翌日－－
「封信係呢個咩馬嗲利睇肉會寄畀你o既，內容就係話．．．．．．而家佢o地腰請你加盟馬嗲利睇肉會，張咩轉會申情書已經寄o左去你間睇肉．．．．．．呀唔係，係球會！同埋佢o地想你早o的過去咩西瓜牙．．．去試斷腳喎．．．叫你兩個星期之後去到o個度報到喎！」明神佢明明o的英文唔係太掂o既，但係又亂譯一通，結果就搞成咁！
「真係唔知好笑定好嬲，英文唔掂就去學啦呀智和！」係柏隊o既教練。「係馬德里體育會請你過檔去西班牙踢波呀！就算連高原直泰都冇人要，估唔到我o地個秀朗咁快有人請，真係叻仔！」
「唔好話我話，我就覺得只係因為呢間o野o既球探o黎柏市旅行咋！」北島秀朗回應教練o既讚美。
「咪篤穿啦好冇．．．．．．」
「．．．．．．即係真o架啦．．．．．．」北島一臉無奈。
「．．．．．．．．．．．．」就算連明神都冇晒聲出。
「不過點都好啦，人o地請得你，你去唔去先？」教練問北島。
「去，梗去啦，可以加盟我偶像傑高效力o既球會喎，死人都去！」北島二話不說爽快地應承了。
「唉，咁我o地兄弟就分隔二地啦，踢好o的，我呢個兄弟會睇電視支持你！」明神說。
「我o地好似冇個電視台播西班牙乙組喎．．．．．．」
「．．．．．．．．．．．．．．．．．．．．．．」
「．．．．．．．．．．．．．．．．．．．．．．」
「算啦！」教練打破了沉默。「你畀o的心機都可以過西班牙o架啦！北島你係去好快o的o黎辦公室同佢o地o的人傾啦！如果唔係，蘇州過後冇艇搭！！」
「係！！」說罷北島便快步走向柏雷素爾的辦公室。

二零零零年的八月二日，柏雷素爾便利馬德里體育會達成協議，北島正式加盟馬德里體育會！傳媒亦大肆報道這宗轉會新聞！同日北島便於萬人空巷的情況下登上往西班牙的飛機，究竟佢去到西班牙之後，會有咩奇遇呢？欲知後事如何，請看下回分解。

北島於西班牙的第一場波開始了！！
一開始北島橫傳予羅拔圖，他一下子斬過去右手邊給洛查，洛查面對著對方的右後衛卡羅斯阿古拿，一個推左走右便甩了他，跟住佢就一直跑落底，傳中！門前有沙華跳起飛頂，佢o的頭槌真係好勁，不過對面個龍沙治奧山齊士仲勁！飛撲用手槌打出去小禁區之外，對面有後衛東尼走緊去解圍。
說時遲那時快，北島由外圍切入去小禁區走向波球，快過當尼起腳一射！！中柱彈出．．．．．．
「佢o既把握力同位置感都幾強喎，不過埋門一腳就差少少。」傑高觀察佢睇得一清二楚。
對面開出龍門球，球落在傑高的腳下。
「靚仔，你埋門o個腳同o的技術差少少喎，學o野啦！！」傑高對住北島大叫。
「o下？好呀好呀，等我跟住你學o下o野先！」北島歡喜得很。
傑高技術非凡，首先以假身放甩曉高李奧，然後橫傳給路易斯費列比作撞牆，過o左文拿。跟住佢面對住兩個後衛，Ｊ．盧比斯同埋山迪一左一右夾擊佢，佢就帶波移去左少少o既位置，引山迪向左移，跟住睇準時機，大步一放！o係佢兩個o既空位放甩晒！終於到o左龍前八碼的位置，面對出迎的守門員東尼，輕輕一挑，笠過守門員同埋訓底攔截佢o既北島，帶波入網！！！
「睇到未？慢慢練啦！」傑高回頭同北島講。
「偶像即係偶像，勁呀！！我一定會慢慢學o架啦！師父！！」北島大叫。
「師父？．．．．．．都幾好啦！好徒兒！」傑高說。
就係咁樣，傑高就成為o左北島o既師父啦。而北島o既西班牙之旅亦都叫做有個好開始．．．．．．
努力呀，北島！！

聯賽開鑼之後不久的某一天，偶然間北島行過了領隊的辦工室，原本他心想和領隊打一聲招乎，但他在門外聽到的卻是領隊和某球員的激烈爭論。
「領隊你唔係呀嘛，條日本仔北島o黎左，我連坐後備o既機會都冇？你玩我呀？！」那球員大喝道。
「我知你係有料o既，但係你話到自己可以成為隊中的正規正選，我就覺得唔係囉，你o既實力係不容懷疑，但傑高同埋沙華比你更強呀！」領隊艾朗素冷靜地說。
「係！我認我比唔上佢o地兩個，但係我有咩理由要淪為第四前鋒先？！個日本仔咩料呀？？我點都唔服！！」
門外的北島雖然有o的唔明佢o地講咩，但係佢認得出自己個名，同埋認得出o個個球員把聲，原來o個個球員就係烏拉圭藉o既射手哥尼亞。
「派邊個出場都係我決定o既，我會因好多因素而決定派一個球員出場，包括球員之間o既默契，球員o既狀態同埋表現等等，你同兩個正選前鋒平時又冇兩句，又點會默契？再加上近日你o既表現冇北島咁好，所以我決定畀佢出場，希望你尊重我o既決定！」艾朗素開始動火了。
「哼！你條粉皮，唔妥我就唔妥我啦，唔駛作咁多藉口o既！你唔好以為我好妥你，你慳o的啦！我點都唔服o架啦，有種叫條死靚仔同我鍊過！」目中無人的哥尼亞大喝道。

呢句說話令門外的北島亦動火了，他很清楚呢個哥尼亞的態度很差劣，而且對領隊很不敬，是領隊看中北島，帶他到西班牙的，所以北島心目中，艾朗素是恩人，這個哥尼亞對領隊如此無禮，北島一定不會放過他。於是他便衝門而入，向著哥尼亞用日語說：「你在幹什麼？！！」
「都唔明你講咩，你都係番去你個足球弱國食奶啦！呢度唔o岩你！！」哥尼亞冷冷地說。
「．．．．．．你講咩話？？！！」北島怒氣衝天。
「好啦，你o地兩個都o係齊度啦，哥尼亞，你係咪要同北島比試？」艾朗素說。
「唔比過唔服！」
「北島你呢，佢唔甘心做第四前鋒，要你同佢一決高下，唔係就唔服，你接唔接受佢o既挑戰？」
「求之不得啦！仲要為o左同自己同領隊你出番啖氣！！」北島爽快地應承了。
「有心啦朗仔，你兩個之間o既比試，就o係三日之後o既操練後開始啦，到時就自會有比試方法，不過呢三日之內，邊個都唔准搞事，唔係就當自動棄權！」艾朗素說。

到了西班牙之後都仍然順順利利的北島，終於遇到了考驗，而這一天，原本是隊友的哥尼亞和北島亦反目成仇成為了敵人，馬德里體育會這裡更造就了這對宿敵的對立，究竟北島的命運如何？他能不能戰勝哥尼亞？請看下回分解！

三日之後－－
今天便是北島和哥尼亞對決的日子了，今天的操練過後，球員們仍然留在球場上，等待北島和哥尼亞的決戰。
領隊公佈了決鬥的方法，就是以單對單加守門員的方法進行，即是一方攻一方守，直到入球或出界便攻守交換，如守方於防守時搶到攻方的皮球，便可帶波出蛾眉月頂然後轉守為攻，總共會鬥十個回合，每一次攻守交換便算是完成一個回合，最後入球者多為勝。
決鬥開始之前的氣氛總是靜得可怖，球場上的全部人都沒有發出聲音，而北島和哥尼亞之間的眼神交流，更有如電流般強烈，他們的狀態都到達了最高峰！
「執好行李未呀？馬德里旅行團要完啦！乖乖地番屋企啦！」哥尼亞說。
「我絕對不會輸給你！！」北島說。
「好啦，廢話少說，比試開始！！」艾朗素大叫。
「我唔會放水畀你兩個o既！o黎啦o黎啦！哈哈哈！」守門員沙治奧山齊士笑說。

第一回合由哥利亞為攻方，他輕易地用假身放甩北島然後大腳抽入。
第二回合北島嘗試用速度越過哥尼亞，但是被哥尼亞從後有技巧地偷走皮球，然後走回蛾眉月頂轉身射入！情況一開始便對北島不利。
五個回合過後，哥尼亞以三比二領先北島。
不過戰情於第八個回合便有所變化：第八回合攻方的哥尼亞面對出迎的守門員時，慌亂地把球射斜了，他的缺點於這個情況下表露無遺。第九回合北島順利射入，進入最後一個回合，比數是四比四。
「最後一個回合啦！北島，加油呀，要打敗佢呀！」曉高李奧大叫。
「究竟呢幾日你教過o的咩呀，點教佢好似未用過咁o既？」沙華問傑高。
「睇埋呢個回合你就知o架啦！徒弟仔！係時候啦！」傑高大叫。
北島向他豎起姆指。
「你都幾有料o架喎，可以同我鬥到最後一個回合！不過我唔理任何o野，呢鑊鍊低你就攪掂，睇住o黎！！」哥尼亞大叫。
「好！o黎啦！一切就o係呢個回合了斷啦！！！」北島熱血沸騰起來。

攻方的哥尼亞使盡揮身解數，希望可以擺脫北島，但北島卻清脆地奪去皮球，帶波到了蛾眉月頂，哥尼亞緊迫住他，而北島背向龍門，盡力保護腳下皮球，他好像已經沒有辦法了．．．．．．
突然間北島的身體向右高速地移動，哥尼亞亦跟住他移動，然後北島用他的爆發力立刻反方向轉身，哥尼亞亦不甘示弱，臥地攔截！
北島反應奇快地挑起皮球，皮球向前飛去，然後他瞬間向前大步一跳，越過哥尼亞，球不落地大腳衝射，皮球直飛死角入網！北島完美地使出師父傑高的絕技－－挑波衝射！！
「入了！！！！掂呀！！！！！」北島及所有人一時間亦興奮地大叫起來。

二零零零年的九月尾，轉會市場關閉前的兩日，馬德里體育會和宿敵球會貝迪斯達成協，貝迪斯以二百三十萬英鎊買入馬德里體育會的射手－－哥尼亞。他滿腔不甘心的離開了德里體育會，當然的，他更加不甘心被北島打敗。

分組賽中，日本隊以三比零輕取斯洛伐克，又以二比一擊潰南非，最後一場大戰巴西，雖然中村俊輔多番罰球施射，前鋒線上不斷製造機會，但最後仍要飲恨於阿歷斯的頭鎚之下輸一比零．日本隊以次名出線，八強之戰對戰美國。
對美國的這一場賽事令日本隊暴露出他們在經驗上和世界的差距，賽事戰至八十三分鐘，日本仍以二比一領先，怎知在八十四分鐘時，日本隊的防守中場酒井友之在抵禦美國隊的攻勢時犯了一個無法彌輔的過失－－禁區內犯規，十二碼！！就這樣，日本隊被追成二比二，到加時仍未分出勝負，最後互射十二碼以五比四飲恨出局，而射失十二碼的，是中田英壽．很明顯在這場比賽的最後階段，日本隊的防守極為混亂。這一場敗仗除了令日本隊球員提早回國之外，更令酒井友之永遠失去代表日本之資格。
日本隊在悉尼的這段期間，有兩個個英國男人，每場日本隊的賽事他們也是坐上客，他們很留意日本隊的動向。他們坐在日本足球支持者的那些位子上，顯得神色沉重，愁眉深鎖，沒有人知道他們是誰，更沒有人知道他們的用意何在！只是每個日本球迷都視他們二人是邪神，恨不得"丙"之而後快！

究竟他們二人是何方神聖呢？請看下回分解！

「你好！我o地係英國球會o既球探，我叫約翰．施士文，而呢位呢就係東尼．柏加斯，是球會o既助理領隊。」
「呀，你o地好，請問搵我有咩事？」中澤滿腹疑惑地說。
「實不相暪長話短說，我o地已經睇o左好多有你出場o既比賽o架啦，半年o黎由川崎讀賣追到o黎澳洲，我o地終於下以下定論，你係一個好有潛質o既球員，而且對我o地球會好重要，因為我o地球會正是需要你呢一類型o既後衛，有冇興趣加入我o地o既球會？」施士文說。
「你o地係．．．．．．」
「呀，係啦，我o地o既卡片。」柏加斯把他的卡片交給中澤。
「紅玫瑰！是布力般流浪！！」中澤驚訝地說。
「你答o岩o左，我o地係布力般流浪o既職員。我估你都係未有咁快可以答到我o架啦，番去慢慢諗o下啦，我o地會o係十月中亞洲盃之後正式向讀賣商討，到時你再決定都未遲！仲有呀，我o地領隊桑拿士同埋施士文會全程睇住你亞洲盃o既表現，希望你唔好令領隊失望啦！考慮下啦，再見！」
「去英國．．．．．．如果過去，對我o既技術會好有幫助o架喎，老老實實我就真係好想去．．．．．．但係可能讀賣o的『大支o野』唔會放人喎，屋企人又未必畀我過去呢．．．．．．聽聞o個邊仲有工作證制度，好似o係國家隊唔夠出場次數唔批o架喎．．．．．．點算好呢？」中澤便呆呆地站在原地，陷入沉思之中。
「上車啦死高佬，企o係度碌木咁做咩呀？！唔好搞到我冇得食牛扒呀！！快o的！！」高原直泰從遠處呼喚中澤，於是他便跑上巴士了。點解？梗係唔係成全高原食牛扒o既美夢啦，而係要教訓o個個叫佢 「死高佬」o既人。

「大佬對唔住呀，我講笑咋，唔好咁啦∼∼大佬飲茶！！壽味o岩唔o岩呀大佬？∼∼」
「你走唔甩o架啦，死蠻牛！！叫番幾多聲大佬都冇用o架啦！你就係咁畀我坐到返酒店啦！」
「救．命．呀∼∼∼∼∼∼∼∼∼∼∼∼！！」

　　中澤祐二亦有隨隊前往黎巴嫩，他很清楚這次的盃賽對他還有另外一種意義，就是把自己的能力發揮到最高，好讓布力般的正副領隊知道及欣賞他的實力。這一次盃賽對中澤來說，是具有特別意義的比賽，正因為是這樣，他的壓力也比別人高，令他到了黎巴嫩後整個人也憔悴了很多，幾乎不能出席頭幾場賽事。而因為中澤的狀態不佳，令日本隊後防的三人變動成為松田直樹、森岡隆三和服部年宏，分組賽事之中日本隊防線都是由這三位球員鎮守。

　　亞洲盃分組賽Ｃ組賽事，日本隊第一場賽事大戰勁敵沙地阿拉伯，各地傳媒賽前都預料這場是一場大戰，前屆冠軍大戰去屆冠軍，肯定非常矚目！怎知賽果成了一面倒，日本四比一勝出；第二場日本大勝烏茲別克八比一，西澤明訓及"狂牛"高原直泰大演帽子戲法，臨時補選，從西班牙趕回來的北島秀朗亦有一球進帳，烏茲別克只能靠路山破蛋；第三場賽事，日本隊氣勢有點回落，只能一比一賽和卡塔爾。日本隊順利進入八強賽事，八強對手是伊拉克。

　　這邊廂中澤祐二積極地操練，到了八強賽前幾天，他已經回復了超過九成的狀態，隨時可以再為日本隊那制空力一般的後防線坐鎮。而協助他把狀態加倍提升的，就是富經驗的日本國家隊後衛－－海本慶治。

　　「如果我有心爭一席國家隊代表o既話，我諗你都唔駛皆意有人可以幫到你！其餘o個三件場場都打正選，自己狀態都唔係太好，點幫到你呀，你話係咪先？不過見到你而家o既狀態都有番咁上下，總算冇浪費我一番心機，將『海本流後衛訓練法』用o係你身上！」海本對中澤說。
　　「『海本流後衛訓練法』？！乜你用o係我身上o既訓練o既方法係咁響朵o架？咁我駛唔駛斟茶拜師父呀？？？」
　　「你估真係咁響咩，其實我廿二三歲o個陣都試過好似你咁壓力大到狀態全失，有經驗有心得o者，o個個名老吹o架咋！」
　　「不過點都好啦，真係好多謝你幫o左我咁多，不過話時話，點解你o個陣咁大壓力o既？」
　　「其實咪同你一樣，o個陣時有間好出名o既外國球會傳聞想帶我過去o個邊踢波，所以我場場都想畀表現人睇，結果表現反而差o左好多，最後轉會件事不了了之。我覺得好可惜，咁o岩見到你同我情況差唔多，咪希望幫你脫離呢個狀態囉，算係希望彌補自己心靈創傷掛．．．．．．」
　　「．．．．．．多謝！記唔記得白頭佬要我o地打場練習賽？好似差唔多時候要集合，不過我可唔可以問多你一條問題呀？」
　　「講啦！」
　　「究竟o個間係咩大球會咁巴閉？」
　　「都知你想問o架啦！係意大利o既森多利亞呀，夠出名啦掛？佢o地諗住收購我o個年正正係佢o地拎冠軍o個年！」
　　「嘩！勁呀！！」

　　及後的練習賽裡，日本隊約戰當地球會，後防線由川口能活把關，松田直樹、森岡隆三和中澤築成三人防線，稻本潤一及明神智和為雙防守中場，名波浩任職左中場，小野伸二任右翼，雙箭頭為北島秀朗及高原直泰。此次練習賽的賽果更令人意思不到，是十一比零！高原直泰攻入五球，北島秀朗大演帽子戲法，但這場賽事最可怕的，就是其餘三球都是角球造成的頭鎚攻門，而三球亦是由中澤頂入的！！他的狀態已到達了頂峰！

　　日本國家隊八強賽勝伊拉克四比一，四強賽勝中國三比二，決賽再次勝沙地阿拉伯一比零，奪取了亞洲盃。這三場中澤亦有出場，為後防制空之重心人物，有看過這三場賽事的人都盛讚中澤表現出色，充滿驚喜。

　　亞洲盃正式完結了，日本國家隊和杜斯亞都用亞洲盃冠軍獎盃去彌補了奧運男足的遺憾和創傷。而對中澤來說，亞洲盃完結後還有多一份的喜悅，就是他於二千年十一月十五日，以一百萬鎊的轉會費轉投英國甲組球會布力般流浪，開展了其足球生涯的新一頁！