狂般狂奔~~儘管仲有Cicle~~仲有下半場在等緊我~~但係我知道如果我失去頌妍~~會比失去一切更難受~~
當我跑出場館之外~~我發現我已經失去左頌妍既蹤影~~但係我無放棄~~事實上根本不容我放棄~~我一定要搵返頌妍~~
我憑住一份感覺~~向河堤方向狂奔~~當我跑到去河堤~~果然見到頌妍在一旁呆坐~~
傑 : 吁....頌....頌妍....
頌妍 : 你仲追黎做咩~~你同我走呀~~返去你個Circle度啦~~
傑 : 頌妍....你....你聽我解釋先啦....
頌妍 : 我唔聽呀~~你依個唔守承諾既騙子~~
承諾....騙子....頌妍所講既每一個字都深深地打進我心坎....
傑 : 頌妍....我知我令到你好失望....我唔期望你會原諒我....但係我希望你俾一次機會我....我會證明俾你睇我唔係一個騙子....
上天....賜給我一個機會吧....
頌妍 : 好~~你仲記唔記得你之前應承過我咩~~
傑 : 記得....我應承過你我會成為球星....我會為你贏取歐冠盃....
頌妍 : 無錯~~只要你能夠o係今場比賽大演帽子戲法~~贏埋歐冠盃~~我就原諒你~~
頭先我跑黎依度~~已經用左十分鐘~~再加上頭先既對話~~總共用左十五分鐘~~就算我全速跑返去~~返到去都起碼踢左二十五分鐘~~得返二十分鐘~~仲要大演帽子戲法....
頌妍 : 點呀~~做唔到??咁由佢囉~~以後唔好出現o係我面前呀~~!!
為左得到頌妍原諒~~就算踢到斷腳~~我都要創造命運~~!!
傑 : 好~~頌妍你等我~~我一定以帽子戲法去贏取歐冠盃~~
之後我以全速跑返去奧脫福~~當我返到奧脫福~~我見到一件令我震驚既事~~
摘星完美結局篇(下篇)
25:39 2nd
曼聯 1:3 拜仁
後備席
陳Sir : 阿傑你去左邊呀~~捨得死返黎喇??
畢特 : 你知唔知你走左去~~搞到我地打少一個呀~~
傑 : 你地唔好鬧住~~Boss o係邊呀~~
傑 : Boss~~
費Sir : 阿傑你....
傑 : Boss你唔好鬧住~~你想點罰我點鬧我都唔緊要~~但係你俾我出場先~~等我踢埋依二十分鐘~~完左場你先慢慢鬧~~依三球波係因我而輸~~我一定會為依三球波負責~~!!
26 mins
旁述甲 : 咦~~曼聯依邊終於出返十一個人喇~~阿傑終於返番入場~~
旁述乙 : 但係會唔會遲左d呢~~得返二十分鐘~~輸緊三比一~~我地又睇下佢可唔可以力挽求瀾~~
傑 : 唔好意思~~咁多位~~我知而家講咩都冇用~~我只係想講依三球波我一定會追返~~希望大家相信我~~
34 mins
旁述甲 : 好喇~~打到而家都仲係一比三~~睇黎都大勢已去~~
旁述乙 : 但係曼聯依邊好似都仲未肯放棄~~自從阿傑返左黎之後~~士氣好返好多~~仲搶返唔少攻勢~~我地睇下依個波曼聯又會點做先~~
旁述甲 : 好喇~~睇返場波~~史高斯接應右路碧咸既傳送~~中場控住左個波~~佢將波彈左俾華朗~~華朗左腳長傳俾碧咸~~碧咸推落底線中腰波傳中~~雲尼斯杜萊前柱搶到個靚位~~但係佢刻意漏過~~拜仁成條防線都俾佢依一著呃左~~個波漏左去後柱~~阿傑衝前一射~~Goal~~二比三~~
(雲尼斯杜萊....多謝你....)
旁述甲 : 話咁快曼聯就追返一球~~阿傑入左波之後即刻衝入龍門執返個波~~依個波真係要讚一讚雲尼斯杜萊~~
41 mins
旁述乙 : 自從曼聯追返一球之後~~士氣大振~~成場波壓住拜仁黎打~~而家曼聯o係廿五碼到逼得一個罰球~~睇黎都係碧咸表演既時候~~
碧咸 : 阿傑你過一過黎丫~~
旁述甲 : 好喇~~果然係碧咸開出依個罰球~~睇黎佢都係會試下射~~碧咸開始助跑~~佢踏順右腳拉弓~~但佢竟然唔係射~~而係撥橫~~成條人牆俾佢拉散左~~阿傑左腳腳指尾拉西~~個波彎向龍門右上角~~簡尼稍一遲疑~~Goal~~
旁述乙 : 依個波真係估唔到~~邊個會估到碧咸又唔係射又唔係斬~~而係撥橫~~不過阿傑射依個波亦值得一讚~~阿傑再次衝入龍門執返個波~~睇黎佢好似仲未夠籌~~仲想入多粒咁喎~~
補時階段
旁述甲 : 踏入補時階段~~依然係曼聯天下~~但係雙方都開始出現疲態~~阿傑後場接應布朗傳送~~
(大部份隊友都踢足九十分鐘....加時對我地好不利....一切都係我引起....我唔可以再加重佢地既負擔....)
旁述乙 : 阿傑開始推進~~佢中場推過左史高爾~~cup過埋艾芬堡~~o係左半場面對住古科~~佢推埋去古科度做左個180度既轉身~~
古科 : 依招我一早研究過~~
旁述乙 : 呀~~原來阿傑唔係想落底~~佢做左個轉身之後唔係沉底~~而係推返埋中路~~古科俾依一著呃左~~阿傑佢o係中路面對住連基同高華既夾擊~~蘇斯克查開始入楔~~阿傑諗住放直線~~高華走返出黎諗住裝越位~~但係阿傑原來唔係交波~~佢o係高維同連基中間加速推過~~單刀面對住簡尼~~佢推過埋簡尼~~左邊窄位面對空龍~~但係佢突然間向前一仆....
(可惡....竟然而家先黎抽筋....上天你咁對我....)
旁述乙 : 睇黎依個波都係會出界~~咦~~唔係喎....
(我偏偏就要挑戰命運~~!!~~)
旁述乙 : 阿傑o係就跌低之前用雙手按住地下~~借力將個人向前一彈~~插水式頭鎚將個波撞向龍門~~個波慢慢溜向白界線~~古科飛身一鏟~~但係為時而晚~~Goal~~!!!~~四比三~~同時間球證嗚笛完場~~曼聯戲劇性地奪取歐冠盃~~!!
旁述甲 : 依個波除左為曼聯贏取歐冠盃之外~~亦充分表現出阿傑既個人技術同埋對入球既執著~~咦~~球場方面好似發生意外喎~~
旁述乙 : 今日大演帽子戲法既阿傑好似暈左喎~~我地睇返慢鏡睇下發生咩事先~~
旁述甲 : 原來o係阿傑插水式頂完個波之後~~個波慢慢溜埋龍門~~而佢個頭就撞左埋去龍門柱度~~
球場中
碧咸 : 阿傑~~你醒下啦~~有冇事呀~~
o係模糊間我好似見到頌妍....
傑 : 頌妍....我實踐左我個承諾喇....
講完依句之後~~我就暈左喇~~之後發生咩事~~暈左既我當然唔知啦~~
當我醒返之後~~我發現我已經訓左o係醫院~~我第一眼望到既人~~係頌妍~~
傑 : 頌妍~~我實踐左我既承諾喇~~你原諒我~~唔好離開我啦~~
頌妍 : 阿傑~~你放手先啦~~好多人望住呀~~
當我定睛一望~~先知原來碧咸史高斯同傑斯都o係度~~碧咸同史高斯兩個仲笑吟吟咁望住我地~~
碧咸 : 唔緊要喎~~你地鍾意攬攬錫錫就繼續啦~~唔駛理我地~~
史高斯 : 係囉~~我地最鍾意睇show架喇~~
佢兩個講完之後~~我見到頌妍塊面即刻紅晒~~我相信我都唔會好頌妍好多~~
傑斯 : 你兩個成日咁多野講~~一定好口渴架喇~~陪我落去買野飲~~
碧咸 : 我唔口渴喎~~嘩~~做咩扯人件衫喎~~
都係傑斯最好~~
傑 : 頌妍....
頌妍 : 阿傑你做咩咁傻呀~~跌低都仲要頂埋去~~搞到自己撞埋條柱到~~知唔知人地擔心你架....
傑 : 為左實踐我既承諾....為左得到你既原諒....我覺得一係都係值得....
頌妍 : 我值得你咁為我咩....
傑 : 值得....就算我因此而受傷....就算我因此而殘廢....甚至有生命危險....只要得到你既原諒....我都覺得值得....因為....對我黎講....妳比一切重要
摘星完美結局篇~~後記~~
歐冠盃決賽後六日~~
傑 : 唉~~好悶呀~~護士姐姐~~我幾時可以出院呀~~
護士 : Hum??你一早可以出院啦~~
傑 : 下~~唔係嘛~~冇人話過我知喎~~
護士 : 係咩~~我前兩日先同果位日日黎探你既小姐講過~~
一講頌妍~~頌妍就到~~
傑 : 頌妍~~你做咩唔話我知我可以出院呀~~
頌妍 : 無呀~~我見你個頭好似仲痛咁~~咪諗住等你抖多兩日先囉~~
傑 : 痛就唔痛喇~~不過o係依度悶都悶死~~我地拿拿聲辦出院手續啦~~
頌妍 : 唔好啦~~抖多兩日啦~~休息下唔好咩~~
傑 : 唉~~都好既~~原本仲諗住去日本睇下世界盃~~去下迪士尼玩添~~而家邊度都唔駛去~~抖多幾日~~
頌妍 : 嘩~~好呀~~我想去迪士尼好耐喇~~快d辦出院手續啦~~
傑 : 咦~~我有話同你去咩~~嘩~~痛死人咩~~
頌妍拎住本雜誌~~對住我個頭就打落去~~
傑 : 傻啦~~我都係講下笑o者~~我唔同你去~~仲可以同邊個去喎~~
頌妍 : 哼~~算你啦~~
翌日
雖然球季已經結束~~但係點都要返去奧脫福報到一次~~聽下幾時要返黎開操~~而且....
Office
傑 : Boss....
費Sir : 阿傑~~你可唔可以解釋下果日決賽中場你走左去邊呀~~
傑 : 呀....點講好呢....Um....算啦....我放棄解釋既權利....球會要點罰就點罰啦....話晒都係我既錯....
費Sir : 咁好啦~~依份野你簽左佢啦~~
一般罰款都係發信通知~~根本唔駛簽名~~依份野成份合約咁~~唔通依份係....
傑 : 下....依份咩黎架....球會....想同我解除合約??
費Sir : Um....都可以咁講既~~
傑 : 唔係嘛~~雖然決賽當日我係中途走開左~~但係之後大演帽子戲法~~協助球會奪得冠軍~~我唔敢話果三球波都係我既功勞~~但我冇功都有勞掛~~我知我中途離開係俾到好多麻煩大家~~但未至到係死罪o者~~唔駛解約咁嚴重呀~~
費Sir : 阿傑你又唔駛咁激動~~你又唔係唔識字~~你自己睇下份野先啦~~
傑 : 仲有咩好睇呀~~咦~~
我望到份野上面寫住週薪一萬五千磅~~簽紙費五十萬磅~~合約到期日係30/06/2007
傑 : 依份係....
費Sir : 依份係你既新約~~球會見你近期表現出色~~所以決定開出一張新約俾你~~合約到期日依然係07年~~我諗你唔會唔簽掛~~
傑 : 簽....簽呀~~但係~~頭先你又話係解約??
費Sir : 咁你簽新約嘛~~舊果張約咪自動解除左囉~~
估唔到一返到黎就俾人擺左一道~~=_="
費Sir : 仲有呀~~依個假期唔好玩得咁顛~~八月頭好返黎喇~~
之後果個月~~我同頌妍去左日本玩~~頌妍玩到成個大細路咁~~不過我就係鍾意佢咁~~
至於世界盃~~英格蘭o係八強出左局~~果場波我都有去睇~~真係睇到有d失望~~至於冠軍~~係阿根庭~~
之後又過左兩個月~~我收到一個幾突然既消息~~
一通電話
YY : 喂~~阿傑~~你有冇收到呀~~
傑 : 有呀~~Circle張訂婚Party邀請咭嘛~~
YY : 點呀~~收到張咭果陣~~個心有冇d酸溜溜既感覺呀~~哈哈~~
傑 : 傻啦~~我而家同頌妍一齊都唔知幾好~~不過講開又講~~當日掉低Circle~~走左去追頌妍~~我個心都有d內咎~~
YY : 哦~~咁你會唔會去呀個Party~~
傑 : 人地都咁大方請埋我~~我又點可能咁小家唔去呀~~不過估唔到既係~~阿輝咁有本事追到Circle~~
訂婚Party當日
傑 : Hello~~
Cicrle : Hello呀~~好耐冇見喇阿傑~~
傑 : 都真係幾耐下~~恭喜你呀~~
Circle : 多謝~~依位小姐係~~??
傑 : 哦~~係喎~~差d唔記得介紹~~佢叫頌妍~~
頌妍 : 你好~~其實我地見過架喇~~
Circle : 呀~~我都記得喇~~
大家寒暄一輪之後~~頌妍同Circle唔知行左去邊度傾偈~~見到佢兩個好似咁fd咁~~感覺有d奇怪~~
輝 : 阿傑~~
傑 : 喂~~你好呀~~恭喜晒~~
輝 : 客咩氣丫~~多謝晒~~
傑 : 估唔到你咁犀利~~Circle都俾你追到~~
輝 : 我都唔知應唔應該多謝你好~~
傑 : 多謝我??
輝 : 係呀~~當日我帶Circle黎見你~~之後行開左~~當我返到去既時候~~我見到Circle成個人呆左咁企埋一邊~~果一刻我心知不妙~~但係你都知我架啦~~我唔係咁識講野~~所以我唯有企埋去佢身邊~~希望俾到佢一種有人支持佢既感覺~~
由於我果日趕住返入球場~~無由球員休息室果條通道返入去~~而由另一邊出口走入去~~所以我錯過左依一幕~~
輝 : 之後果幾日~~我每一天都走去佢屋企陪住佢~~雖然每一日佢都仲係唔出聲~~但係可以陪o係佢身邊~~我已經好滿足~~
輝 : 直至有一日~~Circle佢突然間開口~~叫我帶佢出去行下~~果一下我真係開心到傻左~~就係咁~~我同佢就開始左~~
傑 : 哦~~原來係咁~~真係恭喜晒~~咦~~頌妍佢地返左黎喇~~
Party完左之後~~我送頌妍回家~~
傑 : Wei~~頭先同Circle行埋一二邊傾d咩呀~~
頌妍 : 講你壞話囉~~嘻~~
傑 : 無可能~~我份人咁好~~根本冇可能有壞話俾你地講~~
頌妍 : 有人唔知醜~~嘻~~
傑 : 頌妍~~其實呢~~一直以黎~~我都有d內咎~~內咎當日就咁掉低Circle~~但係當我今日見到佢咁幸福~~我覺得成個人鬆晒~~
頌妍 : 哦~~做咩無啦啦同我講呀~~唔驚我呷醋咩~~
傑 : 我知我既頌妍好大方既~~
頌妍 : 嘻~~
傑 : 頌妍~~不如我地都訂婚囉~~
頌妍 : 阿傑~~你傻左呀~~邊個話要嫁俾你呀~~唔知醜~~嘻~~
傑 : 頌妍~~我講真架~~
頌妍 : 好呀~~當你贏到歐洲國家盃~~我就同你訂婚~~當你贏埋世界盃~~我就同你結婚啦~~
二零零四年
報章甲 : 傑斯仔加時射入黃金入球 助英格蘭奪得歐洲國家盃
二零零六年
報章甲 : 繼歐洲國家盃後 英格蘭再奪世界盃
(完)
|
