Deprecated: Function set_magic_quotes_runtime() is deprecated in /home/hkcm/www.hkfm.org/include/common.php on line 45

Strict Standards: Only variables should be assigned by reference in /home/hkcm/www.hkfm.org/include/common.php on line 59
Hong Kong Football Manager & Championship Manager Official Fans Site 香港FM及CM官方球迷網

技術顧問 - CM 3系列戰術教學 - 第四講

 
高手教路區
  

 

☆★ 第四講 (守門員上身論)
作者:Kaiser Cantona

 

我們玩CM時,最令人痛恨o既,不是受傷,戰敗或俾人狂數,而係電腦個守門員上身。當我地用上o左世界明星隊陣容對住d降班膽時,一遇上電腦個守門員上身,就會粗口四起,大罵屈機,繼而Reset。

 

事實上,”上身現象”現象是怎麼的一回事?

現實裏面。守門員o既表現可以分為兩種,

第一種係最乞人憎o既出色撲救,擁有野性,反應將會令你不知所措。

第二種係出色o既默契同位置感,係隊友出色o既掩護下實行

 

撇除o左最唔正常o既第一種情況,我地可以研究一下究竟守門員上身係點樣發生。

 

”守門員上身”呢種現象係點樣?主要係下列三種情況:

 

第一,當守門員Rating上升時,代表佢開始上身;

第二,當守門員上身時,我方以壓住佢o黎切都都射唔入;

第三,唔知係唔係Programmer有心,通常強隊係一輪勝仗,個form好好下,夾硬要你輸或和一兩場先至安心,然後一輪底潮,搞到連自己都冇晒心機。

係上述第一種情況下,守門員係頭二十分鐘o既Rating升到超過8,就已經幾難射得入除o左守門員自己發癲之外,我地o既"低效能射門"亦係導致呢種效果o既原因之一。

 

呢種軟弱無力o既射門,包括遠射,窄角度射門,”笠”射(lob),倒掛(bicycle shot)-我打三年前打CM以來,打過過百次倒掛,但係剩係入過一粒咁多... 當你隊波成日做d低效能射門,令對手守門員容易得到多d表現機會,到rating升高o左之後,前鋒近近勁”辦”都照救。

而第二及第三種情況就有住相互關係。唔知大家有冇留意,守門員上身多數會係咩情況下出現?好多時會係強隊對弱隊身上出現,好似泰比呢d平時冇咩表現o既守門員,好鍾意對住自己隊百勝雄師就上身,究竟發生咩o野事?點解我隊個form咁好,連勝九至十場波,居然輸俾一個守門員?究竟係唔係Programmer大整蠱?

 

Programmer有冇整蠱,我o地唔知,但係有一樣o野一定知o既係,通常係對手守門員上身時,對手至少硬係有個守衛o的rating有8899咁,特別係做man-marking果個。事實上,我地隊百勝雄師人人怕,加上十幾場連勝,鋒芒太露,係人都驚,俾我對住你隊波,實會o黎個Defensive+Men Behind Ball(我甚至試過瓜菜籮籃條億萬大軍係我主場Defensive+Men Behind Ball!)。

 

係咁o既情況下,你o既對手唔只守門員,仲有一大班守衛等住招呼你。如果你隊波夠硬,係呢種時候通常會壓住對手係半場狂攻,但係對手後衛都始終唔夠係o黎,俾你射番十零廿次波。但係,佢地即使唔可以阻止你o既射門,但係可以以under pressure by.... o既方式令你只可以作出低效能射門,甚至逼你遠射或窄角度射門。到時,守門員o既rating自不言可以輕鬆提高,進入”上身”o既無敵境界。。。。

根據上述o既情況,當我地面對住守門員上身時,必須以係禁區中o既高效能射門為破關o既唯一辦法。事實上,即使對手守門員上身唔關守衛o既事,高效能射門都係唯一o既辦法:

 

 

1. 減少低效能射門-盡量珍惜控球機會,要將波送入危險地帶先射,所以唔好俾冇遠射能力 o既人遠射;開著o左遠射指令o既人唔好企得咁遠;調較with ball中前鋒o既位置,唔好要佢  o係窄角度射門。另外特別要留意,雙中鋒加一個進攻中場o既陣式裏面,進攻中場會超級極度愛好遠射,即使係唔開著遠射指令。如果對手守門員上身時,就要考慮一下佢o既存在價值。

 

2. 減少經常作低效能射門o既球員-呢類球員o既特徵係唔理三七廿一都遠射同窄角度射門,甚至打倒掛。佢o地多數係屬於Teamwork低而Flair高o既球員,當佢地被mark住而殺唔到入禁區時,都會寧願勁”辦”都唔傳波。。。。。最陰功係d高Flair o既中鋒會好鍾意學戴志偉咁,經常有頭唔用就打倒掛。

 

3. 將對手後衛無力化-使用調虎離山/錯對/穩守突擊戰術,以戰術方式將對手後衛無力化。

 

4. 針對性佈署-如果對手剩係得一個上身o既後衛,就將攻勢集中係佢 o既另一邊,又或者係with ball做手腳引開佢,甚至用殺傷戰術。如果避無可避,就要根據比較優勢原則進攻,或者用你對波表現最好o既進攻球員對付佢。

 

5.死球戰術-用你對波中根據當時比賽數據。最常被侵犯o既球員,轉為AMC或FC,加入run with ball, hold up ball, hard tackle,吸引對手o既侵犯,以罰球避開對手o既防守球員,甚至十二碼.....

無論點都好,對手守門員上身時最悲劇o既結果係射門27比1,但係比數係0比1。贏攻勢輸球賽往往都係狂攻不下時出現,然後使我地大呼屈機。我唔知到Programmer有冇整到狂攻不入時,球員會不自覺愈打愈前,但係可以肯定o既係,狂攻不下會削弱士氣,更容易失球。係我o既經驗裏面,係守門員上身75分鐘打後可以入到波o既機會少過兩成,所以如果場波唔係非勝不可既話,我建議大家係75分鐘後都攻唔入,用Defensive + Men behind Ball,唔輸當贏算數。