不滅的神話(一) --- 球星夢
不滅的神話(二) --- 悶酒
不滅的神話(三) --- 雙重身份
不滅的神話(四) --- 射手大對決
不滅的神話(五) --- 追夢
不滅的神話(六) --- 衣錦還鄉(上)
不滅的神話(七) --- 衣錦還鄉(下)
不滅的神話(八) --- 猛虎出籠
不滅的神話(九) --- 東方快車
不滅的神話(十) --- 激戰120分鐘(上)

不滅的神話(一) --- 球星夢

今日我如以往一樣上網搵料去update科倫天拿球迷俱樂部個網頁...
「甚麼? 講笑的吧?」 我對著個mon呆了.
原來科倫天拿青年軍在昨天友賽阿根廷河床青年軍之後撘飛機回程時遇到空難, 結果全隊青年軍都罹難. 因此科倫天拿在網上發佈了招募學徒球員的啟事, 最重要的是此個計劃不限國藉及年齡只需在18歲以下兼能通過選拔試即可成為科倫天拿的成員, 而且機票及食宿均由會方支付!
「在香港踢波踢得幾叻出名極都有限...雖然我屎波, 不過都值得去博一博! 博到我就掂過碌蔗, 博唔到就當是去意大利旅行便是, 況且這間球會是我最愛的科倫天拿啊! 能夠在這裏踢波是我的夢想!」 我毫不猶豫地download了申請表, 填好後寄了去科倫天拿總部. 三日後...科倫天拿會方真的寄了一張來回香港至佛羅倫斯既機票及一份通知書, 通知書是通知我於2000年12月26日下午2pm到佛羅倫斯法蘭基球場門口集合. 費了一番唇舌後, 我勸服了我的家人俾我到意大利博一博, 於是我開始收拾行裝...
一星期後...
「WA~! 真係好多人呀!」 我站在法蘭基球場門口驚呼. 週圍真係有好多人, 大約有二三千人吧...乜野國藉既人都有之餘個個都同我差唔多年紀! 不久有一個人係球場門口行出來, 那人正是科倫天拿總經理安東朗尼! 他大叫喊著: 「各位來自世界各地的朋友, 你們將要接受兩星期訓練及選拔, 能過關既朋友就可以成為科倫天拿青年軍既一份子! 現在會有人安排你地到宿舍休息, 明天正式集訓.」
我心想: 「佛羅倫斯...真是一個充滿幻想既地方...亦係我卡樂B圖達(Calbeetuta)揚名立萬既地方!」

不滅的神話(二) --- 悶酒

晚上所有參加者到了宿舍, 因為我們不是合約球員, 所以我們要住訪客單人房. 我一入房便立刻開notebook去update網頁跟住就呼呼大睡...
第二天...
「注意注意, 請所有參加者於10:00am到三號練習場集合另外請各參加者穿著跑鞋出席!」 中央廣播嘈聲了我.
「跑鞋? 我何來跑鞋呀? 著波boot頂住先吧...」 我梳洗過後便穿起波boot跑到三號練習場...
當我去到三號練習場時我己見到安東朗尼(Giancarlo Antognoni)站在場中央, 其後人們亦不斷湧來三號練習場. 到了10:00am安東朗尼突然開口: 「落閘! 現在至進場的人取消資格! 今日你們會接受第一個test, 這就是10km賽跑. 你們的對手將會是...長氣袋迪李維奧(Angelo Di Livio)! 遲過佢返終點既就取消資格!」
哈哈, 呢舖真係大檸樂LA... 實死好多人... 不過個個人都想上位唯有頂硬上, 但係對手實在太強到最後只係得100人左右過關... 好彩我平時有玩開長跑所以我亦僥倖入圍. 不過我諗唔到既係入圍者仲接受多一個星期體能特訓...
一星期後...
「好X悶呀! 成過星期波皮都未HIGH過呀! 好X悶呀...」 我按奈不住, 最後我到了附近一間BAR劈酒...
「一杯TEQUILA...」 一個年青英俊酒保把酒遞給我, 跟著我便大口大口的喝下...
「再來一杯...」 我接過酒後又大口大口的喝下, 不經不覺就喝了十多杯了...
「朋友, 你好似好唔開心WOR...」 酒保又將一杯TEQUILA遞給我.
「我參加了科倫天拿青年軍選拔試, 但係過了成個禮拜都剩係操FITNESS! 波皮都未HIGH過呀... 我又人生路不熟WOR, 朋友又唔識多個... 我想返香港...」 我將所有慘事都同酒保講, 酒保聽完之係居然好激動o甘對我講: 「你都傻既! o甘辛苦至捱到o黎呢度你話想走! 你點都要頂埋佢呀! 寧願俾人踢走都唔好自己縮沙! 喂... 你叫乜名呀?」
我對佢講: 「我叫卡樂B圖達(Calbeetuta), 香港來的.」
「我叫 路木 烈(Tsuyoshi Michiki), 日本裔意大利人. 我每晚都會o係度做兼職酒保, 你以後多點來吧! 我至多請你飲酒順便介紹D日本來既妹妹仔俾你!」 酒保說完後又將一杯TEQUILA遞給我然後自己又倒一杯TEQUILA: 「今晚我陪你飲! 唔醉唔准走! 哈哈!」
真係諗唔到我第一個o係意大利識既朋友會o係酒吧度識而唔o米係球場上...

不滅的神話(三) --- 雙重身份

從此我每晚都去搵路木花天酒地不過我去到再唔係飲TEQUILA, 而係飲一D路木整既補酒聽佢話係用老虎鞭整, 迅速恢復體力之餘又可以壯陽! 另一邊又不斷接受地獄式體能特訓, 日日跟迪李維奧跑N次10km不在講, 仲要同佢跑N次100m兼n小時器械操! 真係唔知佢有冇食禁藥! 三張幾仲可以o甘FIT! 唔經唔覺只係得番40幾人捱得住... 呢次真係要多謝D虎鞭酒!
一星期後的早上...
「注意注意, 請所有參加者於10:00am到一號練習場集合另外請各參加者穿著波boot出席!」 中央廣播又一次嘈聲我.
「波boot?!?!?」 聽到波boot兩個字我即刻醒神o西! 唔駛5分鐘就走到一號練習場.
10:00am...
安東朗尼突然閃出來用大聲公說話: 「各位! 依家得番40人左右, 正係第二階段選拔既時候! 由今天起你地會分成四組, 每組10人左右, 而每組人都跟我地既預備組集訓三星期之後你地將要接受測試. 合格者將可成為青年軍隊員, 若表現出色者更可直升為預備組隊員! 另外你地每組人都會由一位A隊球員臨時執教, 依家我就介紹佢地俾大家認識.」
安東朗尼打了一個手勢就有四個人群後面走出來... 佢地就係快馬基艾沙(Enrico Chiesa), 鋼閘托利斯里, 倒掛王布辛(Mauro Bressan)同埋... 長氣袋迪李維奧! 經過抽簽後我編入了基艾沙那組.
經過一輪擾讓...
「我想看看大家既實力, 我想你地同預備組搓暈鬥場波...」 基艾沙沉著嗓子說. 跟著基艾沙好快o甘依我們所踢既位置分組同埋派波衫俾我地而我亦被委任打前鋒兼且得到件20號波衫...
跟住基艾沙拎起哨子一吹, 練習賽開始了, 由於大家不熟悉大家兼且各人都想搏取基艾沙注意因此各人都賣弄腳法, 各自為戰... 頭10分鐘我只係掂過3次波!
我心想用繼續o甘樣都唔係辦法, 於是我開始返後場搶波, 而我終於等到一個機會. 在一次中場混戰中我搶到皮球...
搶到個波後, 我週圍望望見到對方大部份後衛剛才都谷o西上去, 前面只係得番一個好大份既中堅. 此時我隊波個9號仔叫我交波俾佢, 我當然冇理佢, 俾佢佢o米又係死扭! 遇是我高速帶住個波由左邊底線推入中路, 同時o個個守衛衝上o黎準備攔截我. 我似住大件轉身慢所以我將個波篤前再加速推過o左佢然後趁龍門未出迎之前順勢快腳燙射遠柱點知... 撻Q炒o西飛機!
條9號仔係呢個時候豎起中指走o黎問候我: 「你條X街射術o甘X屎就俾我射! 你都係企o係場邊執波把o拉!」
我好嬲, 我準備出拳打佢! 突然間有人從我捉實我: 「呢條希臘仔華夫高斯(Georgios Vakouftsis)不嬲都o甘寸, 唔駛理佢.」 我回頭一望...
「阿烈? 點解你會o係度? 仲著住件10號波衫?」 我呆o左o甘望住 路木 烈...
「我叫o左你好多次係你冇應我之o麻... 乜我冇話你知我正職係科倫天拿預備組球員兼職至係酒保o羊?」 路木笑騎騎o甘講.
「哈哈, 一陣至同你算帳! 陣間傳多D波俾我呀!」 我們又再次投入比賽, 不過今次完全不同了. 得到攻擊中場路木供應子彈後我簡直如魚得水, 路木俾既直線令我有好多射門機會不過唔係飛機就斜出! 而對方又破關乏力, 個個剩係識死扭...
「就快完場o拉! 我射o左o甘多球仲冇入波入實俾人踢走!」 我好急o甘同路木講.
「快D衝上去o拉! 今次扭埋龍門呀!」 路木係後場搶到波後一腳吊上前場兼過o西D守衛既頭, 而我就好快o甘衝o左上前拎到個波成單刀狀. 今次我真係聽路木講連龍門都扭埋... GOAL!
此時基艾沙亦吹完場, 正當我想上前同阿烈慶祝時基艾沙忽然示意我過去...

不滅的神話(四) --- 射手大對決

我走去基艾沙身邊, 佢就同我講: 「小子, 你既速度及走位都不錯... 之不過你既射術就真係不敢恭維o拉. 你差唔多起o左10次腳至入得一粒... 你唔改善o下D射術我好難揀你入隊呢... 你要俾多D心機練o下射波呢... 返宿舍休息一o下吧.」
我懷住失落既情緒同阿烈離開球場, 唔經唔覺又到晚上... 我地兩條友又去o左酒吧...
「仲諗緊基艾沙點樣話你呀? 算吧, 飲杯茶先o拉.」 阿烈倒了一杯TEQUILA俾我, 我又大口大口o甘喝下.
「啖定WOR, 明天開始我地進行一個地獄式特訓就掂梗o拉! 我就唔信由朝射到晚都射唔掂!」 阿烈又倒了一杯TEQUILA俾我...
「夠o拉, 你再俾酒我飲我聽日就波都唔駛練o拉...」 我叫阿烈俾杯茶我, 接過茶後我同佢講: 「我D射波遲早實勁過卡路士(Roberto Carlos)!」
阿烈哈哈大笑: 「你識o甘諗就最好o拉! 如果你留度係意大利我就介紹我個細妹俾你識! 哈哈~~~~~ 佢真係好正o架!」
「o甘我駛唔駛流定鼻血等呀?」 我串完阿烈後大家都傻笑起來, 突然間有條友走過o黎...
「阿烈, 俾支啤酒我!」 那男子坐在我旁.
「泰迪(Riccardo Taddei)~~~~~ o羊o野風吹你o黎呀? 唔駛陪女朋友呀?」 阿烈串佢.
「哈哈~~~~~ 你話呢? 咦? 呢位靚仔o甘熟口熟面既?」 泰迪問阿烈.
「佢叫卡樂B圖達(Calbeetuta), 今日你先同佢鬥過波o乍! 乜你o甘冇記性o架...」 阿烈又串佢.
泰迪飲o左啖啤酒後同我講: 「啊! 我記得你o拉... 我叫列卡度泰迪, 同阿烈一齊踢緊預備組. 以後多多指教吧!」 跟著他同我握握手.
「泰迪, 聽日一齊練o下波好唔好? 我個FRIEND射波o麻o麻地, 要同佢特訓o下...」 阿烈將基艾沙同我講既o野同佢講o西...
泰迪又飲o左啖啤酒後同我講: 「阿烈既FRIEND即係我既FRIEND! 我保證你唔掂我都陪你TRAIN到掂!」
之後我地三個... 飲到成PAT爛泥...
第二日下午...
我放定個波係禁區邊, 助跑幾步後就大腳一抽... 應聲射入左上方死角.
「卡樂B! 射得幾好呀! 冇乜問題呀!」 泰迪笑著.
「不... 你再看就知... 阿烈, 傳個直線俾我撞射吧.」 阿烈聽到後就將個波交到落蛾眉月附近, 我好快o甘跑過去撞射... 離行離烈. 之後阿烈來一個底線傳中, 我又好快o甘跑去接應. 一個窩利... 飛機. 最後我o黎一個單刀, 由中場開始高速運球, 帶到禁區附近快腳一射... 又飛機. 其後10多次射門唔係飛機就係斜出!
「OH! 我知道乜事o拉!」 泰迪同阿烈突然一齊大叫, 之後就示意我過去佢地度.
「你睇o下我既DEMO先.」 泰迪同我講完後就叫阿烈邊線斬中, 以自己就衝入禁區側身窩利狂抽... 應聲破網!
跟著泰迪就走o黎同我講: 「你之所以射親生波都唔中龍門皆因你出腳時唔識卸身去平衡, 攪到出腳唔自然就當然唔會中龍門... 練習o下o拉! 3日包攪掂!」
「3日真係得?」 我驚訝地問自己...
3日後的上午...
「今日我地分組鬥場波.」 基艾沙說過之後就將我地分組, 恰巧阿烈同泰迪與我同組另外我又再次穿起20號波衫...
「卡樂B... 你今場要俾D心機踢呀! 主席係場邊睇緊呀... 今次邊個踢得好就係佢上位o拉」 阿烈示意我望望場邊.
「死o拉! 薛基哥里(Vittorio Cecchi Gori)都o黎埋... 」 在我發呆之時球賽亦開始了...
一開波, 我傳o左個波俾泰迪, 之後佢就沿左邊發難, 一CUP一搓就個o左個對面個右閘再加速落到底線傳中, 阿烈從後趕到搶點頭槌, 另外對面o個個光頭中堅亦衝到埋去...
「接波呀卡樂B!」 阿烈從容一搖, o個波就向我飛埋o黎. 我卸身一個窩利... 中柱! 不過我方有個黑鬼好似飛將軍o甘衝上去一抽... 1比0!
「好波呀利馬(Da Silva Lima Cleiton)!」 泰迪狂呼.
「佢係?」 我問阿烈.
「利馬, 葡萄牙21以下國家隊中場, 佢好鬼勁o架!」 阿烈輕聲說.
「卡樂B, 你下次睇準D先射... 唔使o甘急...」 利馬同我講, 我點了點頭後大家都返了中圈...
10分鐘, 對面條沙塵友華夫高斯係35碼一個冷箭破網! 1比1!
跟著佢居然走過o黎豎起中指同我講: 「歸家吃奶吧! 這才是射門!」
「X街... 一陣你就知死...」 我心裏暗笑.
23分鐘, 阿烈係後場搶到波, 跟著就斬去俾左邊既泰迪, 泰迪球不著地傳俾係中圈既利馬, ?a href="mailto:一個後腳俾o左個波我,"><!--autoemail-->一個後腳俾o左個波我,</a><!--autoemail--> 我一個插花扣過一件用向前交俾利馬, 利馬將個波輕輕挑入禁區, 我高速衝入去「狂板」埋去... 龍門冇反應! 2比1!
「好組織!」 薛基哥里大叫.
35分鐘, 泰迪係禁區邊搏到罰球, 利馬一射省中人牆, o個波居然彈去蛾眉月頂! 泰迪怒射... 龍門甩手! 不過我伏兵門前一頂... 執雞成功! 3比1!
58分鐘, 阿烈係後場開始連推40碼, 首先扣過華夫高斯再用虎尾腳挑過一個中場, 跟住橫傳俾利馬, 利馬係右邊三閘線傳中, 泰迪無人看管下一個倒掛... 擦眉底而入! 4比1!
79分鐘, 我方在後場混戰下華夫高斯搶得皮球快腳一篤... 4比2!
87分鐘, 阿烈乘對方龍門失位大腳一笠... 中橫眉彈出不遠, 泰迪伏兵門前一射... 龍門擋出! 不過我再補一腳... 空龍炒飛機!
「哎呀! 你o甘都炒飛機o架!」 泰迪, 阿烈同利馬一齊恥笑我.
「啍! 睇我表演o拉!」 我串番佢地.
補時3分鐘, 對方狂攻所以我都回防. 無意間個波跌o左落我度.
「前面一個人都冇... 不如...」 我二話不說將個波有幾前篤到幾前...
「哈哈! 論速度冇人係我對手!」 我單刀衝到入禁區, 龍門出o黎一擒... 拍甩o左我個波!
好彩... o個波碌o左去左邊禁區邊, 我又跑番去控定粒波不過居然有條契弟係我面前...
「華夫高斯, 你親眼見過銀狐拉雲拿利(Fabrizio Ravanelli)o個招招牌貨未?」 我企定問佢.
「未... 仲乜?」 佢好疑惑o甘問.
「我依家做次俾你睇!」 跟住我轉身背住佢, 我用假身向右一搖, 佢又跟著我郁.
我心想: 「你中計o拉...」 突然我用力將波橫推落禁區頂再加速去追, 佢頓時失去平衡... 我拗盡條腰側身45度角一抽... 龍門得個睇字! 5比2!
此時亦都完場, 我o黎豎起中指走去同華夫高斯講: 「你才要歸家吃奶!」
當我想走去同泰迪佢地慶祝時, 基艾沙突然捉住我: 「跟我來吧! 主席想見你!」

不滅的神話(五) --- 追夢

我跟住基艾沙走去薛基哥里間辦公室, 我一路行就一路標冷汗因為我都唔知攪邊科. 此時基艾沙突然開口: 「小子, 你叫做卡樂B圖達?」
「是的...」 我既心跳開始加速.
「哈哈! 沒想到過o左三日你既射術就進步o左o甘多呢! 我真係好期待可以同你同場比賽呢! 見到你就好似見到自己係森多利亞o個陣時...」 基艾沙好興奮o甘講.
當我想問佢究竟發生乜事o個陣佢突然間停o左係一道大門面前, 之後佢敲一敲門跟住就叫我一齊入去. 入到去後我居然見到薛基哥里坐係大班椅度嘆雪卡, 另外我仲見到... 文仙尼(Roberto Mancini)企係佢隔離
「文仙尼?! 乜你唔係搵緊英鎊既o羊?」 我好奇地問文仙尼.
「泰廉(Faith Terim)同安東朗尼突然辭職, 我係o黎代泰廉個位... 呢件事聽日至每向外界發佈.」 文仙尼笑笑口o甘同我講.
此時薛基哥里突然開口: 「卡樂B小弟! 我等你好耐o拉! 坐低至講o拉!」 跟住佢請o左我同基艾沙坐底仲沖o左兩杯茶俾我地. 之後佢又開口: 「言歸正傳吧, 卡樂B小弟... 我依家想簽你入預備組. 雖然選拔仲有成個月至完, 不過剛才睇完你既表現後... 我真係無話可說呢! 快D簽約o拉! 雖然人工係奀o左D... 得500鎊度... 但係我保證你一定有機會發揮!」 同時佢遞o左份合約o係我面前.
「我唔介意人工的, 只要有機會發揮便行! 真係簽我?」 我再問佢地三個, 佢地既反應就係好決斷o甘點了點頭! 於是我看了看合約內容後大筆一揮...
「歡迎你加入科倫天拿, 明天10:00am操第一課.」 他們先後和我握手. 突然間薛基哥里又開口: 「差D唔記得你未揀波衫號碼, 不過你知o拉... 好多號碼都俾人要o左...」
「那... 我要22號吧! 我既LUCKY NO.~~~~~!」 我睇完可以揀的號碼後毫不猶疑地說.
當天晚上... 酒吧...
「哈哈! 恭喜你成功上位!」 阿烈, 泰迪同利馬一齊恭喜我之餘仲狂灌我飲酒...
「OH! 我約o左女朋友睇戲!」 泰迪驚呼.
「我要番去寫信俾我阿媽...」 利馬說.
「我要去調酒, 你自己招呼自己o拉, 不過唔好飲o甘醉o拉, 聽日要練波o架.」 阿烈講完之後又行開了. 所有人都走了, 我唯有自己喝悶酒兼且順便睇o下曼聯(Manchester United)對阿仙奴(Arsenal)既直播, 突然間...
「先生, 這裏有沒有人坐的?」 有個人走過o黎問我.
「沒有的啊, 我的朋友剛剛走了...」 我一邊喝悶酒一邊對著電視發呆, 而o個條友就坐o係我隔離... 唔經唔覺曼聯係半場就贏到5比1, 約基(Dwright Yorke)仲要連中三元...
「阿仙奴仲乜叉呀... 條後防廢o左o甘多既...」 我悶度自言自語, 突然間o岩o岩坐o係我隔離o個條友搭嘴: 「如果我阿哥o係度曼聯實1球都入唔到!」 我向左邊望o下佢係乜水... 坐o係我隔離o個條友居然係一個又靚又可愛既女仔! 她長得不高亦沒有化妝, 再看看她的衣著... 她一定唔係成日蒲酒吧既人.
「妳阿哥係o米尼斯達(Alessandro Nesta)呀? 講到佢好似好勁o甘.」 半醉半醒既我開始胡言亂y, 佢望住我笑了, 然後就大叫: 「阿哥! 好口喝呀! 俾杯橙汁我!」 原來佢真係唔係成日蒲酒吧既人.
「阿瞳, 你o甘遲至o黎o架! 泰迪同利馬走o左o拉!」 阿烈無端端拎住杯橙汁閃出o黎. 我突然間醒一醒因為我聽到乜o野金童, 於是我問阿烈: 「金童o黎o左呀? R.巴治奧(Roberto Baggio)定係迪比亞路(Alessandro Del Piero)呀?」 此時佢地兩個都笑了.
「唔係乜o野金童呀, 係我細妹阿瞳呀!」 阿烈敲了我的頭一下再指指隔離個靚女.
我嚇呆了, 諗唔到阿烈真係介紹佢細妹俾我識... 「阿哥! 又話介紹個傻o下傻o下既香港人俾我識o既, 人呢?」 阿瞳問阿烈, 同時阿烈指住我.
阿瞳傻笑了, 佢伸出隻右手同我講: 「我叫 路木 瞳(Hitomi Michiki), 係阿烈個細妹... 不過佢只係早我3分鐘出世而已.」
「我叫卡樂B圖達, 原來阿烈係妳阿哥!」 我冇諗過o甘快可以捉到佢隻手! 真爽!
「我細妹係足球癡o黎o架... 得米o拉你.」 阿烈捉住我細細聲講.
阿瞳聽到後又傻笑了, 佢又同我講: 「聽講你入o左預備組呢! 我阿哥話你好鬼死勁o架! 聽日我一定要睇o下!」
「傻o拉~~~~~ 我好水皮o架... 妳讀書定做o野呀?」 我又傻笑了.
「我讀緊書, 不過我依家o係報館做緊見習體育記者... 聽日o黎影你相! 另外我o係一隊管弦樂團度吹長笛... 呀... 你好鬼死犀利呀! 一個人走o黎意大利...」 阿瞳又傻笑了. 之後我地有傾有講, 仲好投契o忝! 當然我亦陶醉於佢既笑容上... 我發現原來我o黎意大利追既夢原來唔止一個...
第二日早上8:00am
「邊個拍門呀? 仲有2個鐘至開操...」 我被敲門聲嘈聲於是走去開門...

不滅的神話(六) --- 衣錦還鄉(上)

我一開門... 見到阿烈企係門口, 佢講: 「不如去射o下波先o羅!」
「你傻o左呀? 我早餐都未食呀...」 我講完之後就躂番落床, 不過經過一番掙扎後我都係俾佢扯o左去球場而且佢仲話去到就有免費早餐食... 究竟乜事?
入到球場, 我真係見到份「早餐」企係我面前... 「妳真係o黎睇我踢波o架?」 我問阿瞳.
佢笑o左一笑就講: 「係~~~~~呀~~~~~睇你點水皮法呀, 我整o左早餐俾你地兩個呀... 」 結果係呢兩個鐘我唔係練射波而係同阿瞳嘆早餐, 可惜既係阿烈係度做電燈膽..
10:00am
「全體集合!」 文仙尼一聲令下, 全部人係5秒內坐o西係佢隔離... 跟住佢開口講: 「令日我有D事情宣佈... 」
輕鬆既氣氛即時變得嚴肅, 佢繼續講: 「今年係香港既嘉士伯盃請球會去參賽, 有關方面已向我們發出邀請信... 而我亦決定o左派隊出賽. 但係意大利甲組聯賽仲未踢完所以我打算派reserve team加幾個first team成員出戰... 例牌o拉! 分組賽揀人去踢o拉! 依家我同你地分組不過卡樂B你唔駛踢o拉, 你係香港人你實知道香港球員既打法兼且你又清楚香港既氣候所以我決定o左第一個就帶你去.」
其他人用又羡慕又妒忌既眼神啤住我... 結果我坐係文仙尼隔離開波, 開波後不久我問文仙尼: 「教練, 我地既對手係邊幾隊呀?」
佢遞張賽程表俾我睇, 我睇完當堂嚇了一跳: 「德國拜仁慕尼黑(FC Bayern Munich)對港聯? 我地對日本盤田山葉(Jubilo Itawa)? 港聯實俾人炒o架bor...」
「唔係呀, 聽講港聯請o左4個好猛既外援呀不過我仲未知乜水. 仲有德國聯賽歇冬日本聯賽未開鑼所以另外兩隊話明出full team, 所以分分鐘我地先係魚腩所以要小心D...」 文仙尼同我密斟.
我同文仙尼講: 「放心wor, 你落埋場o米得o羅!」 佢當堂哈哈大笑.
突然間有人拍我膊頭, 我向後望... 原來阿瞳係我後面.
「好可惜呢! 睇唔到你踢波...」 阿瞳好失望o甘同我講.
文仙尼插嘴: 「卡樂B, 你女朋友?」
「係呀! 唔係呀... 唔知呀!」 我答佢, 阿瞳塊面立刻紅o西連望都唔敢望我... 哈哈, 我把口出賣o左我!
到最後, 文仙尼揀o左16人遠征香港:
龍門: 泰利亞拉迪拿(Giuseppe Taglialatela), 巴沙連尼(Mattia Passarini)
後防: 莫拉堤(Emiliano Moretti), 邦路拿(Giacomo Bonora), 文尼亞利(Marco Mugnaini), 泰路斯(Andrea Tarozzi), 路木 烈(Tsuyoshi Michiki)
中場: 利馬(Da Silva Lima Cleiton), 泰迪(Riccardo Taddei), 迪李維奧(Angelo Di Livio), 阿馬路(Alexandre Amaral), 羅薛圖(Fabio Rossitto)
前鋒: 華高夫斯(Georgios Vakouftsis), 米積杜域(Predrag Mijatovic), 文仙尼(Roberto Mancini)(真係自己都出場), 卡樂B圖達(Calbeetuta)
1星期後10:00am
「呼... 等o左兩個鐘終於上到機o拉...」 我上到飛機後即刻搵我個位「典」落去.
「wa! 點解妳係度既?」 我見到阿瞳居然坐係我隔離.
「老總叫我去採訪你地今次既比賽呀, 今次終於有得睇你踢波o拉! 你踢完波帶我同阿哥周圍參觀o下得唔得呀?」 阿瞳叫到我梗係應承o拉, 不過同埋阿烈呀... 傻o拉!
4日後, 1月24日2:55pm
「盤田山葉出full team, 要小心D. 係first half我地用番一貫打法, 不過今次最緊要控球在腳, 睇清楚人地底細先, 等到second half先至對住人地弱點o黎攻. 各位手足, 出場o拉! 俾D心機呀!」 文仙尼係賽前激勵我地.
「知道!」 眾人齊呼. 不過... 我冇份出場住... 但係文仙尼走o黎同我講: 「小子, second half先至係我地既show time.」
「我地? 佢真係想出場?」 我自己問自己.
出場陣容如下:
科倫天拿(4-5-1)
GK: 泰利亞拉迪拿(Giuseppe Taglialatela)
DL: 莫拉堤(Emiliano Moretti) DR: 泰路斯(Andrea Tarozzi) DC: 邦路拿(Giacomo Bonora), 路木 烈(Tsuyoshi Michiki)
ML: 泰迪(Riccardo Taddei) MR: (c)迪李維奧(Angelo Di Livio) DMC: 利馬(Da Silva Lima Cleiton), 阿馬路(Alexandre Amaral) AMC: 米積杜域(Predrag Mijatovic)
SC: 華高夫斯(Georgios Vakouftsis)
SUB:
GK: 巴沙連尼(Mattia Passarini), DC: 文尼亞利(Marco Mugnaini), MC: 羅薛圖(Fabio Rossitto), FC: 文仙尼(Roberto Mancini), 卡樂B圖達(Calbeetuta)
盤田山葉(3-5-2)
GK: 大神 友明(Tomoaki Ogami)
DC: 鈴木 秀人(Hideto Suzuki), 服部 年宏(Toshihiro Hattori), 上本 大海(Taikai Uemoto)
ML: (c)名波 浩(Hiroshi Nanami), MR: 平野 孝(Takashi Hirano), DMC: 奧 大介(Daisuke Oku), MC: 福西 崇史(Takashi Fukunishi), AMC: 藤田 俊哉(Toshiya Fujita)
FC: 中山 雅史(Masashi Nakayama), 高原 直泰(Naohiro Takahara)
SUB:
GK: 松下 太輔(Daisuke Matsushita), MC: 清水 範久(Norihisa Shimizu), 河村 崇大(Takahiro Kawamura) DC: 田中 誠(Makoto Tanaka), FC: 鳴尾 直軌(Naoki Naruo)
當我同文仙尼行出場o個陣, 我見到香港大球場罕有地爆滿! 足足4萬人, 我諗今次外隊卡士太勁吧... 但係我居然見到近大電視o個邊龍門坐滿o西盤田山葉既球迷, D旗仲fig來fig去, 佢地見到我地o個陣仲向我地「開汽水」! 我好氣憤: 「你地班o架仔o架妹一陣就知死!」 當然, 我用中文講.
「B~~~~~B~~~~~」 球證數齊人後就吹雞開波, 一開波盤田山葉就立即搶攻, 我方門前簡直風聲鶴淚...
7分鐘, 平野 孝偷甩泰迪腳下球之後沿著右路快放, 同藤田 俊哉一個one-two就擺脫莫拉堤落到右路底線傳中, 中山 雅史在無人看管之下一個倒掛... 泰利亞拉迪拿束手就擒, 0-1!
15分鐘, 名波 浩, 奧 大介, 福西 崇史一輪互傳後交俾藤田 俊哉, 藤田 俊哉離門20碼cup過阿烈狂抽, 泰利亞拉迪拿飛身撲出.
19分鐘, 高原 直泰壓贏莫拉堤再傳直線俾藤田 俊哉單刀, 泰利亞拉迪拿僅僅撲出... 用中柱彈出.
26分鐘, 奧 大介橫傳俾服部 年宏, 服部 年宏個人突破係35碼外遠射... 掠門而過.
32分鐘, 迪李維奧盤球推進再交俾泰迪於左路快放, 鈴木 秀人將佢鏟底... yellow card! 盤田山葉班球迷頓時鼓躁仲不斷掉雜物入場. 米積杜域主射罰球... 大神 友明欲救無從... 中橫楣彈出!
38分鐘, 中山 雅史在混戰中快腳施射, 泰利亞拉迪拿擋出.
39分鐘, 泰利亞拉迪拿一個long ball打counter attack, 米積杜域控定來球再來一過through pass, 華高夫斯單刀居然推甩腳...
40分鐘, 華高夫斯發爛炸推大神 友明一下, 雙方互方動作... 一齊食yellow card! 盤田山葉又掉雜物入場.
43分鐘, 阿馬路係30碼外遠射... 軟弱無力.
45分鐘, 名波 浩左路怪腳傳中, 高原 直泰頭槌攻門, 泰利亞拉迪拿擋出, 中山 雅史上前撞射, 泰利亞拉迪拿用腳擋出可惜個波落在奧 大介腳下佢將波set俾藤田 俊哉, 藤田 俊哉施射... 邦路拿cut到但係俾服部 年宏搶番, 泰利亞拉迪拿失位... 0-2! 同時球證吹雞完上半場.
返到入更衣室後眾人十分沮喪, 迪李維奧搶先發言: 「文仙尼, 對不起... 打不出賽前部署, 班o架仔逼得好緊. 冇泰利亞拉迪拿係度我地唔止輸兩球...」
「不打緊.」 文仙尼反而好冷靜, 但係其他人依然沒精打彩. 突然間佢拎塊戰術板出o黎...
「我地變陣, 打3-4-2-1, o甘邦路拿同華高夫斯要抖抖o拉... 其實你今日打得不錯了! 阿烈你要踢正中堅, 千祈唔好輕出. 迪李維奧同利馬對掉位置, 我要利馬同泰迪快放落底出波俾SC同兩個AMC. 此外迪李維奧要全場mark實藤田 俊哉, 佢係中場大腦mark實佢對面就要靠兩邊... 我相信阿烈頭槌方面實OK. 仲有... 我同卡樂B要出場, 卡樂B你打SC, 服部 年宏成日輕出... 識做嗎? 而我就同米積杜域一齊打AMC!」佢將佢既偉論一一發表.

我地一齊驚呼: 「教練你真係要出場?」 文仙尼沒有應我們, 而佢就拎起件10號球衣去更衣室... 佢臨走前充滿自信地講o左句: 「我地會嬴!」

另外華高夫斯好唔順氣o甘啤住我...
15分鐘後
「科倫天拿方面要換人呢, 老牌殺手文仙尼入替邦路拿.」 講波佬林尚義從中央廣播報導, 觀眾聽到文仙尼真的出場立刻歡呼!
「卡樂B圖達入替華高夫斯, 咦? 唔講你唔知, 原來卡樂B圖達係香港人! 我亦係剛才睇data至知! o甘大家要支持o下佢o拉! 佢假假地叫出外搵食呀!」 林尚義驚呼, 全場一片o華然, 接著就是一陣接一陣既尖叫!
我同文仙尼一齊步出球場, 佢拍拍我肩膊講: 「Relax, easy easy, 實掂!」 我即刻show一個V字手勢俾佢, 突然間一o下閃光...
「呢張相好呀! 我實post在頭版! He~~~~~」 原來阿瞳影我相, 此時文仙尼仲開玩笑: 「妳係卡樂B女朋友我至俾妳影! Ha~~~~~」
我立刻出聲: 「你唔好玩佢o拉...」 阿瞳又面紅了... 一群記者又衝上o黎影我地...
「B~~~~~B~~~~~」 球證數齊人後又吹雞開波, 盤田山葉照樣狂攻...
47分鐘, 藤田 俊哉扣過泰路斯交直線俾中山 雅史單刀, 好在泰路斯夠勤力返h偷番個波.
「泰路斯! cut得好呀!」 我激勵泰路斯, 佢立刻回應: 「你亦要俾心機! 你要入波呀!」
隊長迪李維奧亦高呼: 「各位! 係時候做o野o拉!」佢一聲令下, 我地即按計劃行動. 好明顯盤田山葉掌握不到攻守節奏而我方漸漸有利...
56分鐘, 利馬截得皮球交俾泰迪, 泰迪帶了一段交俾文仙尼, 文仙尼大喝: 「卡樂B快D走!」
跟住跟將個波一tick, 一個致命直線掠過上本 大海既頭, 我突破offside trap單刀, 我入到禁區就喵住右方遠住射地波... 中外柱彈出!
「Good boy, keep it on!」 米積杜域拍一拍我的頭, 而文仙尼亦俾o左個good既手勢我... 踢o下踢o下場邊既觀眾竟然開始為我打氣!
63分鐘, 迪李維奧偷了藤田 俊哉腳下球, 佢大叫米積杜域走位後就長傳俾米積杜域, 輕輕一控再轉身就扭過奧 大介就後盤球直入, 佢盤球走到禁區頂鈴木 秀人衝出搶截...
我向米積杜域大叫: 「這裏有!」 佢居然假裝施射... 瀟灑地cup過鈴木 秀人再傳俾我. 我身在禁區眼見自己冇位起腳而服部 年宏又衝緊o黎, 於是我趁佢衝埋o黎時順勢一跌... 12碼!
群情高漲! 盤田山葉班球迷即刻問候我相反其他球迷就歡呼! 經過一輪商議後, 我地派出教練去射, 結果文仙尼燙中間騙過大神 友明! 1-2!
其後盤田山葉用清水 範久入替高原 直泰, 但係此舉更令他們方寸大亂! 之後我, 米積杜域及文仙尼在20分鐘內有很多機會起腳可惜不是中柱就是被大神 友明救出...
91分鐘, 我方corner kick, 文仙尼斬去12碼點, 我從12碼點走引開中山 雅史而利馬就從禁區邊衝入12碼點飛頂... 2-2! 我地全部人一起相擁... 球證吹雞, 加時黃金入球制!
「利馬幹得好! 我地要話俾人聽我地是最強的!」 文仙尼高呼! 眾人士氣高漲...
100分鐘, 盤田山葉想速戰速決因此強攻, 可惜阿馬路偷下名波 浩皮球, 阿馬路傳後給阿烈, 阿烈望兩望四周向我大叫: 「卡樂B! 例牌!」
跟著球就飛得好遠, 我控定皮球, 恰巧服部 年宏未回防, 我眼前只得一條直路同埋3個人. 「鬥快吧!」 我心想.
鈴木 秀人, 上本 大海一齊衝上o黎, 我將個波推前而個波就向前溜, 我加速向前跑而佢地兩個又跟不過... 我太快o拉! 大神 友明見勢色不對打算上前辣低我, 我見佢失位於是笠龍門... 3-2!
我地反敗為勝晉身決賽! 我發了狂的衝往角球旗... 「卡樂B, 望過來呀!」 阿瞳說完後又影我相.
「這張會是獨家呢! 喂, 今晚一齊慶祝一o下好不好?」 阿瞳不好意思地問我. 正當我猶疑之際其他隊友都衝到上o黎...

不滅的神話(七) --- 衣錦還鄉(下)

「卡樂B好波!」 所有隊友都衝o西上o黎一齊慶祝仲將我拋o黎拋去! 而所有記者都衝o西上o黎影相! 有好多觀眾更衝埋入o黎球場... 場面一片混亂! 最後, 文仙尼向「實Q」要求他們護送我地去包廂睇波, 臨走前我同阿瞳講: 「第二場波踢完後我約妳係更衣室度等... 好冇?」
她輕輕的點了點頭.
1月24日6pm
「就開波o拉... 唔知拜仁勁唔勁呢...」 我見到文仙尼企o係窗邊自言自語.
林尚義突然開o米: 「好o拉... 雙方都進場o拉, 等我講o下雙方出場陣容先...」
出場陣容如下:
拜仁慕尼黑(3-5-2)
GK: 簡恩(Oliver Kahn)
SW: 史科沙(Ciriaco Sforza) DC: 連基(Thomas Linke), 泰納特(Michael Tarnat)
DML: 李沙拉素(Bixente Lizarazu) DMR: 沙利咸美鍚(Hasan Salihamidzic) DMC: 謝利美斯(Jens Jeremies) MC: (c)艾芬堡(Stefan Effenberg) AMC: 史高爾(Mehmet Scholl)
FC: 艾爾巴(Giovanne Elber), 薜基拿(Alexander Zickler)
SUB:
GK: 德雷爾(Bernd Dreher) DC: 古科(Samuel Kuffour), 柏德烈安達臣(Patrik Andersson) MC: 靴格夫斯(Owen Lee Hargreaves) SC: 贊卡(Carsten Jancker)
香港聯賽選手隊(3-6-1)
GK: 陳家麒
SW: 馬圖斯(Lothar Matthaus) DC: 狄恩, 高尼路
ML: 金判坤 MR: 李健和 DMC: 阿拉烏蘇 MC: 鄭兆聰 AMC: (c)米高勞特立(Michael Laudrup), 赫傑(Gheorghe Hagi)
FC: 白賴仁勞特立(Brian Laudrup)
SUB:
GK: 德普洛夫 DC: 黃偉德 ML: 陳志康 FC: 黃志強, 奧尼拉斯
當o個4個神秘嘉賓出場時, 全場觀眾起立拍掌致敬.
「o華! 我偶像米高勞特立同赫傑都o黎o左! 唔怪之得出場爆滿o拉! 你地睇o下D觀眾好似好high...」 我對坐在我旁的阿烈及利馬尖叫, 唔經唔覺開波o拉...
一開波拜仁恃住自己勁過港聯所以就襟住港聯o黎攻, 但係拜仁始終踢憒穩守突擊所以踢落反而有D老鼠拉龜...
6分鐘, 艾芬堡中場推進傳直線俾史高爾, 可惜阿拉烏蘇睇通來勢截得皮球.
10分鐘, 艾爾巴中路個人突破, 先過鄭兆聰, 再過阿拉烏蘇, 可惜艾爾巴推甩腳俾馬圖斯截到.
33分鐘, 李健和右路推進被李沙拉素截得皮球, 但係個波跌落赫傑腳下, 赫傑一個後抽傳俾米高勞特立, 米高勞特立扣過謝利美斯在30碼外遠射... 簡恩飛身撲出底線!
上半場完
文仙尼又喃喃自語: 「冇諗過馬圖斯一個就可以頂得住...」
成個上半場拜仁攻不到入球之餘反而俾港聯找到數次反擊機會, 勞特立兄弟策劃既反擊更見直接... 好快, 球證又數人吹雞...
49分鐘, 沙Q咸美鍚右路快放推甩金判坤, 狂推60碼再扭過馬圖斯傳中, 薜基拿禁區內窩利抽射... 越楣而過...
眼見勢色不對, 拜仁先在60分鐘用贊卡入替連基, 72分鐘靴格夫斯入替謝利美斯, 史科沙改任自由後衛試圖強攻, 但係馬圖斯, 狄恩, 高尼路, 呢個防守鐵三角好似上身o甘邊個埋o黎就鍘邊個... 反而...
80分鐘, 贊卡欲試遠射, 狄恩同高尼路一個左一個右夾甩個波, 馬圖斯從後搶得皮球後由後場推進, 帶到中場橫傳俾鄭兆聰, 鄭兆聰扭過靴格夫斯再搓番俾馬圖斯, 馬圖斯再推20碼, 泰納特欲衝前搶波但係馬圖斯將個波一挑就越過泰納特而落在米高勞特立腳下, 泰納特同史科沙欲上前攔截但係米高勞特立即係將波chok俾係右邊底線既赫傑, 赫傑睇定至出波, 簡恩同白賴仁勞特立爭頂但係白賴仁勞特立故意漏頂, 伏兵遠柱既馬圖斯對住空門飛身一頂... 1-0!
87分鐘, 赫傑35碼外怒射簡恩擋出不遠, 白賴仁勞特立上前想補中但係史科沙性急從後一掃... 球證直指12碼點! 球證拔紅牌趕史科沙出場! 白賴仁勞特立主射12碼... 2-0!
過了不久球證吹雞完場, 所有球迷即刻衝o西入球場...
我同阿烈講: 「冇諗過拜仁會輸波呢! 我諗過幾日我地要小心D... 呀! 我有D事要做要番酒店先, 你幫我同教練講聲...」 跟住... 我走o左去更衣室. 結果我帶o左阿瞳去山頂食飯兼睇夜景... 爽死!
第2日早上
A報體育版頭條: 「新星湧現! 卡樂B圖達!」
B報體育版頭條: 「科倫天拿新星卡樂B圖達點石成金氣走盤田山葉!」
C報體育版頭條: 「卡樂B圖達! 香港球壇新寵兒!」
冇諗過我o甘快會紅!
1月27日6:00pm
季軍戰... 拜仁慕尼黑狂炒盤田山葉5-1...
1月27日7:30pm
文仙尼坐在更衣室地下同我地開戰前部署: 「大家睇唔睇到港聯有乜缺點?」
我搶先講: 「他們太倚重馬圖斯...」
「冇錯... 所以我地要變o下陣... 基本上和上仗一樣打法... 不過今仗阿烈要打自由人, 我要你由頭到尾mark死馬圖斯. 仲有上半場要打消耗戰, 睇定D先好進攻... 我要睇真D佢地冇乜缺點...」 文仙尼說.
「收到...」大家點頭回應.
文仙尼呼叫: 「那麼... 出場吧! 盡力踢便行!」
出場陣容如下:
科倫天拿(4-4-2)
GK: 泰利亞拉迪拿(Giuseppe Taglialatela)
DL: 莫拉堤(Emiliano Moretti) DR: 泰路斯(Andrea Tarozzi) DC: 邦路拿(Giacomo Bonora), 路木 烈(Tsuyoshi Michiki)
ML: 泰迪(Riccardo Taddei) MR: (c)迪李維奧(Angelo Di Livio) DMC: 利馬(Da Silva Lima Cleiton) AMC: 文仙尼(Roberto Mancini)
FC: 卡樂B圖達(Calbeetuta), 米積杜域(Predrag Mijatovic)
SUB:
GK: 巴沙連尼(Mattia Passarini), DC: 文尼亞利(Marco Mugnaini), MC: 羅薛圖(Fabio Rossitto), 阿馬路(Alexandre Amaral) FC: 華高夫斯(Georgios Vakouftsis)
香港聯賽選手隊(3-6-1)
GK: 陳家麒
SW: 馬圖斯(Lothar Matthaus) DC: 狄恩, 高尼路
ML: 金判坤 MR: 李健和 DMC: 阿拉烏蘇 MC: 奧尼拉斯 AMC: (c)米高勞特立(Michael Laudrup), 赫傑(Gheorghe Hagi)
FC: 白賴仁勞特立(Brian Laudrup)
SUB:
GK: 德普洛夫 DC: 黃偉德 ML: 陳志康 FC: 黃志強, 鄭兆聰
1月27日7:55pm
我們一班人拉隊出場, 今次球迷分成兩批, 大半人支持港聯但我亦見到觀眾席度有好多人拎住科倫天拿既banner, 我地一出場就有好多人拍掌支持, 而且仲有D妹妹仔走出o黎問我地拎簽名...
「卡樂B, 幫我簽個名o拉!」 從人群中有人伸本書係我前面.
「阿瞳? 呢本乜o野o黎o架? 點解有我做封面既?」 我問阿瞳.
「一份準備送俾你既禮物, 唔好問o拉簽o左名先o拉」 之後阿瞳就遞支筆俾我, 我好快o甘簽o左名. 阿瞳臨走前同我講: 「俾D心機踢呀! 意大利同香港都直播緊o架!」
5分鐘後
米積杜域走o黎中圈拍我膊頭: 「Kid, afraid?」
「當然沒有! 一齊努力吧!」 我窩o左他的肚一o下.
「Good~~~~~ 一人最少入一粒! 小心人地請你食三文治...」 米積杜域回敬番我, 此時球證吹雞kick off...
文仙尼大呼: 「依賽前部署去踢!」 跟住他將波交俾米積杜域...
6分鐘, 泰迪左翼傳中陳家麒手槌打出不遠, 米積杜域控定來球施射惜被狄恩封到.
9分鐘, 米高勞特立直線傳給白賴仁勞特立, 白賴仁勞特立窄角度射門... 中柱!
17分鐘, 奧尼拉斯連過迪李維奧, 泰路斯, 邦路拿再橫傳俾赫傑, 赫傑離門25碼遠射... 泰利亞拉迪拿單手托出底線!
23分鐘, 米高勞特立再次發難扭過泰迪傳中, 高尼路後上頭槌... 利馬襟住佢! 12碼! 白賴仁勞特立起腳... 0-1!
「利馬, 冷靜些! 相信我的能力!」 泰利亞拉迪拿激勵利馬, 利馬點頭道歉.
28分鐘, 文仙尼中圈奪得皮球馬圖斯上前攔截...
「馬圖斯... 以前你不是我的對手, 現在亦都會不是...」 文仙尼說.
「真的是嗎? 一陣就知...」 在這刻馬圖斯出腳了, 文仙尼將波向後一搓再向右一推...
「這就想過我?」 馬圖斯回身一個tackle鏟甩o左個波, 個波碌o左去好遠...
「等我來吧!」 我用盡力o甘跑去右邊邊線截住o個波, 我面對金判坤之餘阿拉烏蘇又趕到, 我決定來個推左走右, 皮球在他倆腳下溜過而出場觀眾即刻拍手歡呼, 我加速推進見到狄恩同高尼路衝上o黎...
「冇人幫我, 博一博吧!」 我將波挑起再彎身從他倆腋下閃過, 之後只剩下回防後的馬圖斯, 我離門20碼來想起腳...
「Kid, calm down! I am here!」 米積杜域的聲音從右邊傳出, 我一個直線交俾他而他亦不負所托射向遠柱... 1-1! 我和米積杜域相擁慶祝!
34分鐘, 米高勞特立又盤球直入到離門30碼左右, 迪李維奧情急鏟低米高勞特立... yellow card! 赫傑主射罰球外彎直飛右上方死角... 1-2!
42分鐘, 迪李維奧在禁區邊被阿拉烏蘇推跌, 文仙尼將波放低係地下...
「我要射入右上方死角!」 文仙尼手指住右上方死角叫道, 結果如他所願! 科倫天拿再度追和... 2-2!
上半場完
文仙尼不發一言, 只係坐係椅上...
我問: 「教練, 你沒有事吧?」
「沒有, 只是很疲倦而不想說話.」 他回應我.
他繼續講: 「出場o拉! 上半場大家打得好好! 下半場繼續o甘踢! 卡樂B, 你快D入波呀, 唔係你個女朋友仔影唔到你相... 唔好以為o個日你地去山頂食飯冇人知... 哈哈!」
出部人都向我發出奸狡的笑容, 點解佢地會知?
球證又數人吹雞, 下半場開始...
55分鐘, 李健和右路傳中米高勞特立在5碼點壓倒莫拉堤頂頭槌... 2-3!
58分鐘, 陳志康換入金判坤.
66分鐘, 馬圖斯擺脫阿烈連推70碼遠射... 唔中龍門!
72分鐘, 阿馬路入替疲倦的文仙尼.
75分鐘, 門前混戰奧尼拉斯施射, 泰利亞拉迪拿接住再大腳踢前, 我接下來球扣過狄恩再趁陳家麒出迎時係禁區邊curve遠柱死角... 3-3!
「我入波o拉!」 我入完波後除衫o係球場亂走, 要利馬同阿烈襟住我至停低結果我因為除波衫所以食o左張yellow card.
77分鐘, 米積杜域右路開出角球, 阿烈頂後我俯身一頂... 4-3!
86分鐘, 勞特立兄弟互傳十數腳後搓入禁區, 李健和接應快腳一篤省中泰利亞拉迪拿... 4-4!
「可惡! 俾人追和!」 泰迪深深不忿.
「一會兒看我的!」 我向泰迪笑說.
92分鐘, 泰迪左路博得角球, 米積杜域準備斬波, 我向米積杜域打眼色佢就斬中腰波落12碼點, 我飛身插水一頂... 5-4!
球證亦都好「識做」吹雞完場, 我又連中三元! 此時此刻我突然想起巴迪斯圖達在幾年前做過的一件事... 我好快o甘跑到阿瞳身邊...

不滅的神話(八) --- 猛虎出籠

我好快o甘跑到阿瞳身邊...
「阿瞳! 我愛妳呀! 做我女朋友好唔好呀?」 我跪o左o係阿瞳面前, 佢即刻驚到相機都跌落地下但係其他行家就拎住相機博o西命映而球迷都好似已經知道發生乜事所以開始起哄, 而我仲聽到好多人向阿瞳大嗌「快D應承佢o拉」... 原本嚇到傻o左既佢又變得怕羞起來, 塊面仲紅o西o忝!
「我好多人追o架... 你真係唔怕?」 阿瞳終於開聲o拉不過細聲到我差D聽唔到, 我聽到後既反應就係擰擰頭...
「好多人望住我地o拉, 你快D起身o拉...」 阿瞳繼續講.
「妳應承我就起身!」 我好堅決o甘講, 此時隊友同都走o黎睇熱鬧, 最後... 阿瞳點了點頭! 我高興得不得了! 我即刻起身抱起阿瞳而且我還輕吻了她的臉一o下, 全場所有人都站立鼓掌恭賀我們...
阿烈見到此情景突然疾呼: 「卡樂B你媾o左我個妹仲佔o左佢便宜, 我要罰你今晚請o西成班兄弟去酒吧飲酒!」
成班隊友立刻團結起來... 結果當晚我差D破產, 而第二日各大小報章都用o左我o係球場追女仔一事作頭條, 同一日我地就返o左意大利... 唔知係o米同阿瞳一齊過既時間特別快, 好快又過o左1個月, 期間我不斷苦練射術但係我依然未有機會上first team同時科倫天拿因受傷兵困擾及球員狀態下滑導致聯賽排名不斷下滑但文仙尼卻經常向傳媒表示是自己經驗不足所致... 他就是這樣, 成日都犧牲自己!
1個月後
「卡樂B, 乜你o甘勤力呀! 一陣有冇o野做?」 文仙尼o甘o岩經過練習場見到我.
「我一陣會約o左個球壇名宿傾D事, 有冇興趣跟我去?」 佢問我, 我當然話好...
3小時後, 1pm
我和文仙尼坐o左o係一間意大利餐廳入面等候那位球壇名宿的出現, 過o左一陣他終於出現了!
「告魯夫先生, 這次來意大利好玩嗎? 讓我先介紹, 他是我的球員...」 文仙尼匆匆忙忙地起身走去和告魯夫(Johan Cruyff)握手.
「他是卡樂B圖達! 我認得佢! 全意大利都知佢o係球場媾女, 我點會唔知... 哈哈!」 告魯夫打斷文仙尼話柄之後就走o黎同我握手, 跟著我地三個人又坐番低... 我心想點解文仙尼會約告魯夫?
「言歸正傳... 告魯夫先生, 上次在電話向你開出邀請你出任技術總監的條件怎麼樣? 我老板薛基哥里說金錢上不是問題...」 文仙尼搶先發言...
「你的條件確實很好, 但我想陪伴我的兒子... 我以前只顧我的事業, 根本沒有盡過父親的責任... 我現在想作出補償!」 告魯夫激動地說.
文仙尼想了一想就說: 「就這樣吧... 我在新球季將祖迪(Jordi Cruyff)帶來科倫天拿吧! 要他留在阿拉維斯(Alaves)只是委屈了他... 他來到科倫天拿一定會成為一個偉大的球星! 合約已在你面前, 每月2萬鎊已是不錯的了而且... 你兒子的前途就在你掌握之中.」 文仙尼將合約放在告魯夫面前.
告魯夫毫不考慮就簽了合約: 「多謝你...」 我看到了告魯夫流下開心的眼淚, 但是... 那裏可找到我的開心的眼淚? 我想上first team呀!
第2日
告魯夫出席了科倫天拿為他而設的歡迎會, 在場的記者都不斷詢問告魯夫...
記者A: 「為什麼你會加盟科倫天拿?」
告魯夫: 「我看到科倫天拿的野心, 而且他們給我的條件不錯.」
記者B: 「文仙尼怎樣打動你的芳心?」
告魯夫: 「他應承帶我的兒子來這裏.」
文仙尼: 「阿拉維斯願意把祖迪告魯夫賣給我們, 價錢800萬鎊... 2001年6月30日正式加盟.」
全場一片o華然... 我從此又多了一個對手! 唉...
1星期後, 12pm
今天我們都如常操練, 阿瞳亦都有來等我同?a href="mailto:一齊吃午飯,"><!--autoemail-->一齊吃午飯,</a><!--autoemail--> 臨解散前文仙尼叫我們集合坐下而告魯夫亦唔知幾時突然彈o左出o黎...
文仙尼點齊人後說: 「明天我們就要主場惡鬥AC米蘭(AC Milan), 呢場我地o甘唔好彩輸o左大家個飯碗分分鐘保唔住... 但係我地有太多人缺態及受傷所以我同告魯夫先生都決定兵行險著... 依家聽我既出場名單...」
1pm
「卡樂B, 今餐我請你o拉! 難得文仙尼今次肯比你上陣! 不過今次你入o左波唔駛走o黎錫我o拉, 哈哈!」 阿瞳o係餐廳度同我開玩笑.
「希望我可以入到波o拉...」 我同阿瞳講.
「放心o拉, 我聽日會o黎採訪順便幫你打氣!」 之後阿瞳錫o左我一啖.
第2日, 5:30pm
「出場o拉! 俾D心機! 今場唔衰得o架! 唔係大家個飯碗分分鐘保唔住. 卡樂B... 我今仗放你上場都係因為告魯夫全力推薦你所以你今場要博盡D!」 文仙尼o係更衣室好激動o甘同我地講.
「...係!」 其實我都唔知講乜好, 因為到臨出場o個陣我憑乜o野可以爭贏米積杜域, 李安度(Leandro)同紐奴高美斯(Nuno Gomes)...
出場陣容如下:
科倫天拿(1-7-2)
GK: 托度(Francesco Toldo)
DC: 列加(Tomas Repka)
ML: 雲路利(Paolo Vanoli) MR: 馬高羅斯(Marco Rossi) DMC: 迪李維奧(Angelo Di Livio), 阿武羅素(Christian Amoroso), 托利斯里(Moreno Torricelli) AMC: (c)雷哥斯達(Manuel Rui Costa), 米積杜域(Predrag Mijatovic)
FC: 基艾沙(Enrico Chiesa), 卡樂B圖達(Calbeetuta)
SUB:
GK: 泰利亞拉迪拿(Giuseppe Taglialatela), DL: 莫拉堤(Emiliano Moretti), DC: 比亞連尼(Alessandro Pierini), 路木 烈(Tsuyoshi Michiki) DMC: 高斯(Sandro Cois) FC: 紐奴高美斯(Nuno Gomes), 李安度(Leandro)
AC米蘭(3-5-2)
GK: 艾比亞迪(Christian Abbiati)
DC: (c)保羅馬甸尼(Paolo Maldini), 哥斯達古達(Alessandro Costacurta), 查莫特(Jose Antonio Chamot)
ML: 李安納度(Leonardo) MR: 凱域(Thomas Helveg) DMC: 加杜素(Gennaro Gattuso) MC: 阿柏天尼(Demetrio Albertini) AMC: 波班(Zvonimir Boban)
FC: 舒夫真高(Andriy Shevchenko), 高文甸尼(Gianni Comandini)
SUB:
GK: 羅斯(Sebastiano Rossi) DC: 卡拿迪斯(Kakha Kaladze), 洛基祖利亞(Roque Junior) MC: 高高(Francesco Coco), 古利文派路(Guly), 古迪(Federico Giunti) FC: 比亞荷夫(Oliver Bierhoff)
我地早o左成30分鐘出場所以我地成班球員都走去熱身...
我將個波放o係離門30碼外, 我推o左幾步就拉弓右腳一抽... 雖然角度不太勻鑽但來勁實在太急, 托度欲救無從!
雷哥斯達開出角球, 我跳贏列加一頂... 死角入網!
我o係中場推進, 用速度壓過迪李維奧, 再推左走右避過雲路利之後闖入禁區怒射... 來勁太猛, 托度波皮都掂唔到!
「文仙尼, 卡樂B餓o左波好耐... 真係好勇, 唔怪之得你o甘耐都唔比佢出場... 原來係想等緊急關頭至擺佢出o黎.」 告魯夫同文仙尼係場邊密斟.
文仙尼冷笑: 「不過唔係你都話佢掂兼且話個新陣o岩佢我都未必夠膽派佢上場... 不過好彩, 我依家見到既係一頭剛放出籠既猛虎, 正在準備屠殺AC米蘭... 哈...」

不滅的神話(九) --- 東方快車

5:55pm
雷哥斯達和保羅馬甸尼握過手後就擲毫, 結果我地開波先. 而我同基艾沙則站在中圈等待開波...
「卡樂B, 今天終於可以和你同場上陣! 總算還我心願... 看吧, 場內的觀眾都為我們打氣啊! 為了保住文仙尼和我們的飯碗, 今晚一定要不勝無歸!」 基艾沙大力拍打我的肩膊, 而我亦看到場內的球迷不斷搖旗吶喊, 有人更打鼓領導群眾起舞而我亦見到一張印有「No.22, Calbeetuta~~~~~FIRST GOAL IN SERIE A」既大banner隨風飄揚...
「我亦很期待和你一同作戰的一天啊! 但... 今天的怪陣真的行得通嗎? 我怕我們不夠體力...」 我對基艾沙苦笑.
而他卻充滿信心地說: 「相信自己的能力... 亦要相信文仙尼和告魯夫! 今天我們要將第二代全能足球發揚光大吧!」
希望真的行得通吧, 同時球證亦點齊人而我亦聽到一響哨子聲...
「卡樂B, 努力吧! 按指示去做呀!」 基艾沙把球踢給我, 我就將球傳俾雷哥斯達...
1分鐘, 快速攻門! 雷哥斯達40碼外遠射... 越楣而過!
3分鐘, 加杜素在前場推進, 他大笑: 「哈哈, o甘多個中場都冇人mark我?」
但係唔夠5秒之後, 他後悔了: 「點解你地7個人好似一齊mark我o甘o既?」
最後迪李維奧同托利斯里一齊將波搶走... 之後托利斯里推o左一段, 又在40碼外遠射... 依然越楣而過!
4分鐘, 李安納度左路快放, 馬高羅斯緊隨其後但是李安納度好輕易扭過了他, 但當他想傳中時...
「為什麼你倆會在這裏?」 李安納度驚呼! 因為雲路利 ,米積杜域及雷哥斯達一齊出現同時米積杜域搶走了皮球並大叫: 「基艾沙! Chance is coming! 右邊底線!」
他將球大腳傳給基艾沙而整條中場線一齊壓上, 基艾沙控定皮球右路快放... 保羅馬甸尼衝前攔截但是基艾沙即刻傳直線俾阿武羅素, 阿武羅素再趁哥斯達古達衝來時再向左傳俾米積杜域...
查莫特準備上前mark米積杜域, 他驚呼: 「人地9個人我地睇得邊個?」
冇錯, 除o左列加同托度外所有人都係前線, 米積杜域將波傳給我... 我快於走入禁區, AC米蘭方面根本冇人追到我! 我單刀帶入禁區, 艾比亞迪出迎但我快他一步將波放入網內的右下方死角... 1-0!
全場喊聲震天, 我將我第一個聯賽入球獻給我偶像巴迪斯圖達... 我走去角球旗開機關槍慶祝而基艾沙亦上前與我相擁! 同時告魯夫向文仙尼大叫: 「看啊! 這是我的第二代全能足球! 我地唔會盲目進攻, 唔到機會我地唔會進攻所以球員體力不會急速下降! 再加上兩頭快馬做前鋒同一個位置感強既後衛佈offside trap, 呢個陣簡直完美!」
6分鐘, 阿柏天尼後場截得皮球向隊友說: 「再這樣下去不是辦法! 對方唔應該出現既人總是在唔應該既地方出現, 將球長傳俾舒夫真高同高文甸尼吧!」
之後他將球大腳踢上, 但同時旁証立刻舉旗而球證同時吹越位... 列加向越位的舒夫真高示威: 「有我o係度佈越位你同高文甸尼實冇波入!」
其後在20及35分鐘, 基艾沙靠全能戰陣轟入兩球而我亦在39分鐘再下一城! 相反AC米蘭找不到方法破陣... 上半場完, 科倫天拿暫勝4-0! 我看見AC米蘭的球員垂頭喪氣地走回更衣室, 而我在臨入更衣室前阿瞳完o黎同我咬耳仔: 「你入多球我今晚請你食飯.」
我好有自信o甘同佢講: 「妳今晚記住帶銀包.」
5分鐘後, 更衣室
告魯夫和文仙尼坐在長椅上而我們坐在地下, 告魯夫先說: 「上半場踢得很好! 不過下半場要變陣, 只為這陣式是我們的秘密武器用得多會被人識破, 況且此陣球員體能消耗極大所以不能常用...」
「現在敵人士氣低落, 我們大可打進攻足球, 用3-5-2吧... 托利斯里和雲路利打回DC, 米積杜域改打FC, 迪李維奧打ML, 打到他們落花流水!」 文仙尼將他的策略寫在戰術板上.
他繼續說: 「出場吧! 要入多4球!」
在更衣室通道內, 我同米積杜域吹水: 「你還未入球啊!」
他說: 「Wait, later I will!」
迪李維奧走o黎搭訕: 「卡樂B, 你下半場入到波至串米積杜域o拉~~~~~ 哈哈!」
列加又走o黎搭訕: 「我都要入波呀!」
我地幾個哈哈大笑不過在旁的雷哥斯達則一盤冷水潑過來: 「贏到波又如何? 我們下屆都冇得踢歐冠盃...」
我同基艾沙講: 「雷哥斯達好似好唔happy...」
「聽聞他和托度會離隊呢... 他們想找一間有力爭標的球會落腳... 他們不相信我們可在這裏幹一番大事...」 基艾沙概嘆.
他倆想走? 最好不要吧...
球證鳴笛, 下半場要開始了... 我覺得AC米蘭好像想守完場...
49分鐘, 基艾沙在右邊禁區頂被查莫特剷跌... yellow card! 基艾沙博得罰球... 一射中鵠! 5-0! 基艾沙連中三元後和我們擁作一團! 球場既大銀幕亦replay佢既入球... 高飛曲敘直入左上方死角, 艾比亞迪連波皮都摸唔到!
54分鐘, 雷哥斯達開出角球米積杜域一頂... 6-0!
「Kid, 唔使串我.」 米積杜域入球後走o黎拍我膊頭.
55分鐘, AC米蘭用比亞荷夫入替高文甸尼
58分鐘, 托利斯里在後場被加杜素剷跌, 球證拔出黃牌... 而托利斯里則躺了很久都未能起身, 文仙尼和兩名御用軍醫K.C.劉(K.C. Lau)同謝菲利尼斯達(Jeffrey Nesta)即刻衝o左出去而一班隊友亦上去看看托利斯里...
「你沒有事吧?」 我問托利斯里.
「冇事... 但係右腳冇o西力...」 托利斯里答我.
文仙尼問K.C.劉同謝菲利: 「托利斯里有冇事呀?」
他倆檢查過後謝菲利向文仙尼說: 「他弄傷韌帶... 傷勢不重... 不過一定要換人.」
文仙尼諗o左一陣向場邊大叫: 「阿烈快D熱身!」
59分鐘, 科倫天拿用路木 烈入替托利斯里.
65分鐘, AC米蘭用古利文派路入替波班.
77分鐘, 我沿著右邊推進闖入禁區, 保羅馬甸尼殺到埋身, 我將波傳給基艾沙但保羅馬甸尼來不及收腳將我剷跌... 12碼! 我將球放在12碼點, 全場一片寂靜...
「狂抽中間...」 我心想... 結果艾比亞迪撲到... 但係我跑得快衝前補中! 7-0!
「我都連中三元呀!」 我衝去和文仙尼擁抱, 我們所有人都簇成一團!
80分鐘, 我和基艾沙一齊被換出, 紐奴高美斯和李安度一齊入替. 我就走o左去同阿瞳一齊睇波, 我將我的波衫除下遞給阿瞳: 「小球迷, 給妳的禮物啊!」
「我幾時做o左你既球迷o架?」 阿瞳拍一拍我既膊頭, 對我笑一笑就即刻搶走o左我件波衫.
83分鐘, 比亞荷夫憑藉角球使出頭槌為AC米蘭破蛋! 7-1!
86分鐘, 比亞荷夫重施故技... 7-2!
92分鐘, 阿烈在禁區混戰快腳一射省中凱域改變方向... 8-2!
球證亦很識趣的吹雞完場, 熱情球迷頓時變得瘋狂, 他們全都衝到街上大搞嘉年華會! 而我和阿瞳o係夜晚亦冇去食飯, 我地兩個都劃花塊面扮球迷混入人群當中一齊慶祝玩通宵, 我地仲幫手拎起o個張印有「No.22, Calbeetuta~~~~~FIRST GOAL IN SERIE A」既大banner週街舞... 我諗文仙尼不再怕飯碗不保了!
1日後早上
我例牌的打開報紙看...
A報: 「全能足球再現! 科倫天拿狂炒AC米蘭8-2!」
B報: 「科倫天拿一對前鋒擦出火花! AC米蘭命喪法蘭基球場...」
C報: 「告魯夫拯救了科倫天拿, 基艾沙卡樂B圖達合力連轟6球完全擊潰AC米蘭!」
阿瞳有份寫稿既報紙: 「東方快車 --- 新星卡樂B圖達憑個人速度及技術徹底打敗AC米蘭!」
東方快車? 我想是阿瞳作的吧, 不過幾貼切呢! 可能我會靠呢個名走紅, 哈哈!
2個月後
在告魯夫的幫助下, 球隊戰績穩步上揚... 結果最後我們由第12名跳升至第6名完成聯賽, 而羅馬則以81分奪得聯賽冠軍同時基艾沙在全季入了24球... 可惜還差巴迪斯圖達3球至可成為神射手! 而我則入了7球... 算是不錯吧! 我想我算開始出名了!
不過我們這球季還未完結... 因為我們殺進了意大利盃決賽! 對手則是柏爾馬(Parma)... 幸好還有1星期準備一o下...

不滅的神話(十) --- 激戰120分鐘(上)

6日後, 練習場
「今天練習到此為止, 解散.」 文仙尼在練習後解散了我們, 正當我想離開之際球會秘書突然走來通知我: 「卡樂B圖達, 你叔叔打長途電話來找你.」
我聽到我即刻跑去辦公室聽電話...
「不要嚇我吧...」 我透過聽筒戰戰競競地對叔叔說.
叔叔: 「是真的, 你爸爸去踢波時不小心跌斷了腿, 現在還留醫當中呢...」
「那我立即返香港吧...」 說完這句話後我便掛了線, 之後我就去向文仙尼請假返港, 幾經辛苦之下文仙尼先至肯放我走...
8:00pm, 機場
我: 「喂? 是不是阿瞳呀?」
阿瞳: 「是呀, 什麼事呀?」
我: 「呀... 我爸爸去踢波時不小心跌斷了腿, 我要返香港睇我爸爸... 這幾天你不會找到我...」
阿瞳: 「那你要小心一點呢, 還有代我問候世伯呀... 仲有呀, 你一返o黎記住找我呀!」
我: 「我一定會! 我夠鐘登機o拉, 掛線吧.」
阿瞳: 「好o拉o拜o拜...」
掛線後我立刻撲上飛機, 希望可以快些返香港...
1日後, 9:30pm(香港時間), 醫院
「爸爸, 你沒有事吧?」 我坐在病床邊看著右腳打了石膏的爸爸.
「沒有事呢, 只不過叔叔小題大作而已! 你爸爸我骨頭這麼硬那會有事啊!」 爸爸氣定神閒對我說.
「那我就放心了... 呀! 阿瞳叫我替她問候你呢.」 聽過爸爸的話後我放心了許多.
爸爸: 「阿瞳? 一定是我在看直播時見到和你擁作一團那位了! 球季完了後帶她來見我吧, 哈哈... 你還是快點走吧, 我知你還有比賽要踢的, 等你比賽完後再回來探我吧!」
「那... 我要走先了, 你要小心身體呀! 我再回來時一定會叫埋阿瞳... 爸爸! 好好保重!」 說完這話後我流著淚水跑去機場...
1日後. 1:00pm, 球會總部
「秘書小姐, 卡樂B圖達回來報到了! 呀, 首回合點呀?」 我一下機立即跑回總部.
秘書: 「我們輸1比2呢... 人地保方(Gianluigi Buffon)好似上o左身o甘, 好彩雷哥斯達幫我地破蛋...」
大件事了, 我們落後一球... 都是不要想了, 今天好好休息來面對明天的練習和後天的比賽吧... 呀! 忘記了打電話給阿瞳...
1日後, 2:00pm, 練習場
「我們今天練1小時就夠了... 免得你們會太疲累... 今天主練進攻...」 文仙尼在剛開操時就說.
此時紐奴高美斯搶著說: 「教練, 我們明天用全能足球吧!」
文仙尼說: 「不行啊, 我們還未練熟呢... 上次大炒AC米蘭只是好運而已... 我們分組吧.」
1小時後
「今天練習到此為止, 大家解散吧.」 文仙尼拾起皮球, 正當我想離開之際...
「卡樂B!」 我回頭一看, 見到阿瞳坐在觀眾席上.
我問她: 「仲乜o甘得閒o黎睇我練波o既?」
阿瞳答: 「令天不用上班o麻, 呀! 我織了一條手繩送給你呢... 這會為你帶來好運的.」
「那妳幫我帶上吧.」 我捏一捏阿瞳的臉, 她就乖乖的把它穿在我右手上.
「時早還很早呢, 我們去喝杯茶吧!」 我拖著阿瞳的手步出練習場...
1日後, 5:45pm, 球場更衣室
「大家準備好了嗎? 今天的策略是狂攻, 入了第一球後立即拖慢節奏來打之後再等待機會... 我依家宣佈出場名單...」 文仙尼從袖袋入面拿出一份名單.
出場陣容如下:
科倫天拿(3-4-3)
GK: 托度(Francesco Toldo)
DL: 雲路利(Paolo Vanoli) DR: 托利斯里(Moreno Torricelli) DC: 列加(Tomas Repka)
ML: 迪李維奧(Angelo Di Livio) MR: 馬高羅斯(Marco Rossi) DMC: 阿馬路(Alexandre Amaral) AMC: (c)雷哥斯達(Manuel Rui Costa)
FC: 卡樂B圖達(Calbeetuta), 基艾沙(Enrico Chiesa), 紐奴高美斯(Nuno Gomes)
SUB:
GK: 泰利亞拉迪拿(Giuseppe Taglialatela) DL: 莫拉堤(Emiliano Moretti) DR: 泰路斯(Andrea Tarozzi) DC: 比亞連尼(Alessandro Pierini) DMC: 高斯(Sandro Cois) AMC: 米積杜域(Predrag Mijatovic), FC: 李安度(Leandro)
帕爾馬(4-4-2)
GK: 保方(Gianluigi Buffon)
DL: 沙度爾(Luigi Sartor) DR: (c)杜林(Lilian Thuram) DC: 簡拿華路(Fabio Cannavaro), 辛仙尼(Nestor Sensini)
ML: 林武治(Sabri Lamouchi) MR: 干斯卡奧(Sergio Conceicao) MC: 艾美達(Matias Almeyda), 麥哥特(Johan Micoud)
FC: 迪華奧(Marco Di Vaio), 米路斯域(Savo Milosevic)
SUB:
GK: 葛達賓(Matteo Guardalben) DC: 拖利斯(Stefano Torrisi), 比拿利禾(Antonio Benarrivo) MC: 保賀斯思(Alain Boghossian), 阿派亞(Stephan Appiah) MR: 富沙(Diego Fuser) SC: 麥保馬(Patrick Mboma)
走到通道途中我和基艾沙閒談起來...
「你戴在右手上的手繩很漂亮呢, 在那兒買的?」 基艾沙問我.
「阿瞳織給我的, 羨慕呢?」 我回敬基艾沙.
基艾沙答: 「哼! 我叫老婆織給我! 喂, 如果你有波入我今晚就請你飲酒.」
「o拿! 你話o架! 唔好唔認帳呀! 講明先呀, 我要你用意大利盃裝滿酒俾我飲o架!」 我在通道入面狂呼.
在我身後的列加聽到了我的說話: 「各位隊友, 卡樂B說要用意大利盃當啤酒杯呢!」
雲路利即刻說: 「我們就替他拿一個吧!」
馬高羅斯回應: 「今晚誓奪意大利盃拿來當啤酒杯用!」
眾人高聲呼叫: 「今晚誓奪意大利盃!」
一時間我方士氣高昂起來, 突然間有人捉著我的手...
「阿瞳, 想來拿獨家資料嗎? 但我無可奉告呢...」 我說.
「不是呢, 只是想叫你努力而已...」 我聽到後立即往阿瞳的面頰上吻了一o下, 同時間隊友門亦尖叫了起來...
6:00pm, 球場
「神啊... 請賜我力量...」 我蹲在中圈喃喃自語, 基艾沙走過來拍拍我的肩膊...
「看不看到週圍充滿著激勵啊! 我們一定不會輸的!」 他叫我觀看四週... 是啊! 在場所有人都在搖旗吶喊, 為我們打氣!
此時球證數齊人後亦示意我們開球...
「卡樂B! 我們向前衝吧!」 基艾沙輕輕的將波傳給我...
PS: 除阿瞳, 阿烈, 卡樂B, 謝菲利尼斯達及K.C.劉外, 其他都真有其人.